Mark 1
1
1Ipakilya si ntyangô mbya yi Yesu‐Krist, y’Ômwaṉa w’Anyambyè.
2Ga nt’ar’igamba nyi re tèndô pa gw’ezangô zi Yezaya, y’ôvogisi inè: Vôna, mi tôm̃’igende nyam̃ gô bôsô yo, nyi be kekize mpoṉo yo; 3inyôy ny’ôma ntôngaga gw’itôve inè: Gekizaṉi mpoṉo ya Rerè, vangaṉ’impoṉo sè gôre. 4N’aṽyeṉi Yôan mbatizaga gw’itôve, ni nkambiṉage ibatiza s’iniga si nkôndi, gw’inyeza s’ibe. 5Ntye yôdu yi Yuda, n’alwaṉi waôdu wi Yerusalèm w’agèndi gôre yè, mèmag’ibe saô; n’aṽatizyô waô ne yè g’ôrèmbo wi Yoridan.
6Yôan avegagi boryô pa n’ingoy s’im̃ya y’inyam̃a, n’ôtumba w’ebanda g’ôni wè; n’anyeṉagi yè isakampazô n’ôṉèmbè w’iga. 7Agambiṉagi yè, awulya inè: E by’ôma gô nyum̃i yam̃, ôm’ômpôlô vyagaṉô na myè, are myè ze n’inyanga, n’idèmbya, nyi puruṉ’igoli y’intyôzô sè s’atanga. 8Myè, my’aṽatizi ṉwè n’aṉingô; ndô ayè e be batiza ṉwè n’Iṉiṉ’Ivya.
9Gw’egômbe mèzoṉo Yesu aṽyeṉi avila gô Nazarèt yi Galile, n’aṽatizyô yè ne Yôan gô Yoridan. 10Gw’aralwi yè avila gw’aṉingô, ayeṉi ôrôṽa nungwa pa, n’Iṉiṉa nyi sum̃iṉa gôre yè egolaṉi g’ibembe. 11N’ayogaṉô inyôy avila g’ôrôṽa inè: Awè n’Ômwaṉi wam̃ wi tondô myè, mi jeṉe mbya gôre wè.
12N’agèndizô Yesu ne Iṉiṉa pelè gw’itôve; n’alwaṉi yè gw’itôve agôm̃i m’intyugu anay, nsoryôgô ne Satan. 13N’alwaṉi yè n’inyam̃a s’iga, n’iyenjèl s’ayanjiṉi yè.
14Yôan fwelô pa gô ntyôgô, agèndi Yesu gô Galile, nkambiṉage ntyangô mbya y’iṉongo ny’Anyambyè, 15awulya inè: Egômbe z’asiṽi, n’iṉongo ny’Anyambyè ny’atweṉi pyèrè. Ṉigaṉi nkôndi, ko bekelyaṉi ntyangô mbya.
16Gw’avyagaṉi yè g’ôzègè w’eliṽa zi Galile, ayeṉi yè Simôn n’Andru, ya mwô’ngwè wi Simôn, wi pung’elôṽa gw’eliṽa, konde w’avegagi aṽeṉa w’intyuè. 17N’awulinyô waô ne Yesu inè: Zôngaṉi myè, ko mi panga ṉwè ilurisi y’anaga. 18N’arigi waô lôṽi yaô pelè, azôngè. 19Ayè kènda pe ntyanjô kwè gô bôsô, ayeṉi yè Yakobu, y’ômwaṉa wi Zebeday, ni Yôan, ya mwô’ngi yè, w’avegagi kè gw’elende nsôngage lôṽa. 20N’azunge fweyi yè waô; n’arigi waô reri yaô Zebeday gw’elende ayè n’aṉagi wè, azôngè.
21Ayingiṉi waô gô Kapèrnaum. Na gô ntyugu yi soṉo ayingiṉi Yesu pelè gô nagô yi soṉo, aṉènja. 22Am̃ami waô inènji sè, konde aṉènjagi waô g’ôma w’inyanga, n’aranga g’irèndisi.
