Matay 21
21
1Gw’azusi waô pyèrè ni Yerusalèm, aṽya gô Bètfaze, gô nômba yi yôlivi, vovo Yesu arôm̃’iṉèngi mbaṉi, awulinya yô inè: 2Gèndagaṉi gô nkala yi re swaswo na ṉwè, n’ aṉwè be sunge jeṉe buru diryô pa, n’ômwaṉa wi buru na yô; vuruṉaṉi sô ko bagaṉi sô gôre myè. 3Na jog’ôma abulinya ṉwè ndaga, ko fwiṉizaṉi nè: Rerè are n’isolo na sô. Gambèṉè e be sunge tiga sô gô bya.
4Igamba nyiṉo ny’alwaṉi, ko igamba ny’ôvogisi twa rèti inè: 5Wulinyaṉi’mwamwantô wi Siôn inè: Vôna, ôgi wo e bya gôre wè, kendekende, panda pa gô buru, g’ômwaṉa wi buru.
6Agènd’iṉèngi alenda ga nt’azômbyô waô ne Yesu. 7N’aṽagi waô buru n’ômwaṉa, aralyi waô ingoy saô gô sô, n’alwaṉi Yesu baru gô sô gô buru. 8N’aṉag’awenge w’ayany’ingoy saô gô mpoṉo, n’am̃ori w’areṉ’ampari mi rere, ayanya mô gô mpoṉo. 9Waô w’agèndi ni bôsô na waô w’azôngi ni nyum̃a, w’awôgiṉi nè: Ôzana gôr’ Ômwaṉa wi David! Ôzaviṉô gôre yè yi bya gw’ina nya Rerè! Ôzana gw’igôṉômè!
10Gw’aṽyeṉi yè gô Yerusalèm, aṉaga waôdu w’ayègèryi, awulya inè: Wiṉo mande? 11N’awulyi aṉaga inè: Wiṉo ne Yesu, y’ôvogisi, yi pila gô Nazarèt yi Galile.
12Ayingiṉi Yesu gô nagô y’Anyambyè. N’agogunyi yè aṉaga waôdu w’agôlagi aṉivaga gôgô; n’ awoṉi yè ita vulu sa mongi w’avendakaṉagi sika bundu, ni siṽagènda ya mongi wi kôl’ abembe. 13N’awulinyi yè waô inè: Are tèndô pa inè: Nagô yam̃ yi be fweyô inè, nagô y’ikambiṉa; ndô aṉw’apangi yô ômpulungu w’ifwe.
14Aṽyeṉ’apoku ni bôke gôre yè gô nagô y’Anyambyè. N’ayingi yè waô. 15Ndô gw’ayeṉ’imiṉisè impôlô n’irèndisi lemba y’alendyô yè, n’awaṉa wi bôgiṉa gô nagô y’Anyambyè, awulya inè: Ôzana gôr’ômwaṉa wi David, w’aṽendi! 16N’awulinyi waô yè inè: Ô jogo nte bulya mongi siṉo? Awiṉizô waô ne Yesu inè: Èñ. Aṉwè pa tanguṉa ni mori inè: Ô re kekiza p’isum̃inya avila gw’agwaṉa m’awaṉa ni kèykèy?
17N’arigi yè waô, agogwa avila gô nkala, agènda gô Betani, n’alèwi yè vovo.
18Gw’awinyi yè ibanga gô nkala, ayogyô yè njaṉa. 19N’ayeṉi yè erere zi figi g’ôzamba wi mpoṉo, aṽyeṉi yè gô zô; ndô e pa dèng’ezom̃a gô zô kaô ijavi, n’awulinyi yè zô inè: Arô jaṉ’ilônda nyèṉè avila gôre wè agènda gô koṉako! N’ayôm̃i erere zi figi pelè. 20Na gw’ayeṉ’iṉèngi yeṉo, w’am̃ami, awulya inè: Erere zi figi zi sunge jôm̃a yeṉo sè? 21Awiṉizô waô ne Yesu inè: Rèti, mi bulinya ṉwè inè, j’aṉw’adwaṉa n’ibekelya ko ṉw’alôṽe mpaga, gambèṉè aṉw’alende ndaga y’adendô gw’erere zi figi dadyè, ndô vangaṉe aṉw’abulinye nômba yiṉo inè: lubwa vèṉo, ko wè falô gô ntyuṽa, yi be dendô. 22Isam̃u yôdu yi be bambyô ṉwè n’ibekelya gw’ ikambiṉa, yi be pô ṉwè.
