Santiago 5

Stúꞌva ya̱chi̱ꞌ re̱ꞌ rá kúká

1¡Teso̱ꞌo rán ntañúꞌún, ránoꞌó ya̱ kúká! ¡Jiaku iniꞌ rán jee kunaꞌyuꞌ kóꞌó rán!, jie̱ꞌe̱ꞌ rá tu̱nóꞌó kiji nu̱u̱nꞌ rán. 2Rá nantíñú yɨ́yáꞌvi kúmí rán téꞌyúꞌ‑u, jee rá saꞌma rán yájíꞌ ti̱kixinꞌ maa. 3Rá oro rán jín rá plata rán kujia su̱jieyóó maa. Jee su̱jieyóó vá stúvi ya̱ naáꞌ si̱kɨ̱ꞌ ránoꞌó, jee jie̱ꞌe̱ꞌ vá xináánꞌ Ndiosíꞌ rá yɨkɨkúñu rán kuéntáꞌ téñuꞌunꞌ ñuꞌunꞌ. Chi nsa̱ꞌá tútú rán nantíñú yɨ́yáꞌvi tiempúꞌ yaꞌá ya̱ kuánɨꞌɨ. 4¡Kune̱ꞌyá! Ntu nchúnáán va̱ꞌa rán xu̱ꞌún ya̱ꞌvi nu̱u̱nꞌ rá te̱e nna̱keꞌen tataꞌ sáꞌá nu̱u̱nꞌ ñuꞌun rán. Jee káꞌánꞌ kua̱chi ráa jie̱ꞌe̱ꞌ rán nu̱u̱nꞌ Ndiosíꞌ. Jee Ndiosíꞌ, ya̱ kúvi I̱toꞌoꞌ nu̱u̱nꞌ kue̱ꞌe̱ꞌ rá najiáꞌáꞌ ííꞌ re̱ꞌ nééꞌ antivɨ́, jee tésóꞌo ñáꞌnú re̱ꞌ ya̱ káꞌánꞌ kua̱chi rá te̱e nna̱keꞌen tataꞌ sáꞌá rán vá si̱kɨ̱ꞌ rán. 5Ñaꞌnu kúká rán iniꞌ ñɨ̱vɨ́ yaꞌá jee nnu̱kú rán ya̱ sɨ́ɨ́ꞌ víꞌí níyo iniꞌ rán. Jee suꞌva xínáñu rán maárán ne̱ ki̱vɨ̱ꞌ xinóꞌo Ndiosíꞌ ránoꞌó kuéntáꞌ xínáñu sa̱na̱ꞌ ne̱ ki̱vɨ̱ꞌ kaꞌniꞌ maa. 6Ránoꞌó nsi̱jíta rán ñɨvɨ na̱a̱ꞌ jee ñaꞌniꞌ rán ráa, sú ntu núníꞌin ráa nu̱u̱nꞌ ránoꞌó.

Káꞌnú koo iniꞌ‑ó jee ka̱ka̱nꞌ táꞌvíꞌ‑ó nu̱u̱nꞌ Ndiosíꞌ

7Saájee, ránoꞌó rá ñaniꞌ ni̱ꞌ jín rá ku̱ꞌva ni̱ꞌ, íyó káꞌnú koo iniꞌ rán ne̱ ki̱vɨ̱ꞌ niji I̱toꞌoꞌ‑ó. Kune̱ꞌyá rán, te̱e sátíñú chi̱kuꞌuꞌ nétu re̱ꞌ kene tataꞌ yɨ́yáꞌvi sáꞌá re̱ꞌ nu̱u̱nꞌ ñuꞌun, chi íyó káꞌnú iniꞌ re̱ꞌ ne̱ tiaaꞌ sa̱vi̱ꞌ xíꞌnañúꞌún jín ne̱ sa̱vi̱ꞌ nu̱u̱nꞌ nɨꞌɨ. 8Jee suni íyó káꞌnú koo iniꞌ rán jee íyó kuiñɨ ni̱ꞌin rán ne̱ ánímaꞌ rán, chi va̱ji kuyatin niji I̱toꞌoꞌ‑ó. 9Ránoꞌó ñaniꞌ jín ku̱ꞌva, koto násóyu̱ꞌú rán nu̱u̱nꞌ ɨɨn inka táꞌán rán, sáva ntu kúnáaꞌ kua̱chi si̱kɨ̱ꞌ rán. Kune̱ꞌyá rán, Ndiosíꞌ ya̱ suvire̱ꞌ vá jiéꞌnéꞌ kua̱chi yatin niji re̱ꞌ, kuéntáꞌ ya ñúneen re̱ꞌ yuvéꞌí.

