Matay 27
27
1Gw’ayenj’ôwenja, imiṉisè impôlô sôdu n’aṉèro w’aṉaga w’am̃og’erungu g’ômwanja wi Yesu, gô jôṉè. 2Waô kôrè pa, w’aviṉi yè aṉozè gôre Pontu Pilatu, yi guvèrnèr.
3Vovo Yudas, y’agôtizi yè, gw’ayeṉi yè inè, apenyô ôgara, aṉigi nkôndi, awiṉiz’ agôm̃i m’idolè s’imyanga ararô gôr’imiṉisè impôlô na gôr’ aṉèro, awulya inè: 4My’ayanji mbe gô kôtize ntyiṉa yi r’ôgara fo. Awiṉizi waô inè: Mèzo ande gôre zwè? Mèyo ndagi yomè. 5N’awali Yudas idolè s’imyanga gô nagô y’Anyambyè, agogwa, n’agèndi yè gô bany’ôkuṽi wèmè gw’igôṉô. 6N’imiṉisè impôlô s’awong’idolè mè, awulya inè: E zele kwèkwè gô fwela sô gw’egara z’ôrunda, konde sô ne igôlô nyi ntyiṉa. 7Waô bônda pe môndo, w’agôl’idolè mè ni mbôra y’ôma w’avangi vagô y’ambôṉô, ko yô dwaṉ’ ibenga gôr’agènda. 8Yeṉo mbôra mè aweyô inè, mbôra yi ntyiṉa, kwanga na ṉèṉo wiṉo. 9Vovo arweṉ’igamba nyi Yeremya y’ôvogisi nyi bulya inè: W’awongi agôm̃i m’idolè s’imyanga ararô, igôlô ny’ôma w’avikilyô igôlô, avikilyô ne awaṉa w’Israèl; 10ko waô pa sô gô kôle mbôra y’ôma wi pange vagô y’ambôṉô, ga nt’azômbyô myè ne Rerè.
11Agum̃aṉi Yesu gôre g’ôzô wi guvèrnèr, n’aṽambyô yè ne guvèrnèr inè: Awè n’ôga w’Iju? N’awiṉizô yè ne Yesu inè: Èñ, nte bulyo. 12Ndô e pa fwiṉiz’igamba gw’azozizyô yè ne imiṉisè impôlô n’aṉèro. 13Vovo awulinyô yè ne Pilatu inè: Ô pa jogw’isam̃u imyenge yi soziza waô wè? 14Ndô Yesu e pa fwiṉize yè igamba; yeṉo am̃ami guvèrnèr pôlô.
15Gô fèty’edu, guvèrnèr avegagi ni ntyale gô tigiṉa waô ôkôt’ôm̃ori dyè, w’aṽambyô n’aṉaga. 16N’egômbe mè w’avegagi n’ôkôte w’elum̃i, ini nyè ne Barabas. 17Gw’avegagi waô dataṉa pa, Pilatu awulinyi waô inè: Aṉwè bela myè tigiṉa ṉwè mande dyè? Barabas mbè Yesu e fweyô inè, Krist? 18Konde aliwô myeṉi nè, w’agôtizi Yesu ni ñandi. 19Gw’avegagi yè baru gw’eka z’ijèkèlya, ômwantô wè amyezi yè inè: Alwaṉa ni ndaga n’ôma w’ôgôre mèwoṉo, konde ṉèṉo wiṉo my’ajeṉe njuke mpôlô gô nyinô g’ômwanji wè. 20Ndô imiṉisè impôlô n’aṉèro w’azoryi aṉaga gô bambye Barabas, ayôṉize Yesu. 21Awiṉizi guvèrnèr, awulinya waô inè: Gôre waô aṽaṉi aṉwè bela myè tigiṉa ṉwè mande dyè? Awulyi waô inè: Barabas. 22Awulinyô waô ne Pilatu inè: Sambô, mi be dendiṉe Yesu, e fweyô inè, Krist, ande? Awiṉizi waôdu inè: E ga ṽanyô gô krosi? 23N’awulyi guvèrnèr inè: Ndô mbe nde yi re yè denda pa? N’arô tôngi waô vyagaṉô inè: E ga ṽanyô gô krosi! 24Gw’ayeṉi Pilatu inè, e pa dende mpongo, ndô e tô pendiz’edungu, awong’aṉingô ayôvuṉ’ago mè gw’azô m’aṉaga, awulya inè: My’ar’ôgara fo avila gô ntyiṉa y’ôma w’ôgôre wiṉo. Gèlagèlaṉi ndaga aṉwèmè. 25N’awiṉizi aṉaga waôdu, awulya inè: Ntyiṉi yè yi ga lwaṉe gôre zwè na gôr’awaṉi wazô!
