Matay 22
22
1Awiṉizi Yesu arô kamba na waô ni nkôgô, awulya inè:
2Iṉongo ny’ôrôṽa nyi r’egolaṉi g’ôga w’avangaṉi ômwaṉi wè ijômbaṉa. 3N’arôm̃i yè inyôngô sè gô fweye mongi w’aweyô gw’ijômbaṉa, ndô wi pa jivira gô bya. 4N’arô tôm̃i yè inyôngô sinyèṉè, awulya inè: Wulinyaṉi mongi w’aweyô inè: Vônaṉi, my’ akekiz’ôgeṽe wam̃, i nyare sam̃, n’inyam̃i sam̃ impom̃i s’ajônyô, yom̃a yôdu y’akeki, yôgôṉi g’ôgeṽe w’ijômbaṉa. 5Ndô wi re pegege n’isolo vovo, n’agèndi waô, ôm̃ori gô ntyagi yè, n’ôm̃ori g’ôkiti wè; 6n’am̃ori w’agôt’ inyôngô sè, avugiza sô n’ayôṉa sô. 7N’aṽendi ôga mè; n’arôm̃i yè isoze sè, ayiliz’iyôṉisi mèyoṉo, aveze nkali yaô. 8Vovo awulinyi yè inyôngô sè inè: Ijômbaṉa s’akeki, ndô mongi w’aweyô wi re pegege n’inyanga. 9Sambô gèndaṉi gw’am̃èrakaṉo m’impoṉo, ko fweyaṉi waôdu wi be dèngô ṉwè g’ôgeṽe w’ijômbaṉa. 10N’agènd’inyôngô mè gw’impoṉo, alatiza waôdu w’alengyô waô, aṽe n’aṽya, n’ayônyi ñanja y’ijômbaṉa n’aṉaga. 11Ndô gw’ayingiṉi ôga gô pôna waô w’avegagi baru gô tavulu, ayeṉi yè vovo ôma e re pegege bora pe ngoy y’ijômbaṉa. 12N’awulinyè yè inè: Ndeg’wam̃, w’ajingiṉa guṉu ngoy y’ijômbaṉa fo sè? 13N’alwaṉi ôma do. Vovo ôga awuliny’inyôngô inè: Gôraṉi yè agôlô n’ago, ko falaṉi yè gô mpiri ya doṽadoṽa, gôgô be dwaṉ’edingô ni nkègèrè y’anô. 14Konde awenge wi re fweyô pa, ndô awèwo wi re pinjô pa.
15Vovo agènd’ifarisi gô bônde môndo nt’are waô ko kôte Yesu n’agambi mèmè.
16N’arôm̃i waô iṉèngi yaô ni mongi Erod gôre yè, awulya inè: Ôṉènji, azw’avôrô inè, awè ôma wa rèti, na inè, ô nènja kè mpoṉo y’Anyambyè n’ôrèti; ô pa naka kè ôm’edu, konde ô pa pôn’ôzô w’aṉaga. 17Sambô wulinya zwè nte pikilyo: are kwekwè gô pe Sezar mpagô, mbè gô dwaṉ’ava? 18Ndô Yesu amyeṉi avôṉô maô ambe, awulya inè: Ntiṉa nde yi demba ṉwè myè, aṉwè imbyagwaṉa? 19Rum̃inyaṉi myè sika yi pô ṉwè mpagô. N’arum̃inyi waô yè fura. 20N’aṽambyi yè waô inè: Egolaṉi ziṉo n’irèndo yiṉo ya mande? Awiṉizi waô yè inè, yi Sezar. 21Vovo awulinyi yè waô inè: Sambô vaṉi Sezar yom̃a yi Sezar, n’Anyambyè, kè yom̃a y’Anyambyè. 22Na gw’ayogyô waô yeṉo w’am̃ami, n’arigi waô yè, agèndaga.
23Ntyugu mèmô aṽyeṉi gôre yè isadusi wi bulya inè, e zel’itôngwa avila gw’ijuwa, n’aṽambyi waô yè inè: 24Ôṉènji, Môsès awulyi nè: Jog’ôma ajuwa awaṉa fo, mongi yè e ga yige ômwantô wè, ko yè jaṉ’awaṉa gôre mwô’ngi yè. 25Avegagi gôre zwè awôngwè ôrwageṉô. N’ayômbi ôlônga, n’ayuwi yè; na gô re nè e pa tig’awaṉa, arigi yè ômwantô wè gôre mwô’ngi yè. 26Egolaṉi mèmô kè w’aṽaṉi, na w’ararô, kwanga gô w’ôrwageṉô. 27Waôdu juwa pa, gô num̃uṉa ayuwi kè ômwantô. 28Sambô gw’ itôngwa e be dwaṉ’ ômwantô wa mande gôre waô ôrwageṉô? Konde waôdu w’ayômbi yè. 29Awiṉizô waô ne Yesu inè: Aṉwè fwem̃a, konde aṉwè pa kôtiz’irèndo ge ngulu y’Anyambyè. 30Konde gw’itôngwa, aṉôm̃e wi ze jômb’antô, ge antô jômb’aṉôm̃e, ndô wi be dwaṉa g’iyenjèl s’Anyambyè g’ôrôṽa. 31Ndô g’ômwanja w’itôngwa sa mongi wi re juwa pa, aṉwè pa tanguṉa nt’awulinyô ṉwè n’Anyambyè, inè: 32Myè n’Anyambyè y’Abraam, n’Anyambyè y’Izaak, n’Anyambyè yi Yakob? Anyambyè arang’Anyambyè ya mongi wi re juwa pa, ndô ya mongi wi re bo. 33Gw’ayogyô aṉaga w’am̃am’inènja si Yesu.
