Romanus 2

Kulpa di judeus

1Abo, omi, kualker ku bu sedu, si bu na#2 Sam 12.5-7; Mat 7.1-2; Jon 8.7 julga, bu ka ten diskulpa. Na kil ku bu na julga utru, bu na kondena bu kabesa, pabia bu na fasi suma el. 2No sibi kuma Deus ten roson ora ki na julga kontra kilis ku ta fasi ki kusas. 3Abo, omi ku na julga kilis ku ta fasi e kusas, bu kuda kuma, si bu na fasil, bu na kapli di justisa di Deus? 4O bu ta njuti rikesa#Kap 9.23; Ef 1.7 di si bondadi, kuma ki ta sufriu ku pasensa? Bu ka sibi kuma bondadi di Deus#Sai 34.6; Is 30.18; 2 Ped 3.9,15 i pa lebau pa ripindimentu? 5Manera ku bu korson i duru, i ntemus, bu na buri raiba#Tia 5.3 riba di bo na dia ku Deus na mostra si raiba ku si justu juisu. 6I na paga#Jer 17.10; Mat 16.27 kada un pa kusa ki fasi. 7I na da vida ku ka ta kaba pa kilis ku kontinua na fasi ben, e buska gloria ku rispitu, ku vida ku ka na dana, 8ma kilis ku na fasi se propi vontadi, ku nega sigi bardadi, e misti son#Kap 1.18; Is 3.11 mal, e na risibi son raiba ku kastigu. 9Sufrimentu ku dur na bin riba di tudu jinti ku na fasi mal, purmeru#Am 3.2; Luk 12.47-48 pa judeus, tambi ku jintius, 10ma gloria#1 Ped 1.7 ku rispitu ku pas na bin pa tudu kilis ku ta fasi ben, purmeru pa judeus, tambi ku jintius, 11pabia Deus ka ta fasi#At 10.34 skuju.

12Tudu kilis ku peka sin lei di Deus, e na pirdi sin lei. Tudu kilis tambi ku sibi lei di Deus, e peka, lei na julga elis. 13I ka son obi lei ku ta pui algin justu dianti di Deus, ma kilis ku ta fasi#Mat 7.21; Tia 1.22; 1 Jon 3.7 kil ku lei manda, elis ku ta ojadu justu. 14Ora ku jintius ku ka tene lei di Deus na fasi na se vontadi kusas ku lei manda, nin ke ka tene lei, elis ku sedu lei pa se kabesa. 15E mostra kuma kusa ku lei manda i sta skritu na se korson. Se sintidu tambi na mostra kuma es i bardadi, pabia utru ora se pensamentu ta akusa elis, utru ora i ta difindi elis. 16Asin ki na sedu na dia ku Deus ku Siñor Jesus Kristu ten ku julga#Jon 5.22; At 10.42; 17.31; 1 Kor 4.5; 2 Tim 4.1; 1 Ped 4.5 sigridu di jinti, suma Bon Noba, ku N ta konta, fala.

Sirkunsison di bardadi

17Si abo, bu comadu#Kap 9.6; Mat 3.9; Jon 8.33 judeu, bu na fiansa na lei, bu na njata na Deus, 18bu nsinadu na lei tok bu kunsi vontadi di Deus, bu na seta tudu kusa bon, 19bu fia kuma bu ta gia#Mat 15.14; 23.16-17 segus; abo i lus di kilis ku sta na sukuru, 20nsinadur di tulus, pursor di mininus; na lei bu ten forma di ntindimentu ku bardadi; 21abo propi ku ta nsina utru jinti, bu ka na nsina bu#Mat 23.3 kabesa? Abo ku fala pa ka furta, bu na furta? 22Abo ku fala pa ka kai ku algin ku bu ka kasa ku el, bu na fasil? Abo ku nfastia iran, bu na furta na baloba? 23Abo ku ta njata na lei, bu na falta Deus rispitu manera ku bu na kebra lei? 24Asin, suma ki sta skritu: “Jintius na njuti nomi#2 Sam 12.14; Ez 36.20 di Deus pabia di bos.”

25Si bu guarda lei, bu sirkunsison na bardadi i ten balur, ma si bu kebra lei, bu sirkunsison i suma nada. 26Nta si algin ku ka sirkunsidadu guarda#At 10.34-35 mandamentus di lei, si dunu ka ta sta suma kil ku sirkunsidadu? 27Si algin ku ka sirkunsidadu na kurpu na fasi suma ku lei fala, i na bin#Mat 12.41-42 julgau, abo ku sirkunsidadu, bu tene lei skritu, ma bu ta kebra lei. 28Judeu i ka son kilis ku parsil di#Kap 9.6; Mat 3.9; Jon 8.39; Gal 6.15; Apok 2.9 fora, nin i ka kilis ku sirkunsidadu na kurpu, 29ma judeu i kilis ku sedu dentru#Kap 7.6; Jon 1.47; 2 Kor 3.6; Fil 3.3; Kol 2.11; 1 Ped 3.4 delis, ku ten se korson purifikadu. I kusa di Spiritu, i ka di letra. Ki koldadi, i ka omi#1 Tes 2.4 ku na ngaba elis, ma i Deus.

Currently Selected:

Romanus 2: povB

Highlight

Copy

Compare