26Vovo Pilatu arigaṉi waô Barabas dyè; n’ayè siṽa pe Yesu, aveṉi yè gô banyô gô krosi.
27Vovo isozè si guvèrnèr s’agèndizi Yesu gô ñanja, n’alatizi waô isozè sôdu ta gôre yè. 28N’azoduṉi waô ingoy sè, aworizè ôrôgôsambala wa teṉateṉa. 29N’aṉôgi waô kôrôṽa y’arèndè, awela yô gw’ewônjô zè, n’agôtizi waô yè ntôngô yi nkuṉe g’ôgo wè ôṉôm̃yè; n’alôṽi waô akotolo g’ôzô wè, azèlyè, awulya inè: Mbôlô, ôga w’Iju! 30N’arônyi waô yè igwaṉa, awonge ntôngô yi nkuṉe, awôlè gw’ ewônjô. 31Na waô sèlyè pa, w’azoduṉi ôrôgôsambala, aworizè ingoy sèmè, n’agèndizi waô yè gô banyô gô krosi.
32Gw’agogwi waô, w’alataṉi n’ôṉôm̃e wi Kirèni, ini nyè ne Simôn, n’aṽangatyi waô yè gô kumbe krosi yi Yesu. 33Gw’aṽyeṉi waô gô mbôra yi fweyô inè, Golgôta, nyi pivya nè, mbôra yi nkèli, 34w’ayonji yè ivè bunduṉô pa ni yom̃a yi nôṉe; ndô gw’alembi yè nyô, e re jivire gô jonga.
35Waô banyè pa gô krosi, w’avungi ezôga gô ker’ ingoy sè, ko igamba ny’ôvogisi twa rèti nyi bulya inè: W’ager’ingoy sam̃, avung’ezôga g’ômwanja wi kôtô yam̃. 36N’alwaṉi waô baru, avônègè vovo.
37Gô teve ntiṉa y’ôgari wè, w’arèndi gw’igôṉô ny’ ewônjô zè, inè: Wiṉo ne Yesu, y’ôga w’Iju.
38Aṽanyô kè na yè gô krosi kuya ṽaṉi, em̃ori g’ôgo wè ôṉôm̃yè, n’em̃ori g’ôgo wè ônyantwè.
39Na waô w’avyagaṉagi w’aroṽi yè, awizawize wônjô yaô, awulya inè: 40Awè yi saze nagô y’Anyambyè, arô nôga yô ni ntyugu ntyarô, zungiṉ’ôkuṽi wom̃è! J’awè Ômwaṉa w’Anyambyè, zum̃iṉa avila gô krosi! 41Imiṉisè impôlô, n’irèndisi n’aṉèro w’azèlyi yè kè, awulya inè: 42Azungiṉ’aṉag’am̃ori, ayolye sungiṉ’ôkuṽi wèmè! J’ayè n’ôga w’Israèl, e ga zum̃iṉe avila gô krosi, gambèṉè azwè be bekelyè. 43Aṽekelyi Anyambyè, sambô Anyambyè e ga zungiṉe yè, j’atondè. Konde awulyi nè: Myè ’mwaṉa w’Anyambyè. 44Kuya kè y’aṽanyô na yè gô krosi, y’aroṽi yè kè egolaṉi mèmô.