34Ndô ifarisi gw’ayogyô waô inè, alwaṉiz’isadusi do, w’alataṉi mbôra mô; 35n’ôm̃ori gôre waô, ôṉènji w’ivanga, aṽambyi yè kotè, gô dembè, inè: 36Ôṉènji, ôzômby’ômpôlô w’ivanga ne weṉi? 37N’awiṉizô yè ne Yesu inè: Ronde Rerè, Anyambyè yo, n’ôrèm̃i wo wôdu, n’iṉiṉi nyo nyôdu, n’ipikilyi so sôdu. 38Wiṉo n’ôzômby’ômpôlô n’ôlônga. 39Na wi mbaṉi wi r’egolaṉi ga wô, wi re nè: Rond’ôrangaṉô wo g’ôkuṽi womè. 40Gw’isômbya siṉo ibaṉi, dwaṉ’ivanga nyôdu n’ivogisi kè.
41Gw’avegag’ifarisi dataṉa pa, Yesu aṽambyi waô inè: 42Aṉwè pikilya sè g’ômwanja wi Krist? Ayè ômwaṉa wa mande? Awiṉizi waô yè inè: Wi David. 43N’awulinyô waô ne Yesu inè: Sambô David, vo iṉiṉa, e fweyè inè, Rerè sè, gw’ awulyiyè inè: Rerè awulinyi Reri yam̃ inè: 44Lwaṉa baru g’ôgo wam̃ ôṉôm̃yè, kaô my’apang’ ilôvalôvi yo iyariṉô ny’agôlô mo? 45Sambô ja David afweyè inè, Rerè, gambèṉè ayè ko dwaṉ’ômwaṉi wè sè? 46Ndô e re joly’ôma gô fwiṉizè igamba. N’avila gô ntyugu mèyoṉo, e re pegeg’ôma n’ôrèm̃a nyèṉè gô tô bambyè ikotè.
Currently Selected:
Matay 22: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 22
22
1Awiṉizi Yesu arô kamba na waô ni nkôgô, awulya inè:
2Iṉongo ny’ôrôṽa nyi r’egolaṉi g’ôga w’avangaṉi ômwaṉi wè ijômbaṉa. 3N’arôm̃i yè inyôngô sè gô fweye mongi w’aweyô gw’ijômbaṉa, ndô wi pa jivira gô bya. 4N’arô tôm̃i yè inyôngô sinyèṉè, awulya inè: Wulinyaṉi mongi w’aweyô inè: Vônaṉi, my’ akekiz’ôgeṽe wam̃, i nyare sam̃, n’inyam̃i sam̃ impom̃i s’ajônyô, yom̃a yôdu y’akeki, yôgôṉi g’ôgeṽe w’ijômbaṉa. 5Ndô wi re pegege n’isolo vovo, n’agèndi waô, ôm̃ori gô ntyagi yè, n’ôm̃ori g’ôkiti wè; 6n’am̃ori w’agôt’ inyôngô sè, avugiza sô n’ayôṉa sô. 7N’aṽendi ôga mè; n’arôm̃i yè isoze sè, ayiliz’iyôṉisi mèyoṉo, aveze nkali yaô. 8Vovo awulinyi yè inyôngô sè inè: Ijômbaṉa s’akeki, ndô mongi w’aweyô wi re pegege n’inyanga. 9Sambô gèndaṉi gw’am̃èrakaṉo m’impoṉo, ko fweyaṉi waôdu wi be dèngô ṉwè g’ôgeṽe w’ijômbaṉa. 10N’agènd’inyôngô mè gw’impoṉo, alatiza waôdu w’alengyô waô, aṽe n’aṽya, n’ayônyi ñanja y’ijômbaṉa n’aṉaga. 11Ndô gw’ayingiṉi ôga gô pôna waô w’avegagi baru gô tavulu, ayeṉi yè vovo ôma e re pegege bora pe ngoy y’ijômbaṉa. 12N’awulinyè yè inè: Ndeg’wam̃, w’ajingiṉa guṉu ngoy y’ijômbaṉa fo sè? 13N’alwaṉi ôma do. Vovo ôga awuliny’inyôngô inè: Gôraṉi yè agôlô n’ago, ko falaṉi yè gô mpiri ya doṽadoṽa, gôgô be dwaṉ’edingô ni nkègèrè y’anô. 14Konde awenge wi re fweyô pa, ndô awèwo wi re pinjô pa.