10Rá ñaniꞌ jín rá ku̱ꞌva, íyó tɨɨn kuéntáꞌ rán kuéntáꞌ ɨɨn ñujiínꞌ kunikɨnꞌ rán na̱sa nnoꞌo rá ñɨvɨ nna̱kani ráa tu̱ꞌun nkene yuꞌú Ndiosíꞌ jee ni̱yo káꞌnú iniꞌ ráa, ya̱ nu̱u̱nꞌ súví I̱toꞌoꞌ‑ó nkachitu̱ꞌún ráa tu̱ꞌun re̱ꞌ. 11Kune̱ꞌyá rán, tɨ́ɨn kuéntáꞌ‑ó ya̱ saꞌá Ndiosíꞌ ya̱ netuꞌ kúvi ñɨvɨ ya̱ jiéꞌnéꞌ iniꞌ ráa jín tu̱nóꞌó jee íñɨ́ ni̱ꞌin ráa. Nteso̱ꞌo rán na̱sa nkuni̱ꞌin ni̱ñɨ ni̱ꞌin Job jín tu̱nóꞌó nnoꞌo re̱ꞌ. Jee jíníꞌ rán ya̱ nsa̱ꞌá va̱ꞌa I̱toꞌoꞌ‑ó jín re̱ꞌ ne̱ nu̱u̱nꞌ nɨ́ꞌɨ. Saáva suꞌva jíníꞌ rán ya̱ náꞌví víꞌí iniꞌ I̱toꞌoꞌ‑ó jee kúváꞌa iniꞌ re̱ꞌ néꞌyá re̱ꞌ ñɨvɨ.