45Arweṉi mpiri gô ntye yôdu avila gw’igwèra ny’ ôrôṽa kwanga gw’igwèra ny’eṉôgôm̃i. 46Na gw’igwèra ny’eṉôgôm̃i arôngi Yesu n’inyôy ivôlô inè: Eli, Eli, lama sabaktaṉi? mi pivya inè: Anyambyè yam̃, Anyambyè yam̃, ntiṉa nde yi re wè fala pa myè? 47Awèwo gôre waô w’avegagi vovo gôre, gw’ayogyô waô, w’awulyi nè: Ôma wiṉo e fwey’Eliya. 48N’ôm̃ori gôre waô azunge pali mangô, awong’eponzi, ayônya yô ni vinègre, awela yô gô ntôngô, ayonjè. 49Ndô am̃ori w’awulyi nè: Riga, azwè ga yeṉeṉi twa pa Eliya e be bya gô sungiṉè.
50N’arô tôngi Yesu n’inyôy ivôlô, n’azuli yè ômwèy.
51Na vôna, ôṉamba w’avegagi diviṉô pa gô mbôra y’ôrund’ômpôlômè, w’ayarwi mbèy mbaṉi avila gw’igôṉô kwanga gô ntye, n’azugyazugyi ntye, n’adô m’ayarwayarwi, 52n’aṉungw’irôngiṉô, n’ikuṽ’imyenge y’aṉag’aṽya w’avegagi juwa pa y’arôngwi. 53W’agogwi avila gw’irôngiṉô, Yesu tôngwa pa, ayingiṉa gô nkala y’ôrunda, awôm̃unya gôr’ awenge.
54N’ôma w’avegagi gw’ewônjô z’isozè, na waô w’avegagi na yè gô bèmbe Yesu, gw’ayeṉi waô isugyazugya si ntye n’isam̃u y’arweṉi, w’aryeṉi pôlô, awulya inè: Giligili, wiṉo Ômwaṉa w’Anyambyè.
55Vovo avegagi antô awenge mpônaga davadavye, w’azôngi Yesu avila gô Galile, gô janjiṉè. 56Gôre waô avegagi wa Marya yi Magdala, na wa Marya, yi ngwè yi Yakobu ni Yôsès, ni ngwè y’awaṉa wi Zebeday.
57Nkôlô aṽyeṉ’eṉam̃i z’ôma w’Arimate, ini nyè ne Yôsèf; ayèmè kè avegagi ôṉèngi wi Yesu. 58N’ayingiṉi yè gôre Pilatu, aṽamby’ôkuṽa wi Yesu. N’azômbyi Pilatu inè, wi ga vô yè. 59N’awongi Yôsèf ebende, avinga zô n’ivèla nya pupu, 60alimbiṉa zô g’ôrôngiṉô wèmè ômwoṉa w’arôkyô yè gw’idô. N’agaṽalyi yè idw’ivôlô g’ômpômbala w’ôrôngiṉô, n’agèndi yè. 61Marya yi Magdala, ni Marya mori w’avegagi vovo dwaṉa pa baru swaswo n’ôrôngiṉô.
62Bunya, ntyugu y’ikekiza vyagaṉô, alataṉ’imiṉisè impôlô n’ ifarisi gôre Pilatu, awulya inè: 63Rera, azw’ajônginyi nè, ôremisi wiṉo gw’avegagi yè bo awulyi nè, ntyugu ntyarô vyagaṉô, mi be tôngwa. 64Sambô zômbya inè, ôrôngiṉô wi ga venjavenjô kwanga gô ntyugu yi ntyarô, ko iṉèngi yè y’aṽya gô juf’ebende, awuliny’aṉaga inè: Atôngwi avila gw’ijuwa. Ifwem̃’iṉum̃uṉa siṉo sô ko dwaṉ’ibe vyagaṉô n’ idônga. 65Pilatu awulinyi waô inè: Aṉw’are n’iṽèmbisi; gèndaṉi, ko bèmbaṉi wô, ga nte bela ṉwè. 66N’agèndi waô, ayoliz’ôrôngiṉô, aziny’ elingilyô gw’ idô, alôṽy’ aṉaga gô bèmba.
