Kumsada 46

Jakó ku si familia bai pa Ejitu

1Israel pega kamiñu ku tudu kil ki teneba. Oca ki ciga Berseba,#Kap 21.33; 26.23-25 i sakrifika limarias pa Deus di si pape Isak. 2Deus papia ku Israel na vison di noti, i falal: “Jakó,#Kap 22.1,11; Sai 3.4; 1 Sam 3.10; At 9.4; 10.13 Jakó.” El i ruspundi: “Alin li.”

3I falal: “Ami i Deus, Deus di bu pape. Ka bu ten medu di bai pa Ejitu, pabia la N na fasiu#Lei 26.5 un garandi nason. 4N na bai ku bo pa Ejitu, ma N na ribantau#Kap 48.21; 50.5,13,24-25; Sai 3.8 mas. José na pui si mon riba di bu uju na dia ku bu na muri.”

5Jakó sai di Berseba; fijus di Israel leba se pape Jakó, se mininus ku se minjeris, na karus ku Faraó mandaba pa transporta elis. 6E leba se limarias ku tudu rikesa ke ngañaba na tera di Kanaan, e bai pa Ejitu, Jakó ku tudu si jorson ku el. 7I leba pa Ejitu si fijus ku si netus, macu ku femia, ku sedu tudu si jorson.

8Esis i nomis di fijus di Israel ku bai pa Ejitu, ku sedu Jakó ku si jorson:

Ruben, ku seduba purmeru fiju di Jakó.

9Fijus di Ruben: Enok, Palú, Ezron ku Karmi.

10Fijus di Simeon: Jemuel, Jamin, Oad, Jakin, Zoar, ku Saul, fiju di un minjer kananeu.

11Fijus di Levi: Jerson, Koat ku Merari.

12Fijus di Judá: Er, Onan, Selá, Perez ku Zerá. (Ma Er ku Onan muri na tera di Kanaan.) Fijus di Perez e sedu Ezron ku Amul.

13Fijus di Isakar: Tola, Puá, Jasub ku Sinron.

14Fijus di Zebulon: Sered, Elon ku Jaleel.

15Esis i fijus ku Leia padi ku Jakó na Padan-Aran, ku Dina si fiju femia. Numeru di si fijus macu ku femia i sedu trinta i tris.

16Fijus di Gad: Zifion, Aji, Suni, Ezbon, Erí, Arodí ku Arelí.

17Fijus di Aser: Imna, Isvá, Isví ku Berias, ku se irma Sera.

Fijus di Berias: Eber ku Malkiel.

18Esis i fijus di Zilpa, ku Labon da si fiju Leia. Zilpa padi e disaseis fiju ku Jakó.

19Fijus di Rakel, minjer di Jakó, e sedu José ku Benjamin.

20Na Ejitu José ku Asenat,#Kap 41.45,50 fiju di Potífera, saserdoti di On, e padi Manasés ku Efrain.

21Fijus di Benjamin: Belá, Beker, Asbel, Jera, Naaman, Eí, Ros, Mupin, Upin ku Ard.

22Esis i fijus di Rakel ki padi ku Jakó, ku sedu katorzi jinti.

23Fiju di Dan: Usin.

24Fijus di Naftali: Jazeel, Guni, Jezer ku Silen.

25Esis e sedu fijus di Bila, ku Labon da si fiju Rakel. Bila padi e seti fiju ku Jakó.

26Tudu ki jinti ku Jakó padi ku bai ku el pa Ejitu, fora di minjeris di si fijus, e sedu sesenta i seis jinti. 27Fijus di José ku padidu na Ejitu e sedu dus. Asin numeru kompletu di jinti di familia di Jakó ku bai pa Ejitu e sedu setenta.#Lei 10.22

José kontra ku si pape

28Jakó manda Judá dianti pa José pa i pudi mostral kamiñu pa Gosen. Asin e ciga na tera di Gosen.#Kap 45.10; 47.1; Sai 8.22; 9.26 29José manda purpara karu, i bai pa kontra ku Israel, si pape, na Gosen. Oca ki ojal, i barsal, i cora ciu.

30Israel fala José: “Gosi N sta pruntu#Luk 2.29-30 pa muri, suma ku N oja bu rostu, kuma bu sta di vida inda.”

31José fala si ermons ku tudu familia di si pape: “Ami N na bai papia ku Faraó, N na falal: ‘Ña ermons ku familia di ña pape, ku staba na tera di Kanaan, e bin pa mi. 32Omis e sedu bakiaduris di karnel, pabia e sedu jinti ku ta sta ku limarias; e tisi se karnel ku se bakas, ku tudu ke tene.’ 33Ora ku Faraó coma bos, i punta kal ku sedu bo tarbaju, 34bo ta ruspundi: ‘Bu servus ta toma konta di limarias disna ku no pikininu, suma no papes tambi.’ Asin bo na dadu lisensa pa mora na tera di Gosen, pabia tudu bakiadur di karnel sedu nujenti pa ejipsius.”

Currently Selected:

Kumsada 46: povB

Highlight

Copy

Compare