15Vovo agènd’ifarisi gô bônde môndo nt’are waô ko kôte Yesu n’agambi mèmè.
16N’arôm̃i waô iṉèngi yaô ni mongi Erod gôre yè, awulya inè: Ôṉènji, azw’avôrô inè, awè ôma wa rèti, na inè, ô nènja kè mpoṉo y’Anyambyè n’ôrèti; ô pa naka kè ôm’edu, konde ô pa pôn’ôzô w’aṉaga. 17Sambô wulinya zwè nte pikilyo: are kwekwè gô pe Sezar mpagô, mbè gô dwaṉ’ava? 18Ndô Yesu amyeṉi avôṉô maô ambe, awulya inè: Ntiṉa nde yi demba ṉwè myè, aṉwè imbyagwaṉa? 19Rum̃inyaṉi myè sika yi pô ṉwè mpagô. N’arum̃inyi waô yè fura. 20N’aṽambyi yè waô inè: Egolaṉi ziṉo n’irèndo yiṉo ya mande? Awiṉizi waô yè inè, yi Sezar. 21Vovo awulinyi yè waô inè: Sambô vaṉi Sezar yom̃a yi Sezar, n’Anyambyè, kè yom̃a y’Anyambyè. 22Na gw’ayogyô waô yeṉo w’am̃ami, n’arigi waô yè, agèndaga.
23Ntyugu mèmô aṽyeṉi gôre yè isadusi wi bulya inè, e zel’itôngwa avila gw’ijuwa, n’aṽambyi waô yè inè: 24Ôṉènji, Môsès awulyi nè: Jog’ôma ajuwa awaṉa fo, mongi yè e ga yige ômwantô wè, ko yè jaṉ’awaṉa gôre mwô’ngi yè. 25Avegagi gôre zwè awôngwè ôrwageṉô. N’ayômbi ôlônga, n’ayuwi yè; na gô re nè e pa tig’awaṉa, arigi yè ômwantô wè gôre mwô’ngi yè. 26Egolaṉi mèmô kè w’aṽaṉi, na w’ararô, kwanga gô w’ôrwageṉô. 27Waôdu juwa pa, gô num̃uṉa ayuwi kè ômwantô. 28Sambô gw’ itôngwa e be dwaṉ’ ômwantô wa mande gôre waô ôrwageṉô? Konde waôdu w’ayômbi yè. 29Awiṉizô waô ne Yesu inè: Aṉwè fwem̃a, konde aṉwè pa kôtiz’irèndo ge ngulu y’Anyambyè. 30Konde gw’itôngwa, aṉôm̃e wi ze jômb’antô, ge antô jômb’aṉôm̃e, ndô wi be dwaṉa g’iyenjèl s’Anyambyè g’ôrôṽa. 31Ndô g’ômwanja w’itôngwa sa mongi wi re juwa pa, aṉwè pa tanguṉa nt’awulinyô ṉwè n’Anyambyè, inè: 32Myè n’Anyambyè y’Abraam, n’Anyambyè y’Izaak, n’Anyambyè yi Yakob? Anyambyè arang’Anyambyè ya mongi wi re juwa pa, ndô ya mongi wi re bo. 33Gw’ayogyô aṉaga w’am̃am’inènja si Yesu.
34Ndô ifarisi gw’ayogyô waô inè, alwaṉiz’isadusi do, w’alataṉi mbôra mô; 35n’ôm̃ori gôre waô, ôṉènji w’ivanga, aṽambyi yè kotè, gô dembè, inè: 36Ôṉènji, ôzômby’ômpôlô w’ivanga ne weṉi? 37N’awiṉizô yè ne Yesu inè: Ronde Rerè, Anyambyè yo, n’ôrèm̃i wo wôdu, n’iṉiṉi nyo nyôdu, n’ipikilyi so sôdu. 38Wiṉo n’ôzômby’ômpôlô n’ôlônga. 39Na wi mbaṉi wi r’egolaṉi ga wô, wi re nè: Rond’ôrangaṉô wo g’ôkuṽi womè. 40Gw’isômbya siṉo ibaṉi, dwaṉ’ivanga nyôdu n’ivogisi kè.
41Gw’avegag’ifarisi dataṉa pa, Yesu aṽambyi waô inè: 42Aṉwè pikilya sè g’ômwanja wi Krist? Ayè ômwaṉa wa mande? Awiṉizi waô yè inè: Wi David. 43N’awulinyô waô ne Yesu inè: Sambô David, vo iṉiṉa, e fweyè inè, Rerè sè, gw’ awulyiyè inè: Rerè awulinyi Reri yam̃ inè: 44Lwaṉa baru g’ôgo wam̃ ôṉôm̃yè, kaô my’apang’ ilôvalôvi yo iyariṉô ny’agôlô mo? 45Sambô ja David afweyè inè, Rerè, gambèṉè ayè ko dwaṉ’ômwaṉi wè sè? 46Ndô e re joly’ôma gô fwiṉizè igamba. N’avila gô ntyugu mèyoṉo, e re pegeg’ôma n’ôrèm̃a nyèṉè gô tô bambyè ikotè.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.