Currently Selected:
Matay 27: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 27
27
1Gw’ayenj’ôwenja, imiṉisè impôlô sôdu n’aṉèro w’aṉaga w’am̃og’erungu g’ômwanja wi Yesu, gô jôṉè. 2Waô kôrè pa, w’aviṉi yè aṉozè gôre Pontu Pilatu, yi guvèrnèr.
3Vovo Yudas, y’agôtizi yè, gw’ayeṉi yè inè, apenyô ôgara, aṉigi nkôndi, awiṉiz’ agôm̃i m’idolè s’imyanga ararô gôr’imiṉisè impôlô na gôr’ aṉèro, awulya inè: 4My’ayanji mbe gô kôtize ntyiṉa yi r’ôgara fo. Awiṉizi waô inè: Mèzo ande gôre zwè? Mèyo ndagi yomè. 5N’awali Yudas idolè s’imyanga gô nagô y’Anyambyè, agogwa, n’agèndi yè gô bany’ôkuṽi wèmè gw’igôṉô. 6N’imiṉisè impôlô s’awong’idolè mè, awulya inè: E zele kwèkwè gô fwela sô gw’egara z’ôrunda, konde sô ne igôlô nyi ntyiṉa. 7Waô bônda pe môndo, w’agôl’idolè mè ni mbôra y’ôma w’avangi vagô y’ambôṉô, ko yô dwaṉ’ ibenga gôr’agènda. 8Yeṉo mbôra mè aweyô inè, mbôra yi ntyiṉa, kwanga na ṉèṉo wiṉo. 9Vovo arweṉ’igamba nyi Yeremya y’ôvogisi nyi bulya inè: W’awongi agôm̃i m’idolè s’imyanga ararô, igôlô ny’ôma w’avikilyô igôlô, avikilyô ne awaṉa w’Israèl; 10ko waô pa sô gô kôle mbôra y’ôma wi pange vagô y’ambôṉô, ga nt’azômbyô myè ne Rerè.
11Agum̃aṉi Yesu gôre g’ôzô wi guvèrnèr, n’aṽambyô yè ne guvèrnèr inè: Awè n’ôga w’Iju? N’awiṉizô yè ne Yesu inè: Èñ, nte bulyo. 12Ndô e pa fwiṉiz’igamba gw’azozizyô yè ne imiṉisè impôlô n’aṉèro. 13Vovo awulinyô yè ne Pilatu inè: Ô pa jogw’isam̃u imyenge yi soziza waô wè? 14Ndô Yesu e pa fwiṉize yè igamba; yeṉo am̃ami guvèrnèr pôlô.
15Gô fèty’edu, guvèrnèr avegagi ni ntyale gô tigiṉa waô ôkôt’ôm̃ori dyè, w’aṽambyô n’aṉaga. 16N’egômbe mè w’avegagi n’ôkôte w’elum̃i, ini nyè ne Barabas. 17Gw’avegagi waô dataṉa pa, Pilatu awulinyi waô inè: Aṉwè bela myè tigiṉa ṉwè mande dyè? Barabas mbè Yesu e fweyô inè, Krist? 18Konde aliwô myeṉi nè, w’agôtizi Yesu ni ñandi. 19Gw’avegagi yè baru gw’eka z’ijèkèlya, ômwantô wè amyezi yè inè: Alwaṉa ni ndaga n’ôma w’ôgôre mèwoṉo, konde ṉèṉo wiṉo my’ajeṉe njuke mpôlô gô nyinô g’ômwanji wè. 20Ndô imiṉisè impôlô n’aṉèro w’azoryi aṉaga gô bambye Barabas, ayôṉize Yesu. 21Awiṉizi guvèrnèr, awulinya waô inè: Gôre waô aṽaṉi aṉwè bela myè tigiṉa ṉwè mande dyè? Awulyi waô inè: Barabas. 22Awulinyô waô ne Pilatu inè: Sambô, mi be dendiṉe Yesu, e fweyô inè, Krist, ande? Awiṉizi waôdu inè: E ga ṽanyô gô krosi? 23N’awulyi guvèrnèr inè: Ndô mbe nde yi re yè denda pa? N’arô tôngi waô vyagaṉô inè: E ga ṽanyô gô krosi! 24Gw’ayeṉi Pilatu inè, e pa dende mpongo, ndô e tô pendiz’edungu, awong’aṉingô ayôvuṉ’ago mè gw’azô m’aṉaga, awulya inè: My’ar’ôgara fo avila gô ntyiṉa y’ôma w’ôgôre wiṉo. Gèlagèlaṉi ndaga aṉwèmè. 25N’awiṉizi aṉaga waôdu, awulya inè: Ntyiṉi yè yi ga lwaṉe gôre zwè na gôr’awaṉi wazô!
26Vovo Pilatu arigaṉi waô Barabas dyè; n’ayè siṽa pe Yesu, aveṉi yè gô banyô gô krosi.
27Vovo isozè si guvèrnèr s’agèndizi Yesu gô ñanja, n’alatizi waô isozè sôdu ta gôre yè. 28N’azoduṉi waô ingoy sè, aworizè ôrôgôsambala wa teṉateṉa. 29N’aṉôgi waô kôrôṽa y’arèndè, awela yô gw’ewônjô zè, n’agôtizi waô yè ntôngô yi nkuṉe g’ôgo wè ôṉôm̃yè; n’alôṽi waô akotolo g’ôzô wè, azèlyè, awulya inè: Mbôlô, ôga w’Iju! 30N’arônyi waô yè igwaṉa, awonge ntôngô yi nkuṉe, awôlè gw’ ewônjô. 31Na waô sèlyè pa, w’azoduṉi ôrôgôsambala, aworizè ingoy sèmè, n’agèndizi waô yè gô banyô gô krosi.
32Gw’agogwi waô, w’alataṉi n’ôṉôm̃e wi Kirèni, ini nyè ne Simôn, n’aṽangatyi waô yè gô kumbe krosi yi Yesu. 33Gw’aṽyeṉi waô gô mbôra yi fweyô inè, Golgôta, nyi pivya nè, mbôra yi nkèli, 34w’ayonji yè ivè bunduṉô pa ni yom̃a yi nôṉe; ndô gw’alembi yè nyô, e re jivire gô jonga.
35Waô banyè pa gô krosi, w’avungi ezôga gô ker’ ingoy sè, ko igamba ny’ôvogisi twa rèti nyi bulya inè: W’ager’ingoy sam̃, avung’ezôga g’ômwanja wi kôtô yam̃. 36N’alwaṉi waô baru, avônègè vovo.
37Gô teve ntiṉa y’ôgari wè, w’arèndi gw’igôṉô ny’ ewônjô zè, inè: Wiṉo ne Yesu, y’ôga w’Iju.
38Aṽanyô kè na yè gô krosi kuya ṽaṉi, em̃ori g’ôgo wè ôṉôm̃yè, n’em̃ori g’ôgo wè ônyantwè.
39Na waô w’avyagaṉagi w’aroṽi yè, awizawize wônjô yaô, awulya inè: 40Awè yi saze nagô y’Anyambyè, arô nôga yô ni ntyugu ntyarô, zungiṉ’ôkuṽi wom̃è! J’awè Ômwaṉa w’Anyambyè, zum̃iṉa avila gô krosi! 41Imiṉisè impôlô, n’irèndisi n’aṉèro w’azèlyi yè kè, awulya inè: 42Azungiṉ’aṉag’am̃ori, ayolye sungiṉ’ôkuṽi wèmè! J’ayè n’ôga w’Israèl, e ga zum̃iṉe avila gô krosi, gambèṉè azwè be bekelyè. 43Aṽekelyi Anyambyè, sambô Anyambyè e ga zungiṉe yè, j’atondè. Konde awulyi nè: Myè ’mwaṉa w’Anyambyè. 44Kuya kè y’aṽanyô na yè gô krosi, y’aroṽi yè kè egolaṉi mèmô.
