Isaias 49
49
Servu di SIÑOR i lus pa utru nasons
1Jinti di jius, bo sukutan;
nasons di lunju, bo para sintidu.
SIÑOR coman ocan na bariga#Kap 49.5; Ŝef 13.5; Jer 1.5; Mat 1.20-21; Luk 1.15; Gal 1.15 di ña mame;
i coma ña nomi oca ku N padidu.
2I pui ña palabras#Kap 51.16; Eb 4.12; Apok 1.16 pa e sedu suma spada gudu;
i kubrin ku sombra di si mon.
I pun suma fleŝa limpu,
i sukundin na si saku di fleŝa.
3I falan: “Israel, abo i ña servu;
N na glorifikadu pabia di bo.”
4Ma N fala: “N tarbaja amonton;
N gasta ña forsa na nada, sin purbitu.
Ma ki pagamentu ku N ten diritu di risibi
i sta nunde SIÑOR ña Deus.”
5SIÑOR forman na bariga di ña mame
pa N sedu si servu,
pa ribantal Jakó,
pa junta pobu#Mat 23.37 di Israel.
SIÑOR na dan onra;
ña Deus na sedu ña forsa.
6SIÑOR falan: “Bu sedu ña servu
pa torna tisi jorsons di Jakó,
pa ribanta kilis di Israel ku sobra ku vida.
Ma es i kusa pikininu;
N na buriu mas: N na fasiu
pa bu sedu lus#Kap 42.6 di utru nasons,
pa leba ña salbason te na kantus
mas lunju di mundu.”
7SIÑOR, Libertadur di Israel,
ku sedu si Deus Santu,
i fala pa kil ku#Kap 53.3 disprezadu,
ku nasons aburisi,
servu di kilis ku ta guberna:
“Reis#Kap 49.23; 60.3 na oja ke ku SIÑOR fasi pa bo,
e na lanta pa mostrau rispitu;
ŝefis na mpina bu dianti,
pabia di SIÑOR, Deus Santu di Israel,
ku sedu fiel, i kujiu.”
Arnobason di Israel
8Asin ku SIÑOR fala:
“Na ora di ña fabur#Sal 69.13; 2 Kor 6.2 N kudiu;
na dia di salbason N judau.
N na guardau;
pabia di bo N na fasi kontratu ku pobu,
pa bu pudi arnoba tera,
bu torna rapati yardansas ku danaduba,
9pa bu fala kilis ku sta#Kap 42.7; 61.1; Zak 9.12 prezu: ‘Bo sai,’
bu fala kilis ku sta na sukuru: ‘Bo bin#At 26.18 pa lus.’
E na oja di kume na kamiñu;
na tudu kaus altu ku ka tene nada,
kusa di kume ka na da elis falta.
10Nunka e ka na tene fomi nin sedi;
nin kalur, ku fadi#Sal 121.6; Apok 7.16-17 sol, ka na foronta elis,
pabia kil ku ta ten pena delis
i na gia elis, i leba elis diritu
pa ujus di fonti.
11N na pui tudu ña montis pa e sedu#40.4 strada;
ña kamiñusiñus na incisidu.
12Jubi, e na bin di#Kap 43.5-6 lunju,
utrus di norti, utrus di ladu di saida di sol,
utrus di tera di Sinin.”#49.12 Sinin, o Aswan, seduba un prasa na sul di Ejitu nunde ki tenba un kumunidadi garandi di judeus.
13Seu, kanta#Kap 44.23 ku alegria!
Abo, tera, fika kontenti!
Abos montis, bo rebenta ku kantigas,
pabia SIÑOR konsola si pobu;
i na bin sinti pena di si pobu ku forontadu.
14Ma Sion fala: “SIÑOR bandonan ja;
i diskisi di mi.”
15“Nta un minjer pudi diskisi di si fiju#Sal 103.13; Mal 3.17; Mat 7.11 ki na mamanta,
tok i ka na sinti pena di kil ki padi?
Ma nin ki diskisi,
ami N ka na diskisi di bo.
16Jubi, N gravau na palmus di ña dus mon;
bu muras sta sempri ña dianti.
17Bu fijus na bin dipresa,
ma kilis ku dana-danau
e na sai fora di bo.
18Yalsa uju, bu jubi#Kap 60.4 na roda;
tudu bu pobu na junta, e na bin pa bo.
