Romanus 6

Mortu pa pekadu, bibu pa Kristu

1Nta ke ku no na fala? No na kontinua na pekadu#Kap 3.8 pa fabur di Deus pudi buri? 2Nunka! Anos ku muri#Gal 2.19; 6.14; 1 Ped 2.24 ja pa pekadu, kuma ku no na kontinua nel? 3Nta bo ka sibi kuma, anos tudu ku batisadu#Gal 3.27; Kol 2.12 na Kristu Jesus, no batisadu tambi na si mortu? 4Oca no batisadu, no nteradu ku el na mortu, pa no pudi yanda#Kap 8.11; 1 Kor 6.14; 2 Kor 5.17 na nobu vida, suma ku puder gloriosu di Pape lantanda Kristu di mortu.

5Si no junta ku el na parsensa#Fil 3.10-11 di si mortu, asin tambi no na sedu na parsensa di si resureison. 6No sibi kuma ki algin beju ku staba dentru di nos i krusifikadu#Gal 2.20; 5.24; Ef 4.22; Kol 3.5-10 ku Kristu, pa naturesa di peka pajigadu, pa ka no kontinua sirbi pekadu. 7Kil ku muri#1 Ped 4.1 i sta ja libri di pekadu. 8Si no muri ku Kristu, no fia tambi kuma#Jon 14.19; 2 Kor 4.10; 2 Tim 2.11 no na vivi ku el. 9No sibi kuma, manera ku Kristu lanta di mortu, i ka na muri#Apok 1.18 mas. Mortu ka na ten mas forsa riba del. 10Manera ki muri, i muri janan#Luk 20.38; Eb 9.27-28 pa pekadu. Manera ki na vivi, i na vivi pa Deus. 11Asin tambi abos, bo fasi di konta kuma bo sta mortu#Kol 3.3-5 pa pekadu, ma bo sta bibu pa Deus, juntu ku Kristu Jesus.

12Pekadu ka dibi di manda#Kap 8.2; Sal 19.13; 119.133 mas na bo kurpu mortal,#6.12 Mortal: ku ta muri. pa bo torna sigi si diseẑu mau. 13Ka bo ntrega membrus di bo kurpu pa pekadu, suma feramentu di mal, ma bo ntrega bo kurpu pa Deus, suma bibus ku tiradu na metadi di mortus. Bo ntrega bo membrus pa Deus suma feramentu di fasi ben. 14Pekadu ka na ten forsa riba di bos, suma bo ka sta bas di#Kap 7.4-6; Gal 5.18; Titu 2.14 lei, ma bo sta bas di fabur di Deus.

15Ma i ke? No ten ku peka suma no ka sta bas di lei#1 Kor 9.21 ma bas di fabur di Deus? Nunka! 16Nta bo ka sibi kuma, ora ku bo ntrega bo kurpu suma katibu pa sirbi#Mat 6.24; Jon 8.34; 2 Ped 2.19 algin, bo sedu katibu di kil ku bo na sirbi? Bo sedu katibu di pekadu ku ta leba bos pa mortu, o bo sedu katibu pa obdisi pa fasi bos justu. 17Deus obrigadu! Abos ku seduba katibu di pekadu, bo bin seta ku tudu korson kusas ku sta na nsinamentu ku bo ntregadu nel. 18Bo libradu#Jon 8.32; 1 Kor 7.22; Gal 5.1; 1 Ped 2.16 di pekadu; bo fasidu katibu pa fasi ben. 19Pabia di frakesa di bo naturesa, N na fala palabra ku omi ta ntindi. Purmeru ba, bo pui bo membrus na katiberasku di susidadi pa fasi mal riba di mal. Asin tambi gosi bo ten ku ntrega bo membrus suma katibus di ben pa fasi kusas diritu, pa bo pudi sedu santu.

20Oca ku bo seduba katibu di pekadu, bo ka obrigaduba fasi ben. 21Kal rusultadu ku bo tenba di ki kusas#Kap 1.32; 7.5 ku gosi bo ta burguñu ku el? Fin di ki kusas i mortu. 22Ma gosi, bo sta libri di pekadu, bo fasidu katibus di Deus. Frutu ku bo tene gosi na leba bos pa puresa, dipus pa vida ku ka ta kaba. 23Pagamentu di pekadu i#Kap 5.12,17,21; Tia 1.15 mortu, ma kil ku Deus ta danu#Kap 2.7; Jon 3.15-16 di grasa i vida ku ka ta kaba, pabia di Kristu Jesus no Siñor.

Currently Selected:

Romanus 6: povB

Highlight

Copy

Compare