23Ayingiṉi Yesu gô nagô y’Anyambyè, na gw’ aṉènjagi yè, imiṉisè impôlô n’aṉèro w’aṉaga w’aṽyeṉi gôre yè awulya inè: Inyanga nde nyi dendo isam̃u yiṉo, aveṉi wè kè inyanga nyiṉo mande? 24Awiṉizô waô ne Yesu inè: Mi be bambya ṉwè kè igamb’im̃ori, na j’aṉw’afwiṉiza myè nyô, gambèṉè myè kè mi be bulinya ṉwè inyanga nde nyi denda myè isam̃u yiṉo. 25Ibatiza si Yôan s’avili gweṉi? S’avili g’ôrôṽa, mbè gôr’aṉaga? Ndô w’awulyaṉi nè: J’azw’abulya inè, s’avili g’ôrôṽa, gambèṉè e be bulinya zwè inè: Sambô ntiṉa nde yi re ṉwè pa bekelye yè? 26Ndô j’azw’abulya inè, s’avili gôr’aṉaga, gambèṉè azwèty’ aṉaga, konde aṉaga waôdu wi bonge Yôan g’ôvogisi. 27N’awiṉizi waô Yesu inè: Azwè pa mya. N’awulinyi yè waô inè: Myè kè my’awulinye ṉwè inyanga nde nyi denda myè isam̃u yiṉo.
28Ndô aṉwè tanga sè? Ôm’avegagi n’awaṉôm̃e aṽaṉi; n’aṽyeṉi yè gôr’ôlônga, awulya inè: ’Mwam̃, ge janje ṉèṉo gô ntyagi yam̃. 29N’awiṉizi yè inè: Mi pa bela. Ndô avila vovo aṉigi nkôndi, agènda. 30N’aṽyeṉi yè gôr’ôm̃ori, awulye mbela mèmô. N’ayiviri yè, awulya inè: Mi kènda, rera. Ndô e re kènde. 31Gôre waô aṽaṉi alendi ntondiṉi ya reri yè mande? Awiṉizi waô inè: Ôlônga. N’awulinyô waô ne Yesu inè: Giligili mi bulinya ṉwè inè, ipublikan ni vôvevôve wi kènda gô bôsô yaṉi gw’iṉongo ny’ Anyambyè. 32Konde Yôan aṽyeṉi gôre ṉwè gô mpoṉo y’ôgôre, ko ṉw’aṽekelyè. Ndô ipublikan ni vôvevôve w’aṽekelyi yè; na gw’ayeṉi ṉwè yeṉo, avila vovo aṉwè pa nige nkôndi, ko ṉwè bekelyè.
33Yogoṉi nkôgô mori. Avegag’ôma, ôṉivi wi nagô, aṽèṉi ntyaga y’igoli. Agômbiṉi yô n’ôgômba w’arèndè, arumbe mbôra yi pyar’ivè, aṉôge nagô yi pengiṉa, n’aveṉi yè yô gôre mongi janja, n’agèndi yè gô ntye nyèṉè. 34Na gw’ aluki egômbe z’ilônda, arôm̃i yè inyôngô sè gôre mongi janja gô bong’ilônda yi ntyagi yè. 35N’agôti mongi janja inyôngô sè, aziṽ’ôm̃ori, ayôṉ’ôm̃ori, avung’ôm̃ori adô. 36N’arô tôm̃i yè inyôngô sinyèṉè, inyenge vyagaṉô n’inônga; ni mongi janja w’alendiṉi waô mbela mèmô. 37Gô num̃uṉa, arôm̃i yè ômwaṉi wè ôṉôm̃e gôre waô awulya inè: Wi be bimby’ômwaṉi wam̃. 38Ndô gw’ayeṉi mongi janja ômwaṉa, w’awulyaṉi nè: Wiṉo n’ôyigisi, yôgôṉi, azwè ga yôṉeṉi yè, ko zwè bong’ijigi sè. 39N’agôti waô yè, arômbè avila gô ntyaga, ayôṉè. 40Sambô gô be by’ôṉivi wi ntyaga, e be denda sè gôre mongi mèsoṉo?
41Awiṉizi waô yè inè: E be jiliz’aṉag’aṽe mèwoṉo n’ijiliza sibe, ave ntyaga y’igoli gôr’ aṉag’awèṉè, wi be pè ilônda gô gômbe y’ilônda.
42N’awulinyô waô ne Yesu inè: Aṉwè pa tanguṉa ni mori gw’irèndo inè, idô ny’aṽikyô n’iṉôgisi, nyô mèmô ny’atweṉi gw’ewônjô zi ntulungu; ndaga yiṉo yi pila gôre Rerè, yi re kè ndaga yi mamô gw’antyo mazô? 43Yeṉo mi bulinya ṉwè inè, iṉongo ny’Anyambyè nyi be bongiṉô ṉwè, ko nyô pô gôr’aṉaga wi be jaṉ’ilônda ya nyô. 44Ôm’edu e be pôswa gw’idô nyiṉo e be nyigyanyigya gô nyô, ndô ôm’edu e be pôsunyô ne nyô, nyi be kilè ga ntyèngè.