45Arweṉi mpiri gô ntye yôdu avila gw’igwèra ny’ ôrôṽa kwanga gw’igwèra ny’eṉôgôm̃i. 46Na gw’igwèra ny’eṉôgôm̃i arôngi Yesu n’inyôy ivôlô inè: Eli, Eli, lama sabaktaṉi? mi pivya inè: Anyambyè yam̃, Anyambyè yam̃, ntiṉa nde yi re wè fala pa myè? 47Awèwo gôre waô w’avegagi vovo gôre, gw’ayogyô waô, w’awulyi nè: Ôma wiṉo e fwey’Eliya. 48N’ôm̃ori gôre waô azunge pali mangô, awong’eponzi, ayônya yô ni vinègre, awela yô gô ntôngô, ayonjè. 49Ndô am̃ori w’awulyi nè: Riga, azwè ga yeṉeṉi twa pa Eliya e be bya gô sungiṉè.
50N’arô tôngi Yesu n’inyôy ivôlô, n’azuli yè ômwèy.
51Na vôna, ôṉamba w’avegagi diviṉô pa gô mbôra y’ôrund’ômpôlômè, w’ayarwi mbèy mbaṉi avila gw’igôṉô kwanga gô ntye, n’azugyazugyi ntye, n’adô m’ayarwayarwi, 52n’aṉungw’irôngiṉô, n’ikuṽ’imyenge y’aṉag’aṽya w’avegagi juwa pa y’arôngwi. 53W’agogwi avila gw’irôngiṉô, Yesu tôngwa pa, ayingiṉa gô nkala y’ôrunda, awôm̃unya gôr’ awenge.
54N’ôma w’avegagi gw’ewônjô z’isozè, na waô w’avegagi na yè gô bèmbe Yesu, gw’ayeṉi waô isugyazugya si ntye n’isam̃u y’arweṉi, w’aryeṉi pôlô, awulya inè: Giligili, wiṉo Ômwaṉa w’Anyambyè.
55Vovo avegagi antô awenge mpônaga davadavye, w’azôngi Yesu avila gô Galile, gô janjiṉè. 56Gôre waô avegagi wa Marya yi Magdala, na wa Marya, yi ngwè yi Yakobu ni Yôsès, ni ngwè y’awaṉa wi Zebeday.
57Nkôlô aṽyeṉ’eṉam̃i z’ôma w’Arimate, ini nyè ne Yôsèf; ayèmè kè avegagi ôṉèngi wi Yesu. 58N’ayingiṉi yè gôre Pilatu, aṽamby’ôkuṽa wi Yesu. N’azômbyi Pilatu inè, wi ga vô yè. 59N’awongi Yôsèf ebende, avinga zô n’ivèla nya pupu, 60alimbiṉa zô g’ôrôngiṉô wèmè ômwoṉa w’arôkyô yè gw’idô. N’agaṽalyi yè idw’ivôlô g’ômpômbala w’ôrôngiṉô, n’agèndi yè. 61Marya yi Magdala, ni Marya mori w’avegagi vovo dwaṉa pa baru swaswo n’ôrôngiṉô.
62Bunya, ntyugu y’ikekiza vyagaṉô, alataṉ’imiṉisè impôlô n’ ifarisi gôre Pilatu, awulya inè: 63Rera, azw’ajônginyi nè, ôremisi wiṉo gw’avegagi yè bo awulyi nè, ntyugu ntyarô vyagaṉô, mi be tôngwa. 64Sambô zômbya inè, ôrôngiṉô wi ga venjavenjô kwanga gô ntyugu yi ntyarô, ko iṉèngi yè y’aṽya gô juf’ebende, awuliny’aṉaga inè: Atôngwi avila gw’ijuwa. Ifwem̃’iṉum̃uṉa siṉo sô ko dwaṉ’ibe vyagaṉô n’ idônga. 65Pilatu awulinyi waô inè: Aṉw’are n’iṽèmbisi; gèndaṉi, ko bèmbaṉi wô, ga nte bela ṉwè. 66N’agèndi waô, ayoliz’ôrôngiṉô, aziny’ elingilyô gw’ idô, alôṽy’ aṉaga gô bèmba.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.