12Saájee, ránoꞌó ñaniꞌ ni̱ꞌ jín ku̱ꞌva ni̱ꞌ, káꞌnú ka̱ꞌ nu̱u̱nꞌ nɨꞌɨ ví ya̱ koto sánáaꞌ rán jie̱ꞌe̱ꞌ antivɨ́ nu̱u̱nꞌ tu̱ꞌun káꞌánꞌ rán, ni jie̱ꞌe̱ꞌ ñɨ̱vɨ́, ni jie̱ꞌe̱ꞌ na̱ni inka nantíñú. Chisaꞌ retú káchíꞌ rán ya̱ “suꞌva kúvi”, jee sukuán kachiꞌ maa. Jee retú káchíꞌ rán “ntu̱ví”, jee sukuán kachiꞌ maa, sáva ntu kúnáaꞌ kua̱chi si̱kɨ̱ꞌ rán. 13¿Á íyó néni ɨɨn ránoꞌó ya̱ nóꞌo tu̱nóꞌó?, jee kaꞌanꞌ jín Ndiosíꞌ. ¿Á íyó néni ɨɨn ya̱ kúsɨ́ɨꞌ iniꞌ?, jee kata yaaꞌ ya̱ nákuetúꞌún‑u Ndiosíꞌ. 14¿Á íyó néni ɨɨn ránoꞌó ya̱ kúꞌvíꞌ?, jee íyó kana ñɨvɨ kúꞌvíꞌ vá rá te̱e kúñáꞌnú nu̱u̱nꞌ rá ñɨvɨ kúneí iniꞌ Jesús, jee ka̱ka̱nꞌ táꞌvíꞌ ráa nu̱u̱nꞌ Ndiosíꞌ jie̱ꞌe̱ꞌ ñɨvɨ vá jee nu̱u̱nꞌ súví I̱toꞌoꞌ‑ó chisó ráa aceite maa. 15Jee nu̱u̱nꞌ jíkánꞌ táꞌvíꞌ ráa jín ya̱ kúneí iniꞌ ráa Ndiosíꞌ, jee yukuán xinúvi‑i #5:15 Áxí káchíꞌ suꞌva: sikáku‑u ñɨvɨ kúꞌvíꞌ vá, jee nako̱o‑o saꞌá I̱toꞌoꞌ‑ó nusɨ̱ɨ̱ꞌ iniꞌ‑i. Jee retú nsa̱ꞌá ñɨvɨ kúꞌvíꞌ vá kua̱chi #5:15 Káꞌánꞌ re̱ꞌ jie̱ꞌe̱ꞌ kua̱chi ya̱ nna̱naꞌmaꞌ‑a nu̱u̱nꞌ Ndiosíꞌ. Kune̱ꞌyá versículo 16. jee kunekáꞌnú iniꞌ Ndiosíꞌ kune̱ꞌyá re̱ꞌ maa. 16Saáva íyó nanaꞌmaꞌ ɨɨn inka rán jie̱ꞌe̱ꞌ kua̱chi rán, jee íyó ka̱ka̱nꞌ táꞌvíꞌ rán jie̱ꞌe̱ꞌ ɨɨn inka rán, sáva nuvi rán. Máá ñáꞌnú nasɨ́kuitɨꞌ ví ya̱ jíkánꞌ táꞌvíꞌ ñɨvɨ na̱a̱ꞌ jee sáꞌá Ndiosíꞌ tiñu jie̱ꞌe̱ꞌ ya̱ jíkánꞌ táꞌvíꞌ. 17Elías #5:17 Nkuvi Elías ɨɨn te̱e yanaꞌán víꞌí ya̱ njia̱ꞌa Ndiosíꞌ tu̱ꞌun re̱ꞌ nu̱u̱nꞌ‑u stekútu̱ꞌún‑u vá. nkuvi re̱ꞌ ɨɨn te̱e ɨɨn nuún antúníꞌ jín‑ó. Nñu̱káñá iniꞌ re̱ꞌ ni̱ka̱nꞌ táꞌvíꞌ re̱ꞌ nu̱u̱nꞌ Ndiosíꞌ ya̱ koto kúun sa̱vi̱ꞌ, jee ntu nkúun sa̱vi̱ꞌ nu̱u̱nꞌ ñuꞌun u̱ni̱ꞌ kui̱ya̱ꞌ jín i̱ñu̱ꞌ yo̱o̱ꞌ. 18Jee ni̱ka̱nꞌ táꞌvíꞌ tuku re̱ꞌ ya̱ kuun sa̱vi̱ꞌ jee njia̱ꞌa súkún sa̱vi̱ꞌ jee njia̱ꞌa nu̱u̱nꞌ ñuꞌun tataꞌ sáꞌá.

19Ránoꞌó ñaniꞌ ni̱ꞌ jín ku̱ꞌva ni̱ꞌ, retú néni ɨɨn rán ya̱ nnu̱sɨ́ɨ́n nu̱u̱nꞌ ya̱ naáꞌ, jee retú inka rán nachuꞌun tuku ichi na̱a̱ꞌ maa, 20jee kuniꞌ nú ya̱ néni ɨɨn rán ya̱ nachuꞌun tuku ichi ɨɨn ñɨvɨ kua̱chi kene‑e nu̱u̱nꞌ ichi niva̱ꞌa nki̱vɨ‑ɨ, jee sikáku nú ñɨvɨ vá nu̱u̱nꞌ kuviꞌ‑i nu̱u̱nꞌ Ndiosíꞌ, nékúvi, jee koo tu̱ꞌun káꞌnú iniꞌ nu̱u̱nꞌ kue̱ꞌe̱ꞌ kua̱chi nsa̱ꞌá‑a.

Currently Selected:

Santiago 5: meh

Highlight

Copy

Compare