45Na gw’ayogyô imiṉisè impôlô n’ifarisi inkôgô sè w’agôtizi nè, Yesu e kamba g’ômwanji waô, n’awuti waô gô kôtè; 46ndô w’aryeṉ’aṉaga, konde w’awongi yè g’ôvogisi.
Currently Selected:
Matay 21: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Matay 21
21
1Gw’azusi waô pyèrè ni Yerusalèm, aṽya gô Bètfaze, gô nômba yi yôlivi, vovo Yesu arôm̃’iṉèngi mbaṉi, awulinya yô inè: 2Gèndagaṉi gô nkala yi re swaswo na ṉwè, n’ aṉwè be sunge jeṉe buru diryô pa, n’ômwaṉa wi buru na yô; vuruṉaṉi sô ko bagaṉi sô gôre myè. 3Na jog’ôma abulinya ṉwè ndaga, ko fwiṉizaṉi nè: Rerè are n’isolo na sô. Gambèṉè e be sunge tiga sô gô bya.
4Igamba nyiṉo ny’alwaṉi, ko igamba ny’ôvogisi twa rèti inè: 5Wulinyaṉi’mwamwantô wi Siôn inè: Vôna, ôgi wo e bya gôre wè, kendekende, panda pa gô buru, g’ômwaṉa wi buru.
6Agènd’iṉèngi alenda ga nt’azômbyô waô ne Yesu. 7N’aṽagi waô buru n’ômwaṉa, aralyi waô ingoy saô gô sô, n’alwaṉi Yesu baru gô sô gô buru. 8N’aṉag’awenge w’ayany’ingoy saô gô mpoṉo, n’am̃ori w’areṉ’ampari mi rere, ayanya mô gô mpoṉo. 9Waô w’agèndi ni bôsô na waô w’azôngi ni nyum̃a, w’awôgiṉi nè: Ôzana gôr’ Ômwaṉa wi David! Ôzaviṉô gôre yè yi bya gw’ina nya Rerè! Ôzana gw’igôṉômè!
10Gw’aṽyeṉi yè gô Yerusalèm, aṉaga waôdu w’ayègèryi, awulya inè: Wiṉo mande? 11N’awulyi aṉaga inè: Wiṉo ne Yesu, y’ôvogisi, yi pila gô Nazarèt yi Galile.
12Ayingiṉi Yesu gô nagô y’Anyambyè. N’agogunyi yè aṉaga waôdu w’agôlagi aṉivaga gôgô; n’ awoṉi yè ita vulu sa mongi w’avendakaṉagi sika bundu, ni siṽagènda ya mongi wi kôl’ abembe. 13N’awulinyi yè waô inè: Are tèndô pa inè: Nagô yam̃ yi be fweyô inè, nagô y’ikambiṉa; ndô aṉw’apangi yô ômpulungu w’ifwe.
14Aṽyeṉ’apoku ni bôke gôre yè gô nagô y’Anyambyè. N’ayingi yè waô. 15Ndô gw’ayeṉ’imiṉisè impôlô n’irèndisi lemba y’alendyô yè, n’awaṉa wi bôgiṉa gô nagô y’Anyambyè, awulya inè: Ôzana gôr’ômwaṉa wi David, w’aṽendi! 16N’awulinyi waô yè inè: Ô jogo nte bulya mongi siṉo? Awiṉizô waô ne Yesu inè: Èñ. Aṉwè pa tanguṉa ni mori inè: Ô re kekiza p’isum̃inya avila gw’agwaṉa m’awaṉa ni kèykèy?
17N’arigi yè waô, agogwa avila gô nkala, agènda gô Betani, n’alèwi yè vovo.
18Gw’awinyi yè ibanga gô nkala, ayogyô yè njaṉa. 19N’ayeṉi yè erere zi figi g’ôzamba wi mpoṉo, aṽyeṉi yè gô zô; ndô e pa dèng’ezom̃a gô zô kaô ijavi, n’awulinyi yè zô inè: Arô jaṉ’ilônda nyèṉè avila gôre wè agènda gô koṉako! N’ayôm̃i erere zi figi pelè. 20Na gw’ayeṉ’iṉèngi yeṉo, w’am̃ami, awulya inè: Erere zi figi zi sunge jôm̃a yeṉo sè? 21Awiṉizô waô ne Yesu inè: Rèti, mi bulinya ṉwè inè, j’aṉw’adwaṉa n’ibekelya ko ṉw’alôṽe mpaga, gambèṉè aṉw’alende ndaga y’adendô gw’erere zi figi dadyè, ndô vangaṉe aṉw’abulinye nômba yiṉo inè: lubwa vèṉo, ko wè falô gô ntyuṽa, yi be dendô. 22Isam̃u yôdu yi be bambyô ṉwè n’ibekelya gw’ ikambiṉa, yi be pô ṉwè.
23Ayingiṉi Yesu gô nagô y’Anyambyè, na gw’ aṉènjagi yè, imiṉisè impôlô n’aṉèro w’aṉaga w’aṽyeṉi gôre yè awulya inè: Inyanga nde nyi dendo isam̃u yiṉo, aveṉi wè kè inyanga nyiṉo mande? 24Awiṉizô waô ne Yesu inè: Mi be bambya ṉwè kè igamb’im̃ori, na j’aṉw’afwiṉiza myè nyô, gambèṉè myè kè mi be bulinya ṉwè inyanga nde nyi denda myè isam̃u yiṉo. 25Ibatiza si Yôan s’avili gweṉi? S’avili g’ôrôṽa, mbè gôr’aṉaga? Ndô w’awulyaṉi nè: J’azw’abulya inè, s’avili g’ôrôṽa, gambèṉè e be bulinya zwè inè: Sambô ntiṉa nde yi re ṉwè pa bekelye yè? 26Ndô j’azw’abulya inè, s’avili gôr’aṉaga, gambèṉè azwèty’ aṉaga, konde aṉaga waôdu wi bonge Yôan g’ôvogisi. 27N’awiṉizi waô Yesu inè: Azwè pa mya. N’awulinyi yè waô inè: Myè kè my’awulinye ṉwè inyanga nde nyi denda myè isam̃u yiṉo.
28Ndô aṉwè tanga sè? Ôm’avegagi n’awaṉôm̃e aṽaṉi; n’aṽyeṉi yè gôr’ôlônga, awulya inè: ’Mwam̃, ge janje ṉèṉo gô ntyagi yam̃. 29N’awiṉizi yè inè: Mi pa bela. Ndô avila vovo aṉigi nkôndi, agènda. 30N’aṽyeṉi yè gôr’ôm̃ori, awulye mbela mèmô. N’ayiviri yè, awulya inè: Mi kènda, rera. Ndô e re kènde. 31Gôre waô aṽaṉi alendi ntondiṉi ya reri yè mande? Awiṉizi waô inè: Ôlônga. N’awulinyô waô ne Yesu inè: Giligili mi bulinya ṉwè inè, ipublikan ni vôvevôve wi kènda gô bôsô yaṉi gw’iṉongo ny’ Anyambyè. 32Konde Yôan aṽyeṉi gôre ṉwè gô mpoṉo y’ôgôre, ko ṉw’aṽekelyè. Ndô ipublikan ni vôvevôve w’aṽekelyi yè; na gw’ayeṉi ṉwè yeṉo, avila vovo aṉwè pa nige nkôndi, ko ṉwè bekelyè.
33Yogoṉi nkôgô mori. Avegag’ôma, ôṉivi wi nagô, aṽèṉi ntyaga y’igoli. Agômbiṉi yô n’ôgômba w’arèndè, arumbe mbôra yi pyar’ivè, aṉôge nagô yi pengiṉa, n’aveṉi yè yô gôre mongi janja, n’agèndi yè gô ntye nyèṉè. 34Na gw’ aluki egômbe z’ilônda, arôm̃i yè inyôngô sè gôre mongi janja gô bong’ilônda yi ntyagi yè. 35N’agôti mongi janja inyôngô sè, aziṽ’ôm̃ori, ayôṉ’ôm̃ori, avung’ôm̃ori adô. 36N’arô tôm̃i yè inyôngô sinyèṉè, inyenge vyagaṉô n’inônga; ni mongi janja w’alendiṉi waô mbela mèmô. 37Gô num̃uṉa, arôm̃i yè ômwaṉi wè ôṉôm̃e gôre waô awulya inè: Wi be bimby’ômwaṉi wam̃. 38Ndô gw’ayeṉi mongi janja ômwaṉa, w’awulyaṉi nè: Wiṉo n’ôyigisi, yôgôṉi, azwè ga yôṉeṉi yè, ko zwè bong’ijigi sè. 39N’agôti waô yè, arômbè avila gô ntyaga, ayôṉè. 40Sambô gô be by’ôṉivi wi ntyaga, e be denda sè gôre mongi mèsoṉo?
41Awiṉizi waô yè inè: E be jiliz’aṉag’aṽe mèwoṉo n’ijiliza sibe, ave ntyaga y’igoli gôr’ aṉag’awèṉè, wi be pè ilônda gô gômbe y’ilônda.
42N’awulinyô waô ne Yesu inè: Aