Romanos 14
14
Koto káꞌánꞌ u̱ꞌvi̱ꞌ rán kune̱ꞌyá rán rá ñanitáꞌán
1Jee koo ma̱ni̱ꞌ rán nu̱u̱nꞌ rá ñɨvɨ ya̱ táyáꞌ iniꞌ ráa nu̱u̱nꞌ ya̱ kúneí iniꞌ ráa Cristo. Jee koto síjíta rán ráa jie̱ꞌe̱ꞌ ya̱ sɨ́ɨ́n sɨ́ɨ́n jiáni iniꞌ ráa. 2Chi ɨɨn ñɨvɨ ínúꞌ iniꞌ‑i ya̱ yɨ́netuꞌ Ndiosíꞌ ya̱ kajiꞌ‑i ntáká nu̱u̱nꞌ ya̱ yájíꞌ. Soo ñɨvɨ táyáꞌ iniꞌ‑i kua̱chi yájíꞌ‑i nɨꞌɨ ya̱ ntu kúvi ku̱ñu. 3Jee ñɨvɨ ya̱ yájíꞌ nta̱ká nu̱u̱nꞌ, jee koto kúníichiꞌ‑i kune̱ꞌyá‑a ñɨvɨ ya̱ ntu yájíꞌ‑i nta̱ká nu̱u̱nꞌ vá. Jee ñɨvɨ ya̱ ntu yájíꞌ‑i nta̱ká nu̱u̱nꞌ rénákúvi‑i, jee koto síjíta‑a ñɨvɨ ya̱ yájíꞌ‑i nta̱ká nu̱u̱nꞌ rénákúvi. Chi Ndiosíꞌ nyɨ̱netuꞌ re̱ꞌ néꞌyá re̱ꞌ ñɨvɨ vá. 4Jee noꞌó, ¿né ɨɨn kúvi nú, ya̱ síjíta nú jie̱ꞌe̱ꞌ ya̱ sáꞌá ɨɨn musúꞌ inka i̱toꞌoꞌ, résa? Chi i̱toꞌoꞌ musúꞌ vá sanáaꞌ‑a jie̱ꞌe̱ꞌ ya̱ ni̱ñɨ ni̱ꞌin musúꞌ vá áxí nkininkava musúꞌ vá, jee nsú noꞌó. Jee kuiñɨ ni̱ꞌin‑i, chi I̱toꞌoꞌ‑ó níso re̱ꞌ fesáꞌ sáva kuvi saꞌá re̱ꞌ ya̱ kuiñɨ ni̱ꞌin‑i nu̱u̱nꞌ re̱ꞌ.
5Jee suni íyó ñɨvɨ jiáni iniꞌ‑i ya̱ íyó ɨɨn ki̱vɨ̱ꞌ va̱ꞌa ka̱ꞌ nsú káꞌ inka ka̱ꞌ ki̱vɨ̱ꞌ. Jee íyó inka ñɨvɨ jiáni iniꞌ‑i ya̱ ɨɨn nuún ni kúvi nta̱ká ki̱vɨ̱ꞌ. Ta ɨɨn ɨɨn ñɨvɨ íyó kuna̱a̱ꞌ iniꞌ maáa jie̱ꞌe̱ꞌ jiáni xi̱ni̱ꞌ maáa. 6Jee ñɨvɨ ya̱ néñu̱ꞌun‑u ya̱ ɨɨn ki̱vɨ̱ꞌ kúvi ya̱ ííꞌ ka̱ꞌ nsú káꞌ inka ka̱ꞌ, jee sáꞌá‑a vá sáva nakuatáꞌví‑i I̱toꞌoꞌ‑ó. #14:6 Yakuꞌ tutuꞌ suni káchíꞌ: jee rá ñɨvɨ ya̱ ntu néñu̱ꞌun‑u ɨɨn ki̱vɨ̱ꞌ ka̱ꞌ nsú káꞌ inka ka̱ꞌ, jee sáꞌá‑a sukuán sáva nakuatáꞌví‑i I̱toꞌoꞌ‑ó. Jee ñɨvɨ ya̱ yájíꞌ nta̱ká nu̱u̱nꞌ, jee sáꞌá‑a vá sáva nakuatáꞌví‑i I̱toꞌoꞌ‑ó ví ya̱ yájíꞌ‑i sukuán, chi jiáꞌa‑a ya̱ kútaꞌviꞌ‑i nu̱u̱nꞌ Ndiosíꞌ. Jee ñɨvɨ ya̱ ntu̱ví yájíꞌ nta̱ká nu̱u̱nꞌ, jee sáꞌá‑a vá sáva nakuatáꞌví‑i I̱toꞌoꞌ‑ó ví ya̱ yájíꞌ‑i sukuán, jee jiáꞌa‑a ya̱ kútaꞌviꞌ‑i nu̱u̱nꞌ Ndiosíꞌ.
7Chi ni ɨɨn‑ó ntu tékúꞌ‑ó sáva kueꞌnu‑ó kɨtíñú‑ó nu̱u̱nꞌ maáó, jee ni ɨɨn‑ó ntu̱ví yɨ́tíñú‑ó nu̱u̱nꞌ maáó sáá jíꞌíꞌ‑ó. 8Chi retú tékúꞌ‑ó, jee tékúꞌ‑ó sáva kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó. Jee retú kuviꞌ‑ó, jee kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó sáá kuviꞌ‑ó. Saáva retú kutekuꞌ‑ó, áxí retú kuviꞌ‑ó, yɨ́ꞌɨ́‑ó nu̱u̱nꞌ I̱toꞌoꞌ‑ó.
9Chi jie̱ꞌe̱ꞌ yukuán kúvi ya̱ níꞌiꞌ Cristo jee nna̱tekuꞌ i̱i̱ꞌ‑i, sáva kúvi‑i I̱toꞌoꞌ nu̱u̱nꞌ rá ñɨvɨ níꞌiꞌ jín nu̱u̱nꞌ rá ñɨvɨ tékúꞌ. 10Soo noꞌó, ¿na̱ jie̱ꞌe̱ꞌ chi síjíta nú ñanitáꞌán nú résa? Áxí, ¿na̱ jie̱ꞌe̱ꞌ chi kúníichiꞌ nú néꞌyá nú ñanitáꞌán nú ranika̱ꞌ? Chi nta̱ká‑ó vá kuiñɨ‑ó ichinúúnꞌ nu̱u̱nꞌ keꞌneꞌ Ndiosíꞌ jie̱ꞌe̱ꞌ ya̱ nsa̱ꞌá‑ó. 11Chi suꞌva káchíꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ:
Káchíꞌ I̱toꞌoꞌ‑ó:
“Sáꞌá na̱a̱ꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ,
jie̱ꞌe̱ꞌ ya̱ tékúꞌ nijia ni̱ꞌ,
jee suni sukuán ichinúúnꞌ ni̱ꞌ nakui̱ñɨ̱ꞌ ítɨ́ nta̱ká kuitɨꞌ ñɨvɨ.
Jee ntáká kuitɨꞌ rá ñɨvɨ ku̱ꞌvayuꞌú ráa ya̱ maáníꞌ vá kúvi nijia Ndiosíꞌ.”
12Saáva ta ɨɨn ta ɨɨn‑ó na̱siáꞌa‑ó kuéntáꞌ jie̱ꞌe̱ꞌ na̱sa vá nsa̱ꞌá‑ó ni nééꞌ‑ó ñɨ̱vɨ́ yaꞌá nu̱u̱nꞌ Ndiosíꞌ tékúꞌ ya̱ íyó antivɨ́ súkún.
Koto síkíninkava rán táꞌán rán nu̱u̱nꞌ kua̱chi
13Saáva koto síjíta rán ka̱ꞌ jie̱ꞌe̱ꞌ ɨɨn inka‑ó, chisaꞌ va̱ꞌa ka̱ꞌ ya̱ kani iniꞌ rán ya̱ koto sáꞌá rán ni ɨɨn tiñu niváꞌa ya̱ sikíninkava‑a rá ñanitáꞌán rán jee saꞌá ráa kua̱chi. 14Jee jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ I̱toꞌoꞌ‑ó Jesús, jíníꞌ ni̱ꞌ jee ínúꞌ nijia iniꞌ ni̱ꞌ ya̱ ntu kúvi kachiꞌ‑ó ya̱ ntu íyó ninuꞌun ni ɨɨn rá nantíñú ya̱ nsa̱ꞌá Ndiosíꞌ chi íyó ninuꞌun maá maáa. Soo retú ɨɨn ñɨvɨ jiáni iniꞌ‑i ya̱ ntu íyó ninuꞌun ɨɨn tiñu áxí nantíñú, saájee stívɨ́‑ɨ maáa retú saꞌá‑a vá. 15Jee retú ɨɨn ñanitáꞌán nú kuníní iniꞌ‑i jie̱ꞌe̱ꞌ neyu ya̱ yájíꞌ nú, saájee ya̱ ntu ka̱ꞌ ñúnúunꞌ nú maa jie̱ꞌe̱ꞌ ya̱ sáꞌá nú. Jee koto stívɨ́ nú ɨɨn ñanitáꞌán nú jie̱ꞌe̱ꞌ neyu ya̱ yájíꞌ nú ya̱ jiáni iniꞌ‑i ya̱ kua̱chi kúvi vá, chi suni ne̱ jie̱ꞌe̱ꞌ ñanitáꞌán nú vá ví ya̱ níꞌiꞌ Cristo. 16Koto sáꞌá nú tiñu ya̱ kuvi kaꞌanꞌ niva̱ꞌa inka ñɨvɨ jie̱ꞌe̱ꞌ vá sú jíníꞌ nú ya̱ íyó va̱ꞌa‑a. 17Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ. 18Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.
19Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ. 20Jee koto stívɨ́ nú xtánɨ́ꞌ nú tiñu nsa̱ꞌá Ndiosíꞌ jín ñanitáꞌán nú, jie̱ꞌe̱ꞌ ya̱ yájíꞌ nú. Chi ya̱ naáꞌ nijia kúvi ya̱ ntáká ya̱ yájíꞌ‑ó íyó noo ninuꞌun, soo saꞌá niváꞌa nú retú sikíninkava nú inka ñanitáꞌán nú jie̱ꞌe̱ꞌ ya̱ yájíꞌ nú. 21Va̱ꞌa ka̱ꞌ ya̱ nka̱jíꞌ‑ó ku̱ñu, jee ni nkóꞌo‑ó nixiꞌ, jee ni koto na̱ sáꞌá‑ó ni ɨɨn nu̱u̱nꞌ tiñu retú saꞌá‑a ya̱ kininkava ñanitáꞌán‑ó, áxí retú saꞌá‑a ya̱ tu̱fi̱ꞌ iniꞌ ráa, [áxí retú saꞌá‑a ya̱ táyáꞌ iniꞌ ráa ya̱ kúneí iniꞌ ráa Jesús]. 22Jee ya̱ ínúꞌ iniꞌ nú ya̱ yɨ́netuꞌ Ndiosíꞌ saꞌá nú maa, jee kuꞌun yuꞌuꞌ iniꞌ maánú maa jín Ndiosíꞌ. Chi na̱ ka̱ꞌ netuꞌ ka̱ꞌ kúvi ñɨvɨ ya̱ ntu síjíta ráa maáráa jie̱ꞌe̱ꞌ ya̱ jiáni iniꞌ ráa ya̱ kuvi saꞌá ráa. 23Soo ñɨvɨ ya̱ íyó tu̱ꞌun jiáni iniꞌ‑i retú yɨ́netuꞌ Ndiosíꞌ ya̱ kajiꞌ‑i ɨɨn nantíñú áxí ntu̱ví, jee retú kajiꞌ‑i vá, yukuán jee ni̱ta‑a. Chi ntáká ya̱ sáꞌá‑ó ré ntu̱ví ínúꞌ iniꞌ‑ó ya̱ yɨ́netuꞌ Ndiosíꞌ saꞌá‑ó maa jee kua̱chi kúvi‑i.
Currently Selected:
Romanos 14: meh
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.
Romanos 14
14
Koto káꞌánꞌ u̱ꞌvi̱ꞌ rán kune̱ꞌyá rán rá ñanitáꞌán
1Jee koo ma̱ni̱ꞌ rán nu̱u̱nꞌ rá ñɨvɨ ya̱ táyáꞌ iniꞌ ráa nu̱u̱nꞌ ya̱ kúneí iniꞌ ráa Cristo. Jee koto síjíta rán ráa jie̱ꞌe̱ꞌ ya̱ sɨ́ɨ́n sɨ́ɨ́n jiáni iniꞌ ráa. 2Chi ɨɨn ñɨvɨ ínúꞌ iniꞌ‑i ya̱ yɨ́netuꞌ Ndiosíꞌ ya̱ kajiꞌ‑i ntáká nu̱u̱nꞌ ya̱ yájíꞌ. Soo ñɨvɨ táyáꞌ iniꞌ‑i kua̱chi yájíꞌ‑i nɨꞌɨ ya̱ ntu kúvi ku̱ñu. 3Jee ñɨvɨ ya̱ yájíꞌ nta̱ká nu̱u̱nꞌ, jee koto kúníichiꞌ‑i kune̱ꞌyá‑a ñɨvɨ ya̱ ntu yájíꞌ‑i nta̱ká nu̱u̱nꞌ vá. Jee ñɨvɨ ya̱ ntu yájíꞌ‑i nta̱ká nu̱u̱nꞌ rénákúvi‑i, jee koto síjíta‑a ñɨvɨ ya̱ yájíꞌ‑i nta̱ká nu̱u̱nꞌ rénákúvi. Chi Ndiosíꞌ nyɨ̱netuꞌ re̱ꞌ néꞌyá re̱ꞌ ñɨvɨ vá. 4Jee noꞌó, ¿né ɨɨn kúvi nú, ya̱ síjíta nú jie̱ꞌe̱ꞌ ya̱ sáꞌá ɨɨn musúꞌ inka i̱toꞌoꞌ, résa? Chi i̱toꞌoꞌ musúꞌ vá sanáaꞌ‑a jie̱ꞌe̱ꞌ ya̱ ni̱ñɨ ni̱ꞌin musúꞌ vá áxí nkininkava musúꞌ vá, jee nsú noꞌó. Jee kuiñɨ ni̱ꞌin‑i, chi I̱toꞌoꞌ‑ó níso re̱ꞌ fesáꞌ sáva kuvi saꞌá re̱ꞌ ya̱ kuiñɨ ni̱ꞌin‑i nu̱u̱nꞌ re̱ꞌ.
5Jee suni íyó ñɨvɨ jiáni iniꞌ‑i ya̱ íyó ɨɨn ki̱vɨ̱ꞌ va̱ꞌa ka̱ꞌ nsú káꞌ inka ka̱ꞌ ki̱vɨ̱ꞌ. Jee íyó inka ñɨvɨ jiáni iniꞌ‑i ya̱ ɨɨn nuún ni kúvi nta̱ká ki̱vɨ̱ꞌ. Ta ɨɨn ɨɨn ñɨvɨ íyó kuna̱a̱ꞌ iniꞌ maáa jie̱ꞌe̱ꞌ jiáni xi̱ni̱ꞌ maáa. 6Jee ñɨvɨ ya̱ néñu̱ꞌun‑u ya̱ ɨɨn ki̱vɨ̱ꞌ kúvi ya̱ ííꞌ ka̱ꞌ nsú káꞌ inka ka̱ꞌ, jee sáꞌá‑a vá sáva nakuatáꞌví‑i I̱toꞌoꞌ‑ó. #14:6 Yakuꞌ tutuꞌ suni káchíꞌ: jee rá ñɨvɨ ya̱ ntu néñu̱ꞌun‑u ɨɨn ki̱vɨ̱ꞌ ka̱ꞌ nsú káꞌ inka ka̱ꞌ, jee sáꞌá‑a sukuán sáva nakuatáꞌví‑i I̱toꞌoꞌ‑ó. Jee ñɨvɨ ya̱ yájíꞌ nta̱ká nu̱u̱nꞌ, jee sáꞌá‑a vá sáva nakuatáꞌví‑i I̱toꞌoꞌ‑ó ví ya̱ yájíꞌ‑i sukuán, chi jiáꞌa‑a ya̱ kútaꞌviꞌ‑i nu̱u̱nꞌ Ndiosíꞌ. Jee ñɨvɨ ya̱ ntu̱ví yájíꞌ nta̱ká nu̱u̱nꞌ, jee sáꞌá‑a vá sáva nakuatáꞌví‑i I̱toꞌoꞌ‑ó ví ya̱ yájíꞌ‑i sukuán, jee jiáꞌa‑a ya̱ kútaꞌviꞌ‑i nu̱u̱nꞌ Ndiosíꞌ.
7Chi ni ɨɨn‑ó ntu tékúꞌ‑ó sáva kueꞌnu‑ó kɨtíñú‑ó nu̱u̱nꞌ maáó, jee ni ɨɨn‑ó ntu̱ví yɨ́tíñú‑ó nu̱u̱nꞌ maáó sáá jíꞌíꞌ‑ó. 8Chi retú tékúꞌ‑ó, jee tékúꞌ‑ó sáva kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó. Jee retú kuviꞌ‑ó, jee kueꞌnu‑ó kɨtíñú‑ó nu̱u̱nꞌ I̱toꞌoꞌ‑ó sáá kuviꞌ‑ó. Saáva retú kutekuꞌ‑ó, áxí retú kuviꞌ‑ó, yɨ́ꞌɨ́‑ó nu̱u̱nꞌ I̱toꞌoꞌ‑ó.
