Isaias 51
51
Palabra di konsolason pa Jerusalen
1Bo sukutan, abos ku ta sigi kusa ku sta sertu,
abos ku ta buska SIÑOR.
Bo jubi pa roca ku bo kortadu nel,
pa koba di pedra nunde ku bo tiradu nel.
2Bo pensa na Abraon, bo pape,
ku Sara#Kum 12.1-2; 24.35; Eb 11.11-12 ku padi bos,
pabia, oca ku N comal, i staba el son,
ma N bin bensual, N pui si jorson pa i ciu.
3SIÑOR na konsola#Kap 51.12; 40.1; 52.9; Sal 102.13-14; Ez 36.35 Sion;
i na ten pena di tudu si kaus ku danadu.
I na pui si lala pa i sedu suma Eden;
i na pui kau ku ka tene nada
pa i sedu suma jardin di SIÑOR.
Sion na ten kontentamentu ku alegria;
jinti na gardisi Deus ku kantiga bonitu.
4“Ña pobu, bo paran sintidu;
ña nason, bo para oreja pa sukutan.
Lei na sai#Kap 2.3; 42.6 di mi;
ña justisa na pudu suma lus pa nasons.
5Ña justisa#Kap 46.13; 56.1; Rom 1.16-17 na bin ja;
ña salbason sta na kamiñu;
ña mon na julga nasons.
Jius na peran ku pasensa
pa ña mon pudi salba elis.
6Bo yalsa uju pa seu,
bo jubi tambi pa mundu ku sta bas,
pabia seu#Mat 24.35; 2 Ped 3.10-13 na bin disparsi suma fumu;
mundu na bin beju suma ropa;
mundu na bin beju suma ropa;
si moraduris na muri suma moska,
ma ña salbason na manti pa sempri;
ña justisa ka na kabadu ku el.
7“Bo sukutan, abos ku ta rapara bon kusas,
ku tene ña lei#Sal 37.31 na bo korson.
Ka bo medi trosa ku omis ta fasi bos,
nin ka bo ŝatia si e koba bos,
8pabia bagabaga na kume elis#Kap 50.9 suma ropa;
bicu na kume elis suma lan;
ma ña justisa na manti pa sempri,
ña salbason na ba ta pasa di papes pa fijus.”
9Disperta, disperta!
O mon di SIÑOR, arnoba bu forsa.
Disperta, suma na tempus ku pasa
di jinti di antigu.
Nta i ka abo ku padasa ki dragon#Kap 27.1; 30.7; Jo 26.12; Sal 89.10; Ez 29.3 Raab?#51.9 Raab: Un dragon di storias di tempu antigu, ku ta usadu utru ora pa representa Ejitu.
10I ka abo ku sekusi ki yagu di mar#Kap 43.16; Sai 14.21 fundu,
ku pui kamiñu na fundu di mar
pa jinti ku libertadu pudi pasa?
11Kilis ku SIÑOR kaplinti e na riba,
e bin pa Sion#Kap 35.10; Jer 30.19 ku kantigas di vitoria.
Alegria ku ka ta kaba na sedu se koroa;
e na ten kontentamentu ku alegria;
tristesa ku folgu fundu di kansera na kuri delis.
12“I ami, ami propi ku ta konsola#Kap 51.3 bos.
Ke ku manda bu na medi omi ku ta muri,
o fiju di omi ku fraku#Kap 40.6; Sal 118.6 suma paja?
13Kuma ku bu diskisi di SIÑOR ku kumpou,
kil ku distindi seu,#Kap 40.22 ku pui alisersu di tera?
Pabia di ke ku bu ta ten medu tudu dia
di raiba di bu kastigadur,
ora ki na purpara pa kaba ku bo?
Ki raiba, nunde ki sta nel gosi?
14Katibu ku sta lunju di si tera
na kaplintidu#Zak 9.11 dipresa,
i ka na muri na kalabus sukuru;
si kumida ka na dal falta.
15Pabia ami i SIÑOR bu Deus
ku ta suta yagu#Jo 26.12; Jer 31.35 di mar
pa maron pudi lanta i somna.
SIÑOR ku ten tudu puder i ña nomi.
16N pui ña palabras#Kap 59.21 na bu boka,
N kubriu ku sombra#Kap 49.2 di ña mon.
I ami ku kumpu seu,
N pui alisersu di mundu;
N fala Sion: ‘Abo ki ña pobu.’ ”
Raiba di SIÑOR
17Disperta,#Kap 51.9; 52.1 disperta!
Lanta, o Jerusalen,
abo ku toma na mon di SIÑOR
ki kopu#Sal 60.3; 75.8; Jer 25.15-16; 48.26; Ez 23.32-34; Apok 14.8,19; 16.19; 17.4 di si raiba, bu bibil.
Ki bibida ku ta pui algin singa-singa,
bu bibil tudu ku si bitbit.
18Na tudu fijus ki padi,
i ka ten nin un son ku ta gial ku mansesa;
na tudu fijus ki kria,
nin un son ka ta pegal na mon.
19E dus kusa#Kap 47.9 bin riba di bo;
kin ku na ten pena di bo?
Bu jinti na muri ku fomi;
bu con na danadu ku gera.
Kin ku na konsolau?
20Bu fijus dismaja#Mis 2.11-12,19 ja,
e dita na entrada di tudu kamiñus,
suma gazela ku pañadu na armadilia.
E sinti forsa di raiba di SIÑOR,
manera ki raprindi elis.
21Abo ku sta forontadu, sukuta e kusa,
abo ku cami, sin bibi biñu.
22Asin ku SIÑOR bu Deus fala,
bu Deus ku ta difindi pa si pobu:
“Jubi, ki kopu ku ta pou singa-singa,
N na tirau el na mon;
nunka mas bu ka na bibi
na ki kopu di ña raiba.
23Ma N na pul na mon di kilis#Jer 25.17,26,28; Zak 12.2 ku maltratau,
ku falau: ‘Dita na con
pa no yanda riba#Sal 66.12 di bo,’
tok bu pui bu kosta suma con,
suma kamiñu pa kilis ku na pasa.”
Currently Selected:
Isaias 51: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