N jurmenta pa ña vida kuma,
e jinti tudu e na sedu pa bo suma fajamentu.
Bu na kontenti ku elis
suma ku noiva ta kontenti ku fajamentu bonitu.
19“Bu danaduba tok#Zak 10.10 bu sedu suma lala,
ma gosi, bu na inci jinti tok bu perta.
Kilis ku danauba e na lunjusi di bo.
20Te fijus mesmu ku bu padi
na tempu di bu disgustu,
bu na bin obi elis e na fala:
‘E kau perta dimas pa nos;
ranjanu un lugar mas folgadu pa no mora nel.’
21Bu na punta bu kabesa:
‘Kin ku padin esis?
N staba ja sin fijus, sebadu;
N serkaduba, N bai pa katiberasku;
kin gora ku krian esis?
N disaduba ami son,
ma esis, nunde ke sai nel?’ ”
22Asin ku SIÑOR ku ten tudu puder fala:
“Jubi, N na yalsa mon pa coma nasons,
N na isa ña bandera suma sinal pa rasas.
E na tisi bu fijus macu pembidu#Kap 60.4 na mon;
bu fijus femia e na tisidu na ombra.
23Reis na teneu suma bu pape;
se raiñas na tratau suma bu mame.
E na limbi puera di bu pe.
Abo bu na sibi kuma N sedu SIÑOR;
kilis ku fia na mi e ka na kunfundidu.”
24Kil ku tropa furta na gera, algin pudi robal#Mat 12.29 el?
O katibu pudi kaplintidu na mon di algin malvadu?
25Asin ku SIÑOR fala:
“Tropas na robadu katibus, i ka na maina;
Kusas ku furtadu na gera e na robadu na mon di malvadu.
N na geria ku kilis ku geria ku bo;
N na liberta bu fijus.
26N na pui bu maltrataduris
pa e kume se propi karni,
pa e bibi se sangi#Apok 16.6 tok e cami,
suma ke bibi biñu nobu.
Tudu jinti na sibi kuma ami i SIÑOR,
bu Salbadur, bu Libertadur,#Kap 44.22-23
ku sedu tambi Forsa di Jakó.”
Currently Selected:
Isaias 49: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
Isaias 49
49
Servu di SIÑOR i lus pa utru nasons
1Jinti di jius, bo sukutan;
nasons di lunju, bo para sintidu.
SIÑOR coman ocan na bariga#Kap 49.5; Ŝef 13.5; Jer 1.5; Mat 1.20-21; Luk 1.15; Gal 1.15 di ña mame;
i coma ña nomi oca ku N padidu.
2I pui ña palabras#Kap 51.16; Eb 4.12; Apok 1.16 pa e sedu suma spada gudu;
i kubrin ku sombra di si mon.
I pun suma fleŝa limpu,
i sukundin na si saku di fleŝa.
3I falan: “Israel, abo i ña servu;
N na glorifikadu pabia di bo.”
4Ma N fala: “N tarbaja amonton;
N gasta ña forsa na nada, sin purbitu.
Ma ki pagamentu ku N ten diritu di risibi
i sta nunde SIÑOR ña Deus.”
5SIÑOR forman na bariga di ña mame
pa N sedu si servu,
pa ribantal Jakó,
pa junta pobu#Mat 23.37 di Israel.
SIÑOR na dan onra;
ña Deus na sedu ña forsa.
6SIÑOR falan: “Bu sedu ña servu
pa torna tisi jorsons di Jakó,
pa ribanta kilis di Israel ku sobra ku vida.
Ma es i kusa pikininu;
N na buriu mas: N na fasiu
pa bu sedu lus#Kap 42.6 di utru nasons,
pa leba ña salbason te na kantus
mas lunju di mundu.”
7SIÑOR, Libertadur di Israel,
ku sedu si Deus Santu,
i fala pa kil ku#Kap 53.3 disprezadu,
ku nasons aburisi,
servu di kilis ku ta guberna:
“Reis#Kap 49.23; 60.3 na oja ke ku SIÑOR fasi pa bo,
e na lanta pa mostrau rispitu;
ŝefis na mpina bu dianti,
pabia di SIÑOR, Deus Santu di Israel,
ku sedu fiel, i kujiu.”
Arnobason di Israel
8Asin ku SIÑOR fala:
“Na ora di ña fabur#Sal 69.13; 2 Kor 6.2 N kudiu;
na dia di salbason N judau.
