Romanos 15
15
Kunikɨnꞌ‑ó ichi ñakɨnꞌ Cristo
1Saájee rá yó ya̱ jíjia ka̱ꞌ iniꞌ‑ó kúneí iniꞌ‑ó Ndiosíꞌ jie̱ꞌe̱ꞌ ya̱ kuíni re̱ꞌ ya̱ saꞌá‑ó, jee íyó keꞌneꞌ iniꞌ‑ó nu̱u̱nꞌ rá ñanitáꞌán‑ó ya̱ táyáꞌ iniꞌ ráa kúneí iniꞌ ráa re̱ꞌ. Jee koto sáꞌá‑ó sáni kua̱chi kúváꞌa iniꞌ maáó ni. 2Ta ɨɨn ɨɨn‑ó íyó nukú‑ó ya̱ saꞌá‑ó ya̱ kuva̱ꞌa iniꞌ ñanitáꞌán‑ó ya̱ kuvi ya̱ váꞌa nu̱u̱nꞌ‑u, sáva kujia iniꞌ‑i kuiñɨ ni̱ꞌin‑i nu̱u̱nꞌ Ndiosíꞌ. 3Chi ne̱ maá Cristo, jee nsáꞌ nsa̱ꞌá re̱ꞌ tiñu sáva kuva̱ꞌa iniꞌ maáréꞌ. Chisaꞌ nsa̱ꞌá re̱ꞌ sánikua̱ꞌ káchíꞌ tu̱ꞌun ya̱ níso nu̱u̱nꞌ Tutuꞌ Ííꞌ: “Ntáká tu̱ꞌun niváꞌa ya̱ ténúunꞌ ráa si̱kɨ̱ꞌ noꞌó jee nna̱kuniꞌi‑i si̱kɨ̱ꞌ ni̱ꞌ.” 4Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ. 5Chi maá Ndiosíꞌ ví ya̱ jiáꞌa ya̱ káꞌnú koo iniꞌ‑ó kuiñɨ ni̱ꞌin‑ó jín ya̱ náchuneí re̱ꞌ iniꞌ‑ó. Jee na̱ ka̱ꞌ taji re̱ꞌ ka̱ꞌ ya̱ ɨɨn nuún koo ñunkúún iniꞌ ɨɨn inka rán jín táꞌán rán sánikua̱ꞌ kuíni Cristo Jesús. 6Sáva ɨɨn nuún tútú ntáká rán kuéntáꞌ ɨɨn ni ta̱chi̱yuꞌú rán, nakuetúꞌún rán Ndiosíꞌ, ya̱ kúvi Tátáꞌ I̱toꞌoꞌ‑ó Jesús ya̱ kúvi Cristo.
Tékútu̱ꞌún tu̱ꞌun váꞌa Jesús nu̱u̱nꞌ rá ñɨvɨ ya̱ ntu kúvi ñɨvɨ Israel
7Jee saáva íyó koo ma̱ni̱ꞌ iniꞌ rán nu̱u̱nꞌ ɨɨn inka táꞌán rán, sánikua̱ꞌ suni ni̱yo ma̱ni̱ꞌ iniꞌ Cristo nu̱u̱nꞌ‑ó. Jee retú sáꞌá rán sukuán kene ya̱ túvi ya̱ viiꞌ nasɨ́kuitɨꞌ kúñáꞌnú Ndiosíꞌ. 8Chi káchíꞌ ni̱ꞌ ya̱ nkiji Cristo sáva kɨtíñú re̱ꞌ chineí re̱ꞌ rá ñɨvɨ Israel, sáva stúvi re̱ꞌ ya̱ na̱a̱ꞌ ví Tu̱ꞌun Ndiosíꞌ, jee sáva sikúnkuvi re̱ꞌ rá tu̱ꞌun ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ráníꞌ. 9Jee nkiji re̱ꞌ sáva rá ñɨvɨ ya̱ ntu kúvi ráa ñɨvɨ Israel nakuetúꞌún ráa Ndiosíꞌ jie̱ꞌe̱ꞌ ya̱ kúnáꞌví iniꞌ re̱ꞌ ráa, sánikua̱ꞌ níso nu̱u̱nꞌ Tutuꞌ Ííꞌ:
Saáva ku̱ꞌva ni̱ꞌ ya̱ naáꞌ jie̱ꞌe̱ꞌ noꞌó nu̱u̱nꞌ rá ñɨvɨ ya̱ ntu kúvi ñɨvɨ Israel,
jee kata ni̱ꞌ yaaꞌ ya̱ nákuetúꞌún ni̱ꞌ noꞌó.
10Jee inka ka̱ꞌ nu̱u̱nꞌ naꞌá Tutuꞌ Ííꞌ káchíꞌ tuku‑u:
Kusɨ̱ɨ̱ꞌ víꞌí iniꞌ rá ñɨvɨ nta̱ká ka̱ꞌ nación, jín rá ñɨvɨ re̱ꞌ ya̱ kúvi ñɨvɨ Israel.
11Jee tukuni káchíꞌ‑i:
Rá ñɨvɨ nta̱ká nación nakuetúꞌún rán I̱toꞌoꞌ‑ó,
jee ntáká ñɨvɨ nakuetúꞌún rán re̱ꞌ.
12Jee suni káchíꞌ ya̱chi̱ꞌ tuku Isaías:
Jee kiji kene ɨɨn te̱e ya̱ koo Se̱ꞌya ichiyúkúnꞌ kene ne̱ nu̱u̱nꞌ Isaí,
jee maáréꞌ kikui̱ñɨ̱ꞌ re̱ꞌ sáva tatúníꞌ re̱ꞌ ntáká nación,
jee rá ñɨvɨ ya̱ ntu kúvi ñɨvɨ ñuunꞌ Israel vá koo tu̱ꞌun kuneí iniꞌ ráa re̱ꞌ.
Nkachiꞌ Isaías.
13Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.
Tiñu níso Pablo kúvi re̱ꞌ apóstol
14Soo ránoꞌó ñanitáꞌán maáníꞌ, nuꞌuꞌ chi jínúꞌ iniꞌ ni̱ꞌ ya̱ íyó mániꞌ nasɨ́kuitɨꞌ iniꞌ rán néꞌyá rán táꞌán rán, jee jíníꞌ va̱ꞌa rán nɨꞌɨ tu̱ꞌun na̱a̱ꞌ Ndiosíꞌ ya̱ nníꞌinꞌ rán, jee kúvi náxiníꞌvɨ́ꞌ iniꞌ rán ɨɨn inka táꞌán rán saꞌá rán sáni káchíꞌ Tu̱ꞌun Ndiosíꞌ. 15Soo nkiji iniꞌ ni̱ꞌ nku̱neí iniꞌ ni̱ꞌ ntee ni̱ꞌ nu̱u̱nꞌ tutuꞌ yaꞌá nu̱u̱nꞌ ránoꞌó jie̱ꞌe̱ꞌ sava tiñu, sáva naxinákúꞌun ni̱ꞌ iniꞌ rán jie̱ꞌe̱ꞌ tiñu níso ni̱ꞌ ya̱ nsi̱kútaꞌviꞌ Ndiosíꞌ nu̱u̱nꞌ ni̱ꞌ, 16sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.
17Saáva jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ Cristo Jesús jee káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ nsa̱ꞌá Ndiosíꞌ jín ni̱ꞌ. 18Chi ntu kíji iniꞌ ni̱ꞌ kaꞌanꞌ ni̱ꞌ jie̱ꞌe̱ꞌ ni ɨɨn tiñu jie̱ꞌe̱ꞌ nuꞌuꞌ, chisaꞌ kua̱chi káꞌánꞌ ni̱ꞌ jie̱ꞌe̱ꞌ ya̱ nsa̱ꞌá Cristo jín nuꞌuꞌ, ya̱ ña̱tíñú re̱ꞌ nuꞌuꞌ sáva kaníjiá rá ñɨvɨ ya̱ ntu kúvi ñɨvɨ Israel tɨɨn ráa tu̱ꞌun re̱ꞌ, jie̱ꞌe̱ꞌ ya̱ káꞌánꞌ ni̱ꞌ jie̱ꞌe̱ꞌ rá tu̱ꞌun ntaji re̱ꞌ sákachiꞌ ni̱ꞌ jín jie̱ꞌe̱ꞌ rá tiñu ntaji re̱ꞌ saꞌá ni̱ꞌ, 19jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico. 20Jee sukuán nnu̱nasɨ́ ni̱ꞌ nkachitu̱ꞌún ni̱ꞌ tu̱ꞌun re̱ꞌ nu̱u̱nꞌ ntiáꞌan teso̱ꞌo rá ñɨvɨ jie̱ꞌe̱ꞌ Cristo, sáva ntu kívɨ ni̱ꞌ nu̱u̱nꞌ ya̱ ya stékútu̱ꞌún inka te̱e tu̱ꞌun Cristo. 21Suꞌva níso nu̱u̱nꞌ Tutuꞌ Ííꞌ:
Rá ñɨvɨ ya̱ ntiáꞌan te̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ ráa, jee kuniꞌ ráa jie̱ꞌe̱ꞌ re̱ꞌ,
jee maáráa ya̱ ni ntiáꞌan teso̱ꞌo ráa jie̱ꞌe̱ꞌ re̱ꞌ, jee ki̱ku̱ꞌun iniꞌ ráa maa.
Jiáni iniꞌ Pablo kɨ̱ꞌɨ̱nꞌ re̱ꞌ ñuunꞌ Roma
22Saáva jie̱ꞌe̱ꞌ ya̱ nsa̱ꞌá ni̱ꞌ tiñu vá kue̱ꞌe̱ꞌ íchí nchituvi‑i nuꞌuꞌ kua̱jiane̱ꞌyá ni̱ꞌ ránoꞌó.
23Soo ya̱ nkachitu̱ꞌún ni̱ꞌ kua̱íyó rá ñuunꞌ káá yaꞌá, jee vitan jee ya̱ ntu íyó ka̱ꞌ yaꞌá nu̱u̱nꞌ kachitu̱ꞌún ni̱ꞌ tu̱ꞌun váꞌa Ndiosíꞌ. Jee ya̱ íyó kue̱ꞌe̱ꞌ kui̱ya̱ꞌ ya̱ ñúꞌún iniꞌ ni̱ꞌ kua̱jiane̱ꞌyá ni̱ꞌ ránoꞌó. 24Jee ñúꞌún iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó sáá kɨ̱ꞌɨ̱nꞌ ni̱ꞌ ñuunꞌ España. Jee chineí rán nuꞌuꞌ kɨ̱ꞌɨ̱nꞌ ni̱ꞌ ichi yukuán, ré nkuvi xíꞌna nusɨ̱ɨ̱ꞌ iniꞌ ni̱ꞌ jín rán. 25Soo ntañúꞌún jee xíꞌna ka̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ Jerusalén sáva kɨ̱na̱ka ni̱ꞌ xu̱ꞌún yukuán sáva chineí ránꞌ rá ñanitáꞌán‑ó ya̱ yɨ́ꞌɨ́ ráa nu̱u̱nꞌ Cristo ya̱ nééꞌ ráa yukuán. 26Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén. 27Chi ñani iniꞌ ráa ya̱ íyó va̱ꞌa saꞌá ráa sukuán, chi táyáꞌvi ráa ya̱ íyó nachineí ráa rá ñɨvɨ Israel, chi retú jíꞌín ráa nni̱ꞌi̱nꞌ ráa ranika̱ꞌ ta̱ꞌvi̱ꞌ iniꞌ ánímaꞌ ráa ya̱ síkútaꞌviꞌ Ndiosíꞌ nu̱u̱nꞌ rá ñɨvɨ Israel, saáva suni íyó nachineí ráa rá ñanitáꞌán‑ó ya̱ kúvi ñɨvɨ Israel ná kúvi jíniñúꞌún rává. 28Saáva sáá sijínu ni̱ꞌ tiñu yaꞌá ya̱ kɨ̱ꞌɨ̱nꞌ ni̱ꞌ kɨ̱na̱ka ni̱ꞌ ya̱ nna̱sokoꞌ ráa, jee sáá kene ni̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ España jee kua̱jiaaꞌ ni̱ꞌ nu̱u̱nꞌ nééꞌ rán ni ichi kua̱jia̱ꞌa ni̱ꞌ. 29Jee jíníꞌ ni̱ꞌ ya̱ netuꞌ noo kuvi nta̱ká‑ó sáá kenta ni̱ꞌ yukuán kuneeꞌ ni̱ꞌ jín rán nakani ni̱ꞌ tu̱ꞌun váꞌa Cristo.
30Jee ntañúꞌún ránoꞌó ñanitáꞌán ni̱ꞌ, jie̱ꞌe̱ꞌ yɨ́tíñú‑ó nu̱u̱nꞌ I̱toꞌoꞌ‑ó Jesús ya̱ kúvi Cristo, jín jie̱ꞌe̱ꞌ ya̱ ñúnúunꞌ‑ó ɨɨn inka‑ó sáꞌá Ta̱chi̱ꞌ Ííꞌ re̱ꞌ, saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ chineí chituvi rán nuꞌuꞌ ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ nuꞌuꞌ, 31sáva ka̱ku ni̱ꞌ xi̱ntíín rá ñɨvɨ ni̱ꞌin iniꞌ nu̱u̱nꞌ Ndiosíꞌ ya̱ rá nééꞌ ñuunꞌ Judea. Jee suni ka̱ka̱nꞌ táꞌvíꞌ rán ya̱ kuva̱ꞌa iniꞌ rá ñanitáꞌán‑ó yɨ́ꞌɨ́ nu̱u̱nꞌ Cristo tɨɨn ráa xu̱ꞌún ya̱ kɨ̱na̱ka ni̱ꞌ ñuunꞌ Jerusalén sáva chineí ránꞌ ráa. 32Ka̱ka̱nꞌ táꞌvíꞌ rán sukuán sáva kusɨ̱ɨ̱ꞌ víꞌí iniꞌ ánímaꞌ ni̱ꞌ kua̱jiaaꞌ ni̱ꞌ nu̱u̱nꞌ nééꞌ rán, retú kuíni Ndiosíꞌ. Jee ne̱kuva̱ꞌa iniꞌ ni̱ꞌ jín rán. 33Jee maá Ndiosíꞌ ya̱ sáꞌá ya̱ kuneeꞌ va̱ꞌa‑ó, na̱ ka̱ꞌ koo re̱ꞌ jín ntáká rán. Sukuán koo. Amén.
Currently Selected:
Romanos 15: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Romanos 15
15
Kunikɨnꞌ‑ó ichi ñakɨnꞌ Cristo
1Saájee rá yó ya̱ jíjia ka̱ꞌ iniꞌ‑ó kúneí iniꞌ‑ó Ndiosíꞌ jie̱ꞌe̱ꞌ ya̱ kuíni re̱ꞌ ya̱ saꞌá‑ó, jee íyó keꞌneꞌ iniꞌ‑ó nu̱u̱nꞌ rá ñanitáꞌán‑ó ya̱ táyáꞌ iniꞌ ráa kúneí iniꞌ ráa re̱ꞌ. Jee koto sáꞌá‑ó sáni kua̱chi kúváꞌa iniꞌ maáó ni. 2Ta ɨɨn ɨɨn‑ó íyó nukú‑ó ya̱ saꞌá‑ó ya̱ kuva̱ꞌa iniꞌ ñanitáꞌán‑ó ya̱ kuvi ya̱ váꞌa nu̱u̱nꞌ‑u, sáva kujia iniꞌ‑i kuiñɨ ni̱ꞌin‑i nu̱u̱nꞌ Ndiosíꞌ. 3Chi ne̱ maá Cristo, jee nsáꞌ nsa̱ꞌá re̱ꞌ tiñu sáva kuva̱ꞌa iniꞌ maáréꞌ. Chisaꞌ nsa̱ꞌá re̱ꞌ sánikua̱ꞌ káchíꞌ tu̱ꞌun ya̱ níso nu̱u̱nꞌ Tutuꞌ Ííꞌ: “Ntáká tu̱ꞌun niváꞌa ya̱ ténúunꞌ ráa si̱kɨ̱ꞌ noꞌó jee nna̱kuniꞌi‑i si̱kɨ̱ꞌ ni̱ꞌ.” 4Chi ntáká rá tu̱ꞌun ya̱ níso nu̱u̱nꞌ Tutuꞌ Ííꞌ ne̱ yanaꞌán, jee ntee ráa maa sáva xinéꞌénꞌ ráa yó, sáva ni̱ꞌi̱nꞌ‑ó ya̱ káꞌnú koo iniꞌ‑ó kuiñɨ ni̱ꞌin‑ó jín Cristo. Jee suni tu̱ꞌun níso nu̱u̱nꞌ Tutuꞌ Ííꞌ nachuneí‑i iniꞌ‑ó. Jee jie̱ꞌe̱ꞌ vá ni̱ꞌi̱nꞌ‑ó tu̱ꞌun neí iniꞌ‑ó ya̱ ni̱ꞌi̱nꞌ‑ó ntáká ya̱ váꞌa ya̱ nchi̱sóyuꞌú Ndiosíꞌ. 5Chi maá Ndiosíꞌ ví ya̱ jiáꞌa ya̱ káꞌnú koo iniꞌ‑ó kuiñɨ ni̱ꞌin‑ó jín ya̱ náchuneí re̱ꞌ iniꞌ‑ó. Jee na̱ ka̱ꞌ taji re̱ꞌ ka̱ꞌ ya̱ ɨɨn nuún koo ñunkúún iniꞌ ɨɨn inka rán jín táꞌán rán sánikua̱ꞌ kuíni Cristo Jesús. 6Sáva ɨɨn nuún tútú ntáká rán kuéntáꞌ ɨɨn ni ta̱chi̱yuꞌú rán, nakuetúꞌún rán Ndiosíꞌ, ya̱ kúvi Tátáꞌ I̱toꞌoꞌ‑ó Jesús ya̱ kúvi Cristo.
Tékútu̱ꞌún tu̱ꞌun váꞌa Jesús nu̱u̱nꞌ rá ñɨvɨ ya̱ ntu kúvi ñɨvɨ Israel
7Jee saáva íyó koo ma̱ni̱ꞌ iniꞌ rán nu̱u̱nꞌ ɨɨn inka táꞌán rán, sánikua̱ꞌ suni ni̱yo ma̱ni̱ꞌ iniꞌ Cristo nu̱u̱nꞌ‑ó. Jee retú sáꞌá rán sukuán kene ya̱ túvi ya̱ viiꞌ nasɨ́kuitɨꞌ kúñáꞌnú Ndiosíꞌ. 8Chi káchíꞌ ni̱ꞌ ya̱ nkiji Cristo sáva kɨtíñú re̱ꞌ chineí re̱ꞌ rá ñɨvɨ Israel, sáva stúvi re̱ꞌ ya̱ na̱a̱ꞌ ví Tu̱ꞌun Ndiosíꞌ, jee sáva sikúnkuvi re̱ꞌ rá tu̱ꞌun ya̱ nchi̱sóyuꞌú Ndiosíꞌ nu̱u̱nꞌ rá jííꞌ yanaꞌán ráníꞌ. 9Jee nkiji re̱ꞌ sáva rá ñɨvɨ ya̱ ntu kúvi ráa ñɨvɨ Israel nakuetúꞌún ráa Ndiosíꞌ jie̱ꞌe̱ꞌ ya̱ kúnáꞌví iniꞌ re̱ꞌ ráa, sánikua̱ꞌ níso nu̱u̱nꞌ Tutuꞌ Ííꞌ:
Saáva ku̱ꞌva ni̱ꞌ ya̱ naáꞌ jie̱ꞌe̱ꞌ noꞌó nu̱u̱nꞌ rá ñɨvɨ ya̱ ntu kúvi ñɨvɨ Israel,
jee kata ni̱ꞌ yaaꞌ ya̱ nákuetúꞌún ni̱ꞌ noꞌó.
10Jee inka ka̱ꞌ nu̱u̱nꞌ naꞌá Tutuꞌ Ííꞌ káchíꞌ tuku‑u:
Kusɨ̱ɨ̱ꞌ víꞌí iniꞌ rá ñɨvɨ nta̱ká ka̱ꞌ nación, jín rá ñɨvɨ re̱ꞌ ya̱ kúvi ñɨvɨ Israel.
11Jee tukuni káchíꞌ‑i:
Rá ñɨvɨ nta̱ká nación nakuetúꞌún rán I̱toꞌoꞌ‑ó,
jee ntáká ñɨvɨ nakuetúꞌún rán re̱ꞌ.
12Jee suni káchíꞌ ya̱chi̱ꞌ tuku Isaías:
Jee kiji kene ɨɨn te̱e ya̱ koo Se̱ꞌya ichiyúkúnꞌ kene ne̱ nu̱u̱nꞌ Isaí,
jee maáréꞌ kikui̱ñɨ̱ꞌ re̱ꞌ sáva tatúníꞌ re̱ꞌ ntáká nación,
jee rá ñɨvɨ ya̱ ntu kúvi ñɨvɨ ñuunꞌ Israel vá koo tu̱ꞌun kuneí iniꞌ ráa re̱ꞌ.
Nkachiꞌ Isaías.
13Jee maá Ndiosíꞌ ví ya̱ sáꞌá re̱ꞌ ya̱ íyó tu̱neí iniꞌ‑ó kuna̱a̱ꞌ iniꞌ‑ó ni̱ꞌi̱nꞌ‑ó ya̱ táji re̱ꞌ. Jee na̱ ka̱ꞌ saꞌá re̱ꞌ ya̱ kusɨ̱ɨ̱ꞌ nasɨ́kuitɨꞌ iniꞌ ánímaꞌ rán, jín ya̱ ne̱ va̱ꞌa kuvi ánímaꞌ rán kuneeꞌ va̱ꞌa rán, jie̱ꞌe̱ꞌ ya̱ kúneí iniꞌ rán re̱ꞌ. Jee sáva fuersáꞌ ííꞌ Ta̱chi̱ꞌ Ííꞌ re̱ꞌ saꞌá‑a ya̱ kukueꞌeꞌ víꞌí ka̱ꞌ koo tu̱neí iniꞌ rán jie̱ꞌe̱ꞌ ya̱ váꞌa nchi̱sóyuꞌú re̱ꞌ saꞌá‑a jín ránoꞌó.
Tiñu níso Pablo kúvi re̱ꞌ apóstol
14Soo ránoꞌó ñanitáꞌán maáníꞌ, nuꞌuꞌ chi jínúꞌ iniꞌ ni̱ꞌ ya̱ íyó mániꞌ nasɨ́kuitɨꞌ iniꞌ rán néꞌyá rán táꞌán rán, jee jíníꞌ va̱ꞌa rán nɨꞌɨ tu̱ꞌun na̱a̱ꞌ Ndiosíꞌ ya̱ nníꞌinꞌ rán, jee kúvi náxiníꞌvɨ́ꞌ iniꞌ rán ɨɨn inka táꞌán rán saꞌá rán sáni káchíꞌ Tu̱ꞌun Ndiosíꞌ. 15Soo nkiji iniꞌ ni̱ꞌ nku̱neí iniꞌ ni̱ꞌ ntee ni̱ꞌ nu̱u̱nꞌ tutuꞌ yaꞌá nu̱u̱nꞌ ránoꞌó jie̱ꞌe̱ꞌ sava tiñu, sáva naxinákúꞌun ni̱ꞌ iniꞌ rán jie̱ꞌe̱ꞌ tiñu níso ni̱ꞌ ya̱ nsi̱kútaꞌviꞌ Ndiosíꞌ nu̱u̱nꞌ ni̱ꞌ, 16sáva sáꞌá ni̱ꞌ tiñu Cristo Jesús nu̱u̱nꞌ rá ñɨvɨ ya̱ ntu kúvi ñɨvɨ Israel. Sáꞌá ni̱ꞌ tiñu kuéntáꞌ su̱tu̱ꞌ, ya̱ stékútu̱ꞌún ni̱ꞌ tu̱ꞌun váꞌa Ndiosíꞌ, sáva kuvi ki̱vɨ ráa nu̱u̱nꞌ re̱ꞌ, kuéntáꞌ násokoꞌ ni̱ꞌ ráa nu̱u̱nꞌ re̱ꞌ, jee saájee kúváꞌa iniꞌ re̱ꞌ néꞌyá re̱ꞌ ráa, chi nsa̱ꞌá Ta̱chi̱ꞌ Ííꞌ re̱ꞌ nnu̱noo ráa chi nsásɨ́ɨ́n re̱ꞌ ráa sáva kɨtíñú ráa nu̱u̱nꞌ re̱ꞌ.
17Saáva jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ Cristo Jesús jee káꞌánꞌ téyɨ́ɨ́ ni̱ꞌ jie̱ꞌe̱ꞌ ya̱ nsa̱ꞌá Ndiosíꞌ jín ni̱ꞌ. 18Chi ntu kíji iniꞌ ni̱ꞌ kaꞌanꞌ ni̱ꞌ jie̱ꞌe̱ꞌ ni ɨɨn tiñu jie̱ꞌe̱ꞌ nuꞌuꞌ, chisaꞌ kua̱chi káꞌánꞌ ni̱ꞌ jie̱ꞌe̱ꞌ ya̱ nsa̱ꞌá Cristo jín nuꞌuꞌ, ya̱ ña̱tíñú re̱ꞌ nuꞌuꞌ sáva kaníjiá rá ñɨvɨ ya̱ ntu kúvi ñɨvɨ Israel tɨɨn ráa tu̱ꞌun re̱ꞌ, jie̱ꞌe̱ꞌ ya̱ káꞌánꞌ ni̱ꞌ jie̱ꞌe̱ꞌ rá tu̱ꞌun ntaji re̱ꞌ sákachiꞌ ni̱ꞌ jín jie̱ꞌe̱ꞌ rá tiñu ntaji re̱ꞌ saꞌá ni̱ꞌ, 19jín ya̱ káꞌánꞌ ni̱ꞌ jie̱ꞌe̱ꞌ ya̱ nsa̱ꞌá re̱ꞌ jín ni̱ꞌ rá seña ya̱ níso fuersáꞌ ííꞌ jín rá a̱nasɨ́ sáva stúvi ya̱ kúñáꞌnú re̱ꞌ, chi Ta̱chi̱ꞌ Ííꞌ re̱ꞌ nsa̱ꞌá maa jín fuersáꞌ ííꞌ níso re̱ꞌ. Nsa̱ꞌá re̱ꞌ nɨꞌɨ yaꞌá sáva sikúnkuvi ni̱ꞌ stekútu̱ꞌún ni̱ꞌ tu̱ꞌun váꞌa jie̱ꞌe̱ꞌ Cristo ne̱ ñuunꞌ Jerusalén, jín ntáká rá ñuunꞌ ya̱ káá ni̱kótíyu ntáká ichi yukuán, kénta kua̱íyó ne̱ rá ñuunꞌ ya̱ sánitɨ́ɨn ñuunꞌ Ilírico. 20Jee sukuán nnu̱nasɨ́ ni̱ꞌ nkachitu̱ꞌún ni̱ꞌ tu̱ꞌun re̱ꞌ nu̱u̱nꞌ ntiáꞌan teso̱ꞌo rá ñɨvɨ jie̱ꞌe̱ꞌ Cristo, sáva ntu kívɨ ni̱ꞌ nu̱u̱nꞌ ya̱ ya stékútu̱ꞌún inka te̱e tu̱ꞌun Cristo. 21Suꞌva níso nu̱u̱nꞌ Tutuꞌ Ííꞌ:
Rá ñɨvɨ ya̱ ntiáꞌan te̱ku̱tu̱ꞌún jie̱ꞌe̱ꞌ re̱ꞌ nu̱u̱nꞌ ráa, jee kuniꞌ ráa jie̱ꞌe̱ꞌ re̱ꞌ,
jee maáráa ya̱ ni ntiáꞌan teso̱ꞌo ráa jie̱ꞌe̱ꞌ re̱ꞌ, jee ki̱ku̱ꞌun iniꞌ ráa maa.
Jiáni iniꞌ Pablo kɨ̱ꞌɨ̱nꞌ re̱ꞌ ñuunꞌ Roma
22Saáva jie̱ꞌe̱ꞌ ya̱ nsa̱ꞌá ni̱ꞌ tiñu vá kue̱ꞌe̱ꞌ íchí nchituvi‑i nuꞌuꞌ kua̱jiane̱ꞌyá ni̱ꞌ ránoꞌó.
23Soo ya̱ nkachitu̱ꞌún ni̱ꞌ kua̱íyó rá ñuunꞌ káá yaꞌá, jee vitan jee ya̱ ntu íyó ka̱ꞌ yaꞌá nu̱u̱nꞌ kachitu̱ꞌún ni̱ꞌ tu̱ꞌun váꞌa Ndiosíꞌ. Jee ya̱ íyó kue̱ꞌe̱ꞌ kui̱ya̱ꞌ ya̱ ñúꞌún iniꞌ ni̱ꞌ kua̱jiane̱ꞌyá ni̱ꞌ ránoꞌó. 24Jee ñúꞌún iniꞌ ni̱ꞌ ya̱ kua̱jiane̱ꞌyá ni̱ꞌ ránoꞌó sáá kɨ̱ꞌɨ̱nꞌ ni̱ꞌ ñuunꞌ España. Jee chineí rán nuꞌuꞌ kɨ̱ꞌɨ̱nꞌ ni̱ꞌ ichi yukuán, ré nkuvi xíꞌna nusɨ̱ɨ̱ꞌ iniꞌ ni̱ꞌ jín rán. 25Soo ntañúꞌún jee xíꞌna ka̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ Jerusalén sáva kɨ̱na̱ka ni̱ꞌ xu̱ꞌún yukuán sáva chineí ránꞌ rá ñanitáꞌán‑ó ya̱ yɨ́ꞌɨ́ ráa nu̱u̱nꞌ Cristo ya̱ nééꞌ ráa yukuán. 26Chi rá ñanitáꞌán‑ó ya̱ nééꞌ ráa ñuunꞌ Macedonia jín ñuunꞌ Acaya ñani iniꞌ ráa ya̱ nasokoꞌ ráa xu̱ꞌún sáva chineí ráa rá ñɨvɨ láꞌví ya̱ íyó nteñu rá ñanitáꞌán‑ó ya̱ yɨ́tíñú ráa nu̱u̱nꞌ Cristo ya̱ nééꞌ ráa Jerusalén. 27Chi ñani iniꞌ ráa ya̱ íyó va̱ꞌa saꞌá ráa sukuán, chi táyáꞌvi ráa ya̱ íyó nachineí ráa rá ñɨvɨ Israel, chi retú jíꞌín ráa nni̱ꞌi̱nꞌ ráa ranika̱ꞌ ta̱ꞌvi̱ꞌ iniꞌ ánímaꞌ ráa ya̱ síkútaꞌviꞌ Ndiosíꞌ nu̱u̱nꞌ rá ñɨvɨ Israel, saáva suni íyó nachineí ráa rá ñanitáꞌán‑ó ya̱ kúvi ñɨvɨ Israel ná kúvi jíniñúꞌún rává. 28Saáva sáá sijínu ni̱ꞌ tiñu yaꞌá ya̱ kɨ̱ꞌɨ̱nꞌ ni̱ꞌ kɨ̱na̱ka ni̱ꞌ ya̱ nna̱sokoꞌ ráa, jee sáá kene ni̱ꞌ kɨ̱ꞌɨ̱nꞌ ni̱ꞌ nu̱u̱nꞌ ñuunꞌ España jee kua̱jiaaꞌ ni̱ꞌ nu̱u̱nꞌ nééꞌ rán ni ichi kua̱jia̱ꞌa ni̱ꞌ. 29Jee jíníꞌ ni̱ꞌ ya̱ netuꞌ noo kuvi nta̱ká‑ó sáá kenta ni̱ꞌ yukuán kuneeꞌ ni̱ꞌ jín rán nakani ni̱ꞌ tu̱ꞌun váꞌa Cristo.
30Jee ntañúꞌún ránoꞌó ñanitáꞌán ni̱ꞌ, jie̱ꞌe̱ꞌ yɨ́tíñú‑ó nu̱u̱nꞌ I̱toꞌoꞌ‑ó Jesús ya̱ kúvi Cristo, jín jie̱ꞌe̱ꞌ ya̱ ñúnúunꞌ‑ó ɨɨn inka‑ó sáꞌá Ta̱chi̱ꞌ Ííꞌ re̱ꞌ, saáva jíkánꞌ táꞌvíꞌ ni̱ꞌ nu̱u̱nꞌ ránoꞌó ya̱ chineí chituvi rán nuꞌuꞌ ka̱ka̱nꞌ táꞌvíꞌ rán nu̱u̱nꞌ Ndiosíꞌ jie̱ꞌe̱ꞌ nuꞌuꞌ, 31sáva ka̱ku ni̱ꞌ xi̱ntíín rá ñɨvɨ ni̱ꞌin iniꞌ nu̱u̱nꞌ Ndiosíꞌ ya̱ rá nééꞌ ñuunꞌ Judea. Jee suni ka̱ka̱nꞌ táꞌvíꞌ rán ya̱ kuva̱ꞌa iniꞌ rá ñanitáꞌán‑ó yɨ́ꞌɨ́ nu̱u̱nꞌ Cristo tɨɨn ráa xu̱ꞌún ya̱ kɨ̱na̱ka ni̱ꞌ ñuunꞌ Jerusalén sáva chineí ránꞌ ráa. 32Ka̱ka̱nꞌ táꞌvíꞌ rán sukuán sáva kusɨ̱ɨ̱ꞌ víꞌí iniꞌ ánímaꞌ ni̱ꞌ kua̱jiaaꞌ ni̱ꞌ nu̱u̱nꞌ nééꞌ rán, retú kuíni Ndiosíꞌ. Jee ne̱kuva̱ꞌa iniꞌ ni̱ꞌ jín rán. 33Jee maá Ndiosíꞌ ya̱ sáꞌá ya̱ kuneeꞌ va̱ꞌa‑ó, na̱ ka̱ꞌ koo re̱ꞌ jín ntáká rán. Sukuán koo. Amén.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.