1 Korintofo 12
12
Honhom mu nneɛma
1Na nea ɛfa honhom fam nsɛm ho de, anuanom, mempɛ sɛ mede biribiara mesie mo so. 2#Hab 2.18-19 Munim sɛ kan a moyɛ abosonsomfo no, momaa wɔde mo faa ɔkwan biara so kɔɔ abosom mum nkyɛn. 3#Mar 9.39; 1 Yoh 4.2-3 Enti merema moahu sɛ, obiara a ɔnam Onyankopɔn honhom mu kasa no mfrɛ Yesu abusude; na obiara ntumi mfrɛ Yesu Awurade, gye sɛ Honhom Kronkron so.
4 #
Rom 12.6; Efe 4.4 Nanso adom akyɛde gu ahorow, nanso ɛyɛ Honhom koro no ara. 5#1 Ko 12.28; Efe 4.11 Na ɔsom nnwuma gu ahorow, nanso ɛyɛ Awurade koro no ara. 6Na dwumadi nso gu ahorow, nanso Onyankopɔn koro no ara na odi dwuma no nyinaa wɔn nyinaa mu. 7#1 Ko 14.26 Nanso wɔma Honhom no yi ne ho adi wɔn mu biara mu, na ayɛ yiye. 8Na wɔnam Honhom no so ma obi anyansasɛnka; obi nso wɔma no nimdeɛsɛnka, sɛnea Honhom koro no ara pɛ. 9Ɔfoforo nso wɔma no gyidi, Honhom koro no ara mu; obi nso wɔma no ayaresa adom akyɛde, Honhom koro no ara mu. 10#1 Ko 14.5; Aso 2.4 Obi nso wɔma no tumideyɛ; obi nso wɔma no nkɔmhyɛ. Obi nso wɔma no ahonhom ahorow mu nhumu; obi nso wɔma no ɔkasa ahorow, obi nso wɔma no ɔkasa ahorow nkyerɛase. 11#1 Ko 7.7; Rom 12.3; Efe 4.7 Na eyi nyinaa, Honhom koro no ara na ɔyɛ, na ɔkyekyɛ ma wɔn mmiako mmiako sɛnea ɔpɛ.
Nipadua biako a ɛwɔ akwaa bebree
12 #
1 Ko 12.27; 10.17 Na sɛnea nipadua yɛ biako, na ɛwɔ akwaa bebree, na akwaa yi nyinaa dɔɔso nanso ɛyɛ nipadua biako no, saa ara na Kristo nso te. 13#Gal 3.28 Na yɛn nyinaa nso, Yudafo oo, Helafo oo, nkoa oo, adehye oo, wɔbɔɔ yɛn asu Honhom koro no mu ma yɛbɛyɛɛ nipadua biako, na wɔmaa yɛn nyinaa nom honhom biako.
14 #
1 Ko 12.20
Na nipadua nso nyɛ akwaa biako, na ɛyɛ bebree. 15Sɛ ɛnan ka sɛ: Menyɛ nsa, enti menka nipadua no ho a, na ɛnka nipadua no ho anaa? 16Na sɛ aso ka sɛ: Menyɛ aniwa, enti menka nipadua no ho a, na ɛnka nipadua no ho anaa? 17Sɛ nipadua nyinaa yɛ aniwa a, anka ɔte wɔ he? Sɛ ne nyinaa yɛ ɔte a, anka ohua wɔ he? 18Na afei Onyankopɔn de akwaa no asisi nipadua ho mmiako mmiako, sɛnea ɔpɛ. 19Na sɛ ne nyinaa yɛ akwaa biako a, anka nipadua wɔ he? 20#1 Ko 12.14 Na afei akwaa no dɔɔso de, nanso nipadua no yɛ biako.
21Aniwa ntumi nka nkyerɛ nsa sɛ: Wo ho nhia me; bio nso eti ntumi nka nkyerɛ nan sɛ: Mo ho nhia me. 22Na mmom nipadua ho akwaa a ɛyɛ yɛn sɛ ɛyɛ mmerɛw bebrebe no, ɛno na ɛho hia. 23Na nipadua ho ade a ɛyɛ yɛn sɛ enni nidi koraa no, ɛno na yɛhyehyɛ di no ni bebrebe, na nea ɛnyɛ fɛ wɔ yɛn ho no nya ahokeka bebrebe; 24efisɛ nea ɛyɛ fɛ wɔ yɛn ho no, enhia no saa. Na Onyankopɔn de nipadua no atoatoa mu, na akwaa a wommu no no, wama no nidi bebrebe, 25na mpaepaemu amma nipadua mu, na mmom akwaa no adwennwen ade koro ama wɔn ho wɔn ho. 26Na sɛ kwaa biako hu amane a, akwaa nyinaa hu bi; sɛ nso wɔhyɛ akwaa biako anuonyam a, akwaa no nyinaa ne no bom di saa anigye no.
27 #
Rom 12.5; Efe 5.30 Na mo nso moyɛ Kristo nipadua ne akwaa mmiako mmiako. 28#Efe 4.11-12 Na Onyankopɔn de ebinom asi asafo no mu sɛ asomafo kan, nea ɛto so abien, adiyifo, nea ɛto so abiɛsa, akyerɛkyerɛfo, bio nso tumide, ne ayaresa adom akyɛde, aboafo, mpanyin nnwuma, kasa ahorow. 29Wɔn nyinaa yɛ asomafo? Wɔn nyinaa yɛ adiyifo? Wɔn nyinaa yɛ akyerɛkyerɛfo? Wɔn nyinaa wɔ tumide? 30Wɔn nyinaa wɔ ayaresa adom akyɛde? Wɔn nyinaa kasa kasa ahorow? Wɔn nyinaa kyerɛ kasa ase? 31#1 Ko 14.1 Na mommɔ adom akyɛde titiriw no ho mmɔden, na mɛkyerɛ mo ɔkwan a eye sen biribiara.
Currently Selected:
1 Korintofo 12: RATB
Highlight
Share
Copy
Want to have your highlights saved across all your devices? Sign up or sign in
Revised Akuapem Twi DC Bible © Bible Society of Ghana, 2017.
1 Korintofo 12
12
Honhom mu nneɛma
1Na nea ɛfa honhom fam nsɛm ho de, anuanom, mempɛ sɛ mede biribiara mesie mo so. 2#Hab 2.18-19 Munim sɛ kan a moyɛ abosonsomfo no, momaa wɔde mo faa ɔkwan biara so kɔɔ abosom mum nkyɛn. 3#Mar 9.39; 1 Yoh 4.2-3 Enti merema moahu sɛ, obiara a ɔnam Onyankopɔn honhom mu kasa no mfrɛ Yesu abusude; na obiara ntumi mfrɛ Yesu Awurade, gye sɛ Honhom Kronkron so.
4 #
Rom 12.6; Efe 4.4 Nanso adom akyɛde gu ahorow, nanso ɛyɛ Honhom koro no ara. 5#1 Ko 12.28; Efe 4.11 Na ɔsom nnwuma gu ahorow, nanso ɛyɛ Awurade koro no ara. 6Na dwumadi nso gu ahorow, nanso Onyankopɔn koro no ara na odi dwuma no nyinaa wɔn nyinaa mu. 7#1 Ko 14.26 Nanso wɔma Honhom no yi ne ho adi wɔn mu biara mu, na ayɛ yiye. 8Na wɔnam Honhom no so ma obi anyansasɛnka; obi nso wɔma no nimdeɛsɛnka, sɛnea Honhom koro no ara pɛ. 9Ɔfoforo nso wɔma no gyidi, Honhom koro no ara mu; obi nso wɔma no ayaresa adom akyɛde, Honhom koro no ara mu. 10#1 Ko 14.5; Aso 2.4 Obi nso wɔma no tumideyɛ; obi nso wɔma no nkɔmhyɛ. Obi nso wɔma no ahonhom ahorow mu nhumu; obi nso wɔma no ɔkasa ahorow, obi nso wɔma no ɔkasa ahorow nkyerɛase. 11#1 Ko 7.7; Rom 12.3; Efe 4.7 Na eyi nyinaa, Honhom koro no ara na ɔyɛ, na ɔkyekyɛ ma wɔn mmiako mmiako sɛnea ɔpɛ.
Nipadua biako a ɛwɔ akwaa bebree
12 #
1 Ko 12.27; 10.17 Na sɛnea nipadua yɛ biako, na ɛwɔ akwaa bebree, na akwaa yi nyinaa dɔɔso nanso ɛyɛ nipadua biako no, saa ara na Kristo nso te. 13#Gal 3.28 Na yɛn nyinaa nso, Yudafo oo, Helafo oo, nkoa oo, adehye oo, wɔbɔɔ yɛn asu Honhom koro no mu ma yɛbɛyɛɛ nipadua biako, na wɔmaa yɛn nyinaa nom honhom biako.
14 #
1 Ko 12.20
Na nipadua nso nyɛ akwaa biako, na ɛyɛ bebree. 15Sɛ ɛnan ka sɛ: Menyɛ nsa, enti menka nipadua no ho a, na ɛnka nipadua no ho anaa? 16Na sɛ aso ka sɛ: Menyɛ aniwa, enti menka nipadua no ho a, na ɛnka nipadua no ho anaa? 17Sɛ nipadua nyinaa yɛ aniwa a, anka ɔte wɔ he? Sɛ ne nyinaa yɛ ɔte a, anka ohua wɔ he? 18Na afei Onyankopɔn de akwaa no asisi nipadua ho mmiako mmiako, sɛnea ɔpɛ. 19Na sɛ ne nyinaa yɛ akwaa biako a, anka nipadua wɔ he? 20#1 Ko 12.14 Na afei akwaa no dɔɔso de, nanso nipadua no yɛ biako.
21Aniwa ntumi nka nkyerɛ nsa sɛ: Wo ho nhia me; bio nso eti ntumi nka nkyerɛ nan sɛ: Mo ho nhia me. 22Na mmom nipadua ho akwaa a ɛyɛ yɛn sɛ ɛyɛ mmerɛw bebrebe no, ɛno na ɛho hia. 23Na nipadua ho ade a ɛyɛ yɛn sɛ enni nidi koraa no, ɛno na yɛhyehyɛ di no ni bebrebe, na nea ɛnyɛ fɛ wɔ yɛn ho no nya ahokeka bebrebe; 24efisɛ nea ɛyɛ fɛ wɔ yɛn ho no, enhia no saa. Na Onyankopɔn de nipadua no atoatoa mu, na akwaa a wommu no no, wama no nidi bebrebe, 25na mpaepaemu amma nipadua mu, na mmom akwaa no adwennwen ade koro ama wɔn ho wɔn ho. 26Na sɛ kwaa biako hu amane a, akwaa nyinaa hu bi; sɛ nso wɔhyɛ akwaa biako anuonyam a, akwaa no nyinaa ne no bom di saa anigye no.
27 #
Rom 12.5; Efe 5.30 Na mo nso moyɛ Kristo nipadua ne akwaa mmiako mmiako. 28#Efe 4.11-12 Na Onyankopɔn de ebinom asi asafo no mu sɛ asomafo kan, nea ɛto so abien, adiyifo, nea ɛto so abiɛsa, akyerɛkyerɛfo, bio nso tumide, ne ayaresa adom akyɛde, aboafo, mpanyin nnwuma, kasa ahorow. 29Wɔn nyinaa yɛ asomafo? Wɔn nyinaa yɛ adiyifo? Wɔn nyinaa yɛ akyerɛkyerɛfo? Wɔn nyinaa wɔ tumide? 30Wɔn nyinaa wɔ ayaresa adom akyɛde? Wɔn nyinaa kasa kasa ahorow? Wɔn nyinaa kyerɛ kasa ase? 31#1 Ko 14.1 Na mommɔ adom akyɛde titiriw no ho mmɔden, na mɛkyerɛ mo ɔkwan a eye sen biribiara.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Revised Akuapem Twi DC Bible © Bible Society of Ghana, 2017.