Ester 10
10
Ɔhene Ahas-weros ne Mordekai kɛseyɛ
1Na ɔhene Ahas-weros de towyi too asase no, ne mpoaano aman no so. 2#Est 8.2, 15 Na ne tumi ne ne mmaninyɛ nneyɛe ne Mordekai kɛse a ɔhene no maa no yɛe no ho asɛm no, wɔankyerɛw Media ne Persia Ahemfo Berɛsosɛm Nhoma no mu? 3Na Yudani Mordekai no ne nea odi Ɔhene Ahas-weros akyi wɔ tumi mu. Yudafo no mu nso ɔyɛ onipa kɛse, na ne nuanom dodow no pɛɛ n’asɛm. Ɔhwehwɛɛ ne man no yiyedi, na ɔkaa asomdwoesɛm kyerɛɛ n’asefo nyinaa.
Revised Akuapem Twi DC Bible © Bible Society of Ghana, 2017.