9Chi jie̱ꞌe̱ꞌ yukuán kúvi ya̱ níꞌiꞌ Cristo jee nna̱tekuꞌ i̱i̱ꞌ‑i, sáva kúvi‑i I̱toꞌoꞌ nu̱u̱nꞌ rá ñɨvɨ níꞌiꞌ jín nu̱u̱nꞌ rá ñɨvɨ tékúꞌ. 10Soo noꞌó, ¿na̱ jie̱ꞌe̱ꞌ chi síjíta nú ñanitáꞌán nú résa? Áxí, ¿na̱ jie̱ꞌe̱ꞌ chi kúníichiꞌ nú néꞌyá nú ñanitáꞌán nú ranika̱ꞌ? Chi nta̱ká‑ó vá kuiñɨ‑ó ichinúúnꞌ nu̱u̱nꞌ keꞌneꞌ Ndiosíꞌ jie̱ꞌe̱ꞌ ya̱ nsa̱ꞌá‑ó. 11Chi suꞌva káchíꞌ Tu̱ꞌun Ndiosíꞌ níso nu̱u̱nꞌ Tutuꞌ Ííꞌ:
Káchíꞌ I̱toꞌoꞌ‑ó:
“Sáꞌá na̱a̱ꞌ ni̱ꞌ nu̱u̱nꞌ tu̱ꞌun káꞌánꞌ ni̱ꞌ,
jie̱ꞌe̱ꞌ ya̱ tékúꞌ nijia ni̱ꞌ,
jee suni sukuán ichinúúnꞌ ni̱ꞌ nakui̱ñɨ̱ꞌ ítɨ́ nta̱ká kuitɨꞌ ñɨvɨ.
Jee ntáká kuitɨꞌ rá ñɨvɨ ku̱ꞌvayuꞌú ráa ya̱ maáníꞌ vá kúvi nijia Ndiosíꞌ.”
12Saáva ta ɨɨn ta ɨɨn‑ó na̱siáꞌa‑ó kuéntáꞌ jie̱ꞌe̱ꞌ na̱sa vá nsa̱ꞌá‑ó ni nééꞌ‑ó ñɨ̱vɨ́ yaꞌá nu̱u̱nꞌ Ndiosíꞌ tékúꞌ ya̱ íyó antivɨ́ súkún.
Koto síkíninkava rán táꞌán rán nu̱u̱nꞌ kua̱chi
13Saáva koto síjíta rán ka̱ꞌ jie̱ꞌe̱ꞌ ɨɨn inka‑ó, chisaꞌ va̱ꞌa ka̱ꞌ ya̱ kani iniꞌ rán ya̱ koto sáꞌá rán ni ɨɨn tiñu niváꞌa ya̱ sikíninkava‑a rá ñanitáꞌán rán jee saꞌá ráa kua̱chi. 14Jee jie̱ꞌe̱ꞌ yɨ́ꞌɨ́ ni̱ꞌ nu̱u̱nꞌ I̱toꞌoꞌ‑ó Jesús, jíníꞌ ni̱ꞌ jee ínúꞌ nijia iniꞌ ni̱ꞌ ya̱ ntu kúvi kachiꞌ‑ó ya̱ ntu íyó ninuꞌun ni ɨɨn rá nantíñú ya̱ nsa̱ꞌá Ndiosíꞌ chi íyó ninuꞌun maá maáa. Soo retú ɨɨn ñɨvɨ jiáni iniꞌ‑i ya̱ ntu íyó ninuꞌun ɨɨn tiñu áxí nantíñú, saájee stívɨ́‑ɨ maáa retú saꞌá‑a vá. 15Jee retú ɨɨn ñanitáꞌán nú kuníní iniꞌ‑i jie̱ꞌe̱ꞌ neyu ya̱ yájíꞌ nú, saájee ya̱ ntu ka̱ꞌ ñúnúunꞌ nú maa jie̱ꞌe̱ꞌ ya̱ sáꞌá nú. Jee koto stívɨ́ nú ɨɨn ñanitáꞌán nú jie̱ꞌe̱ꞌ neyu ya̱ yájíꞌ nú ya̱ jiáni iniꞌ‑i ya̱ kua̱chi kúvi vá, chi suni ne̱ jie̱ꞌe̱ꞌ ñanitáꞌán nú vá ví ya̱ níꞌiꞌ Cristo. 16Koto sáꞌá nú tiñu ya̱ kuvi kaꞌanꞌ niva̱ꞌa inka ñɨvɨ jie̱ꞌe̱ꞌ vá sú jíníꞌ nú ya̱ íyó va̱ꞌa‑a. 17Chi ya̱ yɨ́ꞌɨ́‑ó naꞌá Ndiosíꞌ ya̱ tátúníꞌ re̱ꞌ nu̱u̱nꞌ‑ó jee nsáꞌ naniꞌvɨꞌ iniꞌ‑ó jie̱ꞌe̱ꞌ neyu ya̱ yájíꞌ‑ó jín ya̱ jíꞌi‑ó, chisaꞌ jie̱ꞌe̱ꞌ ya̱ kueꞌnu na̱a̱ꞌ‑ó, jín ya̱ kuneeꞌ ñunkúún‑ó jín rá ñanitáꞌán‑ó, jín ya̱ kusɨ̱ɨ̱ꞌ ánímaꞌ‑ó sáꞌá Ta̱chi̱ꞌ Ííꞌ re̱ꞌ. 18Chi ñɨvɨ ya̱ sukuán yɨ́tíñú‑u nu̱u̱nꞌ Cristo, jee kúváꞌa iniꞌ Ndiosíꞌ néꞌyá re̱ꞌ maa, jee kúváꞌa iniꞌ rá inka ñɨvɨ jie̱ꞌe̱ꞌ ya̱ sáꞌá‑a.
19Jee saáva kuniꞌvɨꞌ iniꞌ‑ó saꞌá‑o tiñu ya̱ kuneeꞌ ñunkúún‑ó jín rá ñanitáꞌán‑ó, jín ya̱ chineí táꞌán ɨɨn inka‑ó jín táꞌán‑ó sáva kujia iniꞌ ɨɨn inka‑ó kuiñɨ ni̱ꞌin‑ó jín Tu̱ꞌun Ndiosíꞌ. 20Jee koto stívɨ́ nú xtánɨ́ꞌ nú tiñu nsa̱ꞌá Ndiosíꞌ jín ñanitáꞌán nú, jie̱ꞌe̱ꞌ ya̱ yájíꞌ nú. Chi ya̱ naáꞌ nijia kúvi ya̱ ntáká ya̱ yájíꞌ‑ó íyó noo ninuꞌun, soo saꞌá niváꞌa nú retú sikíninkava nú inka ñanitáꞌán nú jie̱ꞌe̱ꞌ ya̱ yájíꞌ nú. 21Va̱ꞌa ka̱ꞌ ya̱ nka̱jíꞌ‑ó ku̱ñu, jee ni nkóꞌo‑ó nixiꞌ, jee ni koto na̱ sáꞌá‑ó ni ɨɨn nu̱u̱nꞌ tiñu retú saꞌá‑a ya̱ kininkava ñanitáꞌán‑ó, áxí retú saꞌá‑a ya̱ tu̱fi̱ꞌ iniꞌ ráa, [áxí retú saꞌá‑a ya̱ táyáꞌ iniꞌ ráa ya̱ kúneí iniꞌ ráa Jesús]. 22Jee ya̱ ínúꞌ iniꞌ nú ya̱ yɨ́netuꞌ Ndiosíꞌ saꞌá nú maa, jee kuꞌun yuꞌuꞌ iniꞌ maánú maa jín Ndiosíꞌ. Chi na̱ ka̱ꞌ netuꞌ ka̱ꞌ kúvi ñɨvɨ ya̱ ntu síjíta ráa maáráa jie̱ꞌe̱ꞌ ya̱ jiáni iniꞌ ráa ya̱ kuvi saꞌá ráa. 23Soo ñɨvɨ ya̱ íyó tu̱ꞌun jiáni iniꞌ‑i retú yɨ́netuꞌ Ndiosíꞌ ya̱ kajiꞌ‑i ɨɨn nantíñú áxí ntu̱ví, jee retú kajiꞌ‑i vá, yukuán jee ni̱ta‑a. Chi ntáká ya̱ sáꞌá‑ó ré ntu̱ví ínúꞌ iniꞌ‑ó ya̱ yɨ́netuꞌ Ndiosíꞌ saꞌá‑ó maa jee kua̱chi kúvi‑i.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
© 2022, Wycliffe Bible Translators, Inc. All rights reserved.