Isaias 21
21
Anunsiu kontra Babilonia
1Es i rekadu di Deus kontra lala lungu di mar.
Suma urdumuñu ku bin#Zak 9.14 di sul, i dana tudu, kastigu na bin di lala, di tera meduñu. 2N mostradu un vison duru. Falsiadur#Kap 33.1 na falsia; danadur na yanda i na dana son pa bai. O Elan, bai bu ataka! O Media,#Kap 13.17; Jer 25.25; Dan 5.28-31 taja prasa. N kaba ku tudu jimi di jinti ku Babilonia kastiga.
3Ña kurpu na tursi#Kap 13.8; Jer 6.24; 48.41 ku dur. Dur toma konta di mi suma dur di minjer ku sta na partu. N foronta tok N ka pudi obi; N dismaja tok N ka pudi oja. 4Ña sintidu ntrumpi; medu toma konta di mi. Fuska-fuska ku N dijaba i torna meduñu pa mi.
5E pui mesa, e distindi tapetis, e na kume, e na bibi. Abos ŝefis, bo lanta, bo purpara tajaderas!
6Asin ku SIÑOR falan: “Bai, bu pui sintinela; i ta kontau ke ki oja. 7Ora ki oja tropas di kabalus, dus dus, ku utrus ku monta burus, utrus na kamelu, el i ta sukuta diritu, ku garandi atenson.”
8Sintinela yalsa vos i fala: “Siñor, N sikidu li#Ab 2.1; Ez 33.2 kada dia riba de tori di bisia; kada noti, tok sol mansi, N sta li, N na guarda. 9Jubi, ala tropas di kabalus na bin, dus dus.” Utru algin ruspundi i fala: “Babilonia#Jer 51.8; Apok 14.8; 18.2 kai, i kai! Tudu imaẑens labradu di se deusis#Kap 46.1; Jer 50.2; 51.44 dita na con tudu kebrantadu.”
10O ña pobu, bo masadu#Jer 51.33 suma trigu na kau di masa! Kusa ku N obi di SIÑOR ku ten tudu puder, Deus di Israel, el ku N konta bos.
Anunsiu aserka di Dumá, ku sedu Edon
11Es i rekadu di Deus aserka di Edon.#Jer 49.7-22; Ez 25.12-14; 35.2; Ob 1
Jinti na coman di Seir, e puntan: “Guarda, kantu ora ku sobra e di noti? Kantu ora ku sobra pa sol mansi?”
12Guarda ruspundi i fala: “Parmaña na bin; di noti tambi na bin. Si bo misti punta, bo punta; bo bai, bo riba.”
Anunsiu aserka di Arabia
13Es i rekadu di Deus aserka di Arabia.
Abos, jinti di Dedanin ku sta na bias, bo na pasa noti na matu di Arabia. 14Abos ku mora na tera di#Jo 6.19 Tema, bo tisi yagu pa kilis ku tene sedi, bo tisi kumida pa kilis ku na kuri. 15E na kuri pa kapli di spada ku tiradu na baiña, pa kapli di mansasa yarmadu, ku pirigu di gera.
16SIÑOR papia e palabra ku mi, i falan: “Dentru di un anu (suma ku tarbajadur ta fasi konta di anu), tudu ronku di Kedar#Kap 60.7; Sal 120.5; Ez 27.21 na disparsi. 17Restu di kilis ku ta manda fleŝa, ku sedu tropas mas forti di fijus di Kedar, na sedu puku.” Asin ku SIÑOR, Deus di Israel, fala.
Currently Selected:
Isaias 21: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
