1 Ko INTRODIKSION
INTRODIKSION
Pol ekrir sa premie let la pou legliz dan Korint pou tret bann problem dan lavi Kretien ek dan lafwa Kretien. Sa bann problem la ti leve dan legliz ki Pol limem ti etablir dan Korint. Sa lepok la Korint ti enn gran site kot ti ena dimoun tou sort kalite nasionalite. Li ti kapital distrik Akai ki ti anba Romin. Li ti enn site ki ti renome pou so bann komers ki ti pe bien prospere, fierte so kiltir, limoralite ki ti partou, ek so varyete larelizion.
Apot Pol ti bien konserne par sertin problem, kouma divizion ek imoralite dan legliz, bann kestion lor sex ek maryaz, bann kestion lor konsians, lord dan legliz, bann don Lespri Sin, ek larezireksion. Avek boukou lintelizans ek sazes Pol ti montre kouma Bonn Nouvel reponn sa bann kestion la.
Sapit 13 prezant lamour kouma don ki pli meyer ki Bondie donn so pep. San dout samem sapit ki pli popiler dan sa let la.
Plan sa let la
Introdiksion 1:1-9
Divizion dan legliz 1:10-4:21
Moralite sexiel ek lavi lafami 5:1-7:40
Kretien ek payin 8:1-11.1
Lavi legliz ek adorasion Bondie 11:2-14:40 rezireksion Zezi ek rezireksion krwayan 15:1-58
Lofrand pou bann Kretien dan Zide 16:1-4
Size personel ek konklizion 16:5-24
Currently Selected:
1 Ko INTRODIKSION: NTKM2009
Highlight
Share
Copy
Want to have your highlights saved across all your devices? Sign up or sign in
Mauritian Kreol New Testament © Bible Society of Mauritius, 2009.