23Avegagi gô nagô yaô yi soṉo ôm’avegagi n’iṉiṉa ny’ isèkè, n’arôngi yè inè: 24Ezom̃a nde zi re zwè na wè, Yesu yi Nazarèt? W’abya vèṉo gô jiliza zwè? My’avôrô wè: Ôma w’ôrunda w’Anyambyè. 25N’azèmbyô nyô ne Yesu, awulya inè: Lwaṉa dodo, ko kogwa avila gôr’ôma wiṉo. 26N’azunj’iṉiṉa ny’isèkè ôma mè, n’arôngi nyô n’ inyôy ivôlô agogwa avila gôre yè. 27Am̃ami waôdu, ko waô bambyaṉa inè: Ôsam̃u nde wiṉo? Siṉo inènj’ijoṉa! E sômbya n’inyanga, vangaṉe aṉiṉa m’isèkè, ko mô jogiṉô yè! 28N’azunge kèndi elum̃i zè gô ntye yi Galile yôdu vingôvingô.
29Gw’agogwi waô avila gô nagô yi soṉo, waô ni Yakobu ni Yôan w’ayingiṉi pelè gô nagô yi Simôn n’Andru. 30Ngwè y’ômwantô wi Simôn avegagi bi n’ijôrô; n’azunge bulinyi waô Yesu g’ômwanji wè. 31N’aṽyeṉi yè, agôtè g’ôgo, aṉongunyè, n’alubw’ijôrô pelè avila gôre yè. N’ayanjiṉi yè waô.
32Nkôlô, gw’avôswi nkômbe, w’aṽagi gôre Yesu waôdu w’avegagi n’inkaṉi na waô w’avegagi n’aṉiṉ’ambe. 33N’alataṉi nkala yôdu ta g’ômpômbala. 34N’ayingi yè aṉag’awenge w’avegagi n’aṉongo m’inkaṉi am̃enge; n’arômbi yè kè aṉiṉ’ambe am̃enge, ndô e pa jivir aṉiṉ’ambe gô kamba, konde m’amyeṉi yè.
35Ibanga, ntye yi p’are mpiri, aṉongwi yè, agogwa, agènda gô mbôra yi ntyorya gô kambiṉa. 36N’azôngyô yè ne Simôn na waô w’avegagi na yè; 37na gw’alèngi waô yè, w’awulinyi yè inè: Aṉaga waôdu wi buto. 38Awulinyô waô ne Yesu inè: Ôvirôṉi gw’inkal’im̃ori, ko mi kambiṉa gôgô kè; konde my’aṽyeṉi gô ntiṉa mè. 39N’agèndi yè gô kambiṉa gw’inagô saô si soṉo, gô Galile yôdu, n’arômbi yè aṉiṉ’ambe.
40Aṽyeṉi gôre yè ôma w’avegagi ni nkaṉi ya gelô, alôṽ’akotolo, agwenè inkolo inè: J’aw’ajivira, awè ko jinga myè. 41N’avôgiṉô yè ne Yesu, anyonyuṉi yè ôgo, awatè, awulya inè: My’ajiviri, rôla. 42N’alubwi nkaṉi ya gelô pelè avila gôre yè, n’arôli yè. 43N’awiṉizô yè ne Yesu pelè, azômbyè pôlô, awulinyè inè: 44Vôna, awuliny’ôm’edu igamba; ndô gènda gô tum̃iny’ôkuṽi wo gôre miṉisè, ava gw’itôli so yom̃a y’azômbyô ne Môsès, gô myeza waô. 45Ndô ôma mè agèndi, aṽakilya gô kamba pôlô, amyez’igamba; yeṉo Yesu e re tô jolye gô jingiṉa gô nkala gô bwe. Ndô avegagi gw’igala, gw’imbôra s’itôve; n’aṽyeṉagi aṉaga gôre yè avila gô nkôṽy’edu.