N na guardau;
pabia di bo N na fasi kontratu ku pobu,
pa bu pudi arnoba tera,
bu torna rapati yardansas ku danaduba,
9pa bu fala kilis ku sta#Kap 42.7; 61.1; Zak 9.12 prezu: ‘Bo sai,’
bu fala kilis ku sta na sukuru: ‘Bo bin#At 26.18 pa lus.’
E na oja di kume na kamiñu;
na tudu kaus altu ku ka tene nada,
kusa di kume ka na da elis falta.
10Nunka e ka na tene fomi nin sedi;
nin kalur, ku fadi#Sal 121.6; Apok 7.16-17 sol, ka na foronta elis,
pabia kil ku ta ten pena delis
i na gia elis, i leba elis diritu
pa ujus di fonti.
11N na pui tudu ña montis pa e sedu#40.4 strada;
ña kamiñusiñus na incisidu.
12Jubi, e na bin di#Kap 43.5-6 lunju,
utrus di norti, utrus di ladu di saida di sol,
utrus di tera di Sinin.”#49.12 Sinin, o Aswan, seduba un prasa na sul di Ejitu nunde ki tenba un kumunidadi garandi di judeus.
13Seu, kanta#Kap 44.23 ku alegria!
Abo, tera, fika kontenti!
Abos montis, bo rebenta ku kantigas,
pabia SIÑOR konsola si pobu;
i na bin sinti pena di si pobu ku forontadu.
14Ma Sion fala: “SIÑOR bandonan ja;
i diskisi di mi.”
15“Nta un minjer pudi diskisi di si fiju#Sal 103.13; Mal 3.17; Mat 7.11 ki na mamanta,
tok i ka na sinti pena di kil ki padi?
Ma nin ki diskisi,
ami N ka na diskisi di bo.
16Jubi, N gravau na palmus di ña dus mon;
bu muras sta sempri ña dianti.
17Bu fijus na bin dipresa,
ma kilis ku dana-danau
e na sai fora di bo.
18Yalsa uju, bu jubi#Kap 60.4 na roda;
tudu bu pobu na junta, e na bin pa bo.
N jurmenta pa ña vida kuma,
e jinti tudu e na sedu pa bo suma fajamentu.
Bu na kontenti ku elis
suma ku noiva ta kontenti ku fajamentu bonitu.
19“Bu danaduba tok#Zak 10.10 bu sedu suma lala,
ma gosi, bu na inci jinti tok bu perta.
Kilis ku danauba e na lunjusi di bo.
20Te fijus mesmu ku bu padi
na tempu di bu disgustu,
bu na bin obi elis e na fala:
‘E kau perta dimas pa nos;
ranjanu un lugar mas folgadu pa no mora nel.’
21Bu na punta bu kabesa:
‘Kin ku padin esis?
N staba ja sin fijus, sebadu;
N serkaduba, N bai pa katiberasku;
kin gora ku krian esis?
N disaduba ami son,
ma esis, nunde ke sai nel?’ ”
22Asin ku SIÑOR ku ten tudu puder fala:
“Jubi, N na yalsa mon pa coma nasons,
N na isa ña bandera suma sinal pa rasas.
E na tisi bu fijus macu pembidu#Kap 60.4 na mon;
bu fijus femia e na tisidu na ombra.
23Reis na teneu suma bu pape;
se raiñas na tratau suma bu mame.
E na limbi puera di bu pe.
Abo bu na sibi kuma N sedu SIÑOR;
kilis ku fia na mi e ka na kunfundidu.”
24Kil ku tropa furta na gera, algin pudi robal#Mat 12.29 el?
O katibu pudi kaplintidu na mon di algin malvadu?
25Asin ku SIÑOR fala:
“Tropas na robadu katibus, i ka na maina;
Kusas ku furtadu na gera e na robadu na mon di malvadu.
N na geria ku kilis ku geria ku bo;
N na liberta bu fijus.
26N na pui bu maltrataduris
pa e kume se propi karni,
pa e bibi se sangi#Apok 16.6 tok e cami,
suma ke bibi biñu nobu.
Tudu jinti na sibi kuma ami i SIÑOR,
bu Salbadur, bu Libertadur,#Kap 44.22-23
ku sedu tambi Forsa di Jakó.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização