Isaias 12
12
Kantiga di ngaba Deus
1Na ki dia bu na fala:
“O SIÑOR, N falau obrigadu.
Bu tenba raiba kontra mi,
ma bu raiba fria,
bu konsolan.
2Na bardadi, Deus i ña salbason;
N na fiansa, N ka na medi,
pabia SIÑOR Deus#Sai 15.2; Sal 27.1; Jona 2.9; Apok 7.10 i ña forsa,
el i ña kantiga, gosi i sedu ña salbason.”
3Abos ku kontentamentu bo na tira yagu
na fontis#Sal 36.9; Jon 7.37-39; Apok 7.17; 22.17 di salbason.
4Na ki dia bo na fala:
“Bo gardisi SIÑOR, bo coma si nomi;
bo ta fasi nasons pa e sibi kusas ki fasi,
bo konta kuma si nomi i garandi dimas.
5Bo kanta#Sai 15.1 pa SIÑOR
pabia i fasi kusas garandi;
es i dibi di sibidu na tudu mundu.
6Abos ku mora na Sion,
bo yalsa fála,#Sof 3.14-17; Zak 2.10 bo kanta ku kontentamentu,
pabia Deus Santu di Israel
i garandi na bo metadi.”
Currently Selected:
Isaias 12: povB
Highlight
Copy
Compare
Share
Want to have your highlights saved across all your devices? Sign up or sign in
© 1993-2020, Instituto de Tradução e Alfabetização