Currently Selected:
Mark 1: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Mark 1
1
1Ipakilya si ntyangô mbya yi Yesu‐Krist, y’Ômwaṉa w’Anyambyè.
2Ga nt’ar’igamba nyi re tèndô pa gw’ezangô zi Yezaya, y’ôvogisi inè: Vôna, mi tôm̃’igende nyam̃ gô bôsô yo, nyi be kekize mpoṉo yo; 3inyôy ny’ôma ntôngaga gw’itôve inè: Gekizaṉi mpoṉo ya Rerè, vangaṉ’impoṉo sè gôre. 4N’aṽyeṉi Yôan mbatizaga gw’itôve, ni nkambiṉage ibatiza s’iniga si nkôndi, gw’inyeza s’ibe. 5Ntye yôdu yi Yuda, n’alwaṉi waôdu wi Yerusalèm w’agèndi gôre yè, mèmag’ibe saô; n’aṽatizyô waô ne yè g’ôrèmbo wi Yoridan.
6Yôan avegagi boryô pa n’ingoy s’im̃ya y’inyam̃a, n’ôtumba w’ebanda g’ôni wè; n’anyeṉagi yè isakampazô n’ôṉèmbè w’iga. 7Agambiṉagi yè, awulya inè: E by’ôma gô nyum̃i yam̃, ôm’ômpôlô vyagaṉô na myè, are myè ze n’inyanga, n’idèmbya, nyi puruṉ’igoli y’intyôzô sè s’atanga. 8Myè, my’aṽatizi ṉwè n’aṉingô; ndô ayè e be batiza ṉwè n’Iṉiṉ’Ivya.
9Gw’egômbe mèzoṉo Yesu aṽyeṉi avila gô Nazarèt yi Galile, n’aṽatizyô yè ne Yôan gô Yoridan. 10Gw’aralwi yè avila gw’aṉingô, ayeṉi ôrôṽa nungwa pa, n’Iṉiṉa nyi sum̃iṉa gôre yè egolaṉi g’ibembe. 11N’ayogaṉô inyôy avila g’ôrôṽa inè: Awè n’Ômwaṉi wam̃ wi tondô myè, mi jeṉe mbya gôre wè.
12N’agèndizô Yesu ne Iṉiṉa pelè gw’itôve; n’alwaṉi yè gw’itôve agôm̃i m’intyugu anay, nsoryôgô ne Satan. 13N’alwaṉi yè n’inyam̃a s’iga, n’iyenjèl s’ayanjiṉi yè.
14Yôan fwelô pa gô ntyôgô, agèndi Yesu gô Galile, nkambiṉage ntyangô mbya y’iṉongo ny’Anyambyè, 15awulya inè: Egômbe z’asiṽi, n’iṉongo ny’Anyambyè ny’atweṉi pyèrè. Ṉigaṉi nkôndi, ko bekelyaṉi ntyangô mbya.
16Gw’avyagaṉi yè g’ôzègè w’eliṽa zi Galile, ayeṉi yè Simôn n’Andru, ya mwô’ngwè wi Simôn, wi pung’elôṽa gw’eliṽa, konde w’avegagi aṽeṉa w’intyuè. 17N’awulinyô waô ne Yesu inè: Zôngaṉi myè, ko mi panga ṉwè ilurisi y’anaga. 18N’arigi waô lôṽi yaô pelè, azôngè. 19Ayè kènda pe ntyanjô kwè gô bôsô, ayeṉi yè Yakobu, y’ômwaṉa wi Zebeday, ni Yôan, ya mwô’ngi yè, w’avegagi kè gw’elende nsôngage lôṽa. 20N’azunge fweyi yè waô; n’arigi waô reri yaô Zebeday gw’elende ayè n’aṉagi wè, azôngè.
21Ayingiṉi waô gô Kapèrnaum. Na gô ntyugu yi soṉo ayingiṉi Yesu pelè gô nagô yi soṉo, aṉènja. 22Am̃ami waô inènji sè, konde aṉènjagi waô g’ôma w’inyanga, n’aranga g’irèndisi.
23Avegagi gô nagô yaô yi soṉo ôm’avegagi n’iṉiṉa ny’ isèkè, n’arôngi yè inè: 24Ezom̃a nde zi re zwè na wè, Yesu yi Nazarèt? W’abya vèṉo gô jiliza zwè? My’avôrô wè: Ôma w’ôrunda w’Anyambyè. 25N’azèmbyô nyô ne Yesu, awulya inè: Lwaṉa dodo, ko kogwa avila gôr’ôma wiṉo. 26N’azunj’iṉiṉa ny’isèkè ôma mè, n’arôngi nyô n’ inyôy ivôlô agogwa avila gôre yè. 27Am̃ami waôdu, ko waô bambyaṉa inè: Ôsam̃u nde wiṉo? Siṉo inènj’ijoṉa! E sômbya n’inyanga, vangaṉe aṉiṉa m’isèkè, ko mô jogiṉô yè! 28N’azunge kèndi elum̃i zè gô ntye yi Galile yôdu vingôvingô.
29Gw’agogwi waô avila gô nagô yi soṉo, waô ni Yakobu ni Yôan w’ayingiṉi pelè gô nagô yi Simôn n’Andru. 30Ngwè y’ômwantô wi Simôn avegagi bi n’ijôrô; n’azunge bulinyi waô Yesu g’ômwanji wè. 31N’aṽyeṉi yè, agôtè g’ôgo, aṉongunyè, n’alubw’ijôrô pelè avila gôre yè. N’ayanjiṉi yè waô.
32Nkôlô, gw’avôswi nkômbe, w’aṽagi gôre Yesu waôdu w’avegagi n’inkaṉi na waô w’avegagi n’aṉiṉ’ambe. 33N’alataṉi nkala yôdu ta g’ômpômbala. 34N’ayingi yè aṉag’awenge w’avegagi n’aṉongo m’inkaṉi am̃enge; n’arômbi yè kè aṉiṉ’ambe am̃enge, ndô e pa jivir aṉiṉ’ambe gô kamba, konde m’amyeṉi yè.
35Ibanga, ntye yi p’are mpiri, aṉongwi yè, agogwa, agènda gô mbôra yi ntyorya gô kambiṉa. 36N’azôngyô yè ne Simôn na waô w’avegagi na yè; 37na gw’alèngi waô yè, w’awulinyi yè inè: Aṉaga waôdu wi buto. 38Awulinyô waô ne Yesu inè: Ôvirôṉi gw’inkal’im̃ori, ko mi kambiṉa gôgô kè; konde my’aṽyeṉi gô ntiṉa mè. 39N’agèndi yè gô kambiṉa gw’inagô saô si soṉo, gô Galile yôdu, n’arômbi yè aṉiṉ’ambe.
40Aṽyeṉi gôre yè ôma w’avegagi ni nkaṉi ya gelô, alôṽ’akotolo, agwenè inkolo inè: J’aw’ajivira, awè ko jinga myè. 41N’avôgiṉô yè ne Yesu, anyonyuṉi yè ôgo, awatè, awulya inè: My’ajiviri, rôla. 42N’alubwi nkaṉi ya gelô pelè avila gôre yè, n’arôli yè. 43N’awiṉizô yè ne Yesu pelè, azômbyè pôlô, awulinyè inè: 44Vôna, awuliny’ôm’edu igamba; ndô gènda gô tum̃iny’ôkuṽi wo gôre miṉisè, ava gw’itôli so yom̃a y’azômbyô ne Môsès, gô myeza waô. 45Ndô ôma mè agèndi, aṽakilya gô kamba pôlô, amyez’igamba; yeṉo Yesu e re tô jolye gô jingiṉa gô nkala gô bwe. Ndô avegagi gw’igala, gw’imbôra s’itôve; n’aṽyeṉagi aṉaga gôre yè avila gô nkôṽy’edu.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.