Kumsada 32

1Jakó tambi bai si kamiñu. Anjus#Sal 91.11; Eb 1.14 di Deus bin kontra ku el. 2Jakó oja elis, i fala: “Es i kompañia di tropas#Jos 5.14; 13.26; 2 Re 6.17; Sal 34.7; 103.21; 148.2; Luk 2.13 di Deus.” I coma nomi di ki kau Maanain.#32.2 Maanain signifika dus kompañia.

Jakó manda jinti pa Esaú

3Jakó manda jinti pa e bai dianti ku rekadu pa si ermon Esaú na tera di Seir, na reẑion di Edon, 4i da elis ordi pa e fala ku Esaú asin: “Siñor, bu servu Jakó fala kuma i bai mora ku Labon suma ospri, i fika la te gosi. 5I tene bakas, burus, karnelis ku kabras, ku kriadus macu ku femia. I na manda e rekadu pa i pudi oja fabur na uju di Ñu.”

6Oca ki jinti riba pa Jakó, e falal: “No bai pa bu ermon Esaú; i sta ja na kamiñu pa bin kontra ku bo, ku kuatrusentus omi ku el.”

7Jakó sinti medu, i panta; i rapati jinti ku staba ku el, tudu ku karnelis ku bakas ku kamelus, na dus grupu, 8pabia i pensa kuma, si Esaú bin i ataka un grupu, utru grupu pudi kapli.

9Jakó ora, i fala: “O Deus di ña pape Abraon! Deus di ña pape Isak! O SIÑOR, ku falan#Kap 31.3,13 pa N riba pa ña tera ku ña parentis, asin ña vida ta bai diritu; 10N ka mersi tudu kusas bon ku bu fasin, manera ku bu sedu fiel pa mi. Oca N kamba e riu Jordon N teneba son ña manduku, ma gosi N sedu ja dus grupu. 11N pidiu pa bu salban di ña ermon Esaú, pabia N medi pa ka i bin atakan, tudu ku minjeris ku fijus. 12Bu fala sertu kuma bu na fasi kusas pa e kurin diritu; bu na fasi ña jorson suma reia#Kap 28.14 di mar, ku ciu tok i ka pudi kontadu.”

13Jakó pasa noti na ki kau; dipus i kuji pursenti pa si ermon Esaú na metadi di limarias ki teneba ku el: 14duzentus kabra ku vinti bodi; duzentus karnel femia ku vinti macu; 15trinta kamelu ku na mamanta, tudu ku se fijus; korenta baka ku des fiju macu pikininu; vinti buru femia ku des macu. 16I pui elis na mon di si kriadus, kada koral separadu. I fala si kriadus: “Bo pasa ña dianti, bo disa spasu na metadi di kada dus koral.”

17I da ordi pa kriadu ku staba dianti, i falal: “Ora ku ña ermon Esaú kontra ku bo, i puntau: ‘Abo i di kin? Nunde ku bu na bai? Kin ku tene tudu e limarias ku sta bu dianti?’ 18bu ta falal: ‘I di bu servu Jakó; i na manda elis suma pursenti pa Ñu Esaú. El propi i na bin tambi no tras.’ ”

19I da ordi tambi pa sugundu ku terseru kriadu, ku tudu elis ku na binba tras di limarias, i fala elis: “Bo na fala mesmu kusa pa Esaú ora ku bo kontra ku el. 20Bo ten ku falal tambi kuma si servu Jakó na bin tras di bos.” Jakó pensa kuma i na fasi pas ku Esaú ku ki pursenti#Kap 43.11; Dit 18.16; 21.14 ki na manda si dianti, pa jubi si i na seta fasi pas ku el ora ke oja ŋutru. 21Asin i manda ki pursenti si dianti, ma el i pasa ki di noti na kampamentu.

Jakó luta ku anju

22Oca sol ka mansi inda, i lanta, i toma si dus minjer, ku si dus katibu femia, ku si onzi fiju, i kamba riu di Jabok na kau rasu. 23Dipus di kambanta elis, i manda tudu kusas ki teneba. 24Jakó fika el son. Un omi#Os 12.4 bin luta ku el tok sol mansi. 25Ki omi oja kuma i ka na ngaña, i toka na junta di koŝa di Jakó, i dislokal di si lugar, oca e na luta. 26Omi falal: “Disan N bai pabia kau klaru ja.” Ma Jakó falal: “N ka na disau bai#Luk 18.1-7 si bu ka bensuan.”

27Omi puntal: “Kuma ki bu nomi?” I falal: “Jakó.” 28Omi falal: “Bu nomi ka na sedu mas#Kap 35.10 Jakó, ma Israel,#32.28 Israel signifika kuma i ta luta ku Deus. pabia bu luta ku Deus, tambi ku omis, bu ngaña.”

29Jakó puntal: “Di fabur, kontan bu#Ŝef 13.17-18 nomi.” I puntal: “Ke ku manda bu misti sibi ña nomi?” I bensual na ki kau.

30Asin Jakó coma nomi di ki kau#Ŝef 8.8; 1 Re 12.25 Peniel#32.30 Peniel, o Penuel, signifika rostu di Deus. pabia i fala: “N oja Deus rostu ku rostu, N fika ku vida.” 31Sol bin sai kontra Jakó na pasa Peniel; i na mankusaba pabia di si koŝa. 32E ku manda, te aos, pobu di Israel ka ta kume nervu ku sta riba di junta di koŝa, pabia ki omi tokaba na junta di koŝa di Jakó, na ki nervu.

Currently Selected:

Kumsada 32: povB

Highlight

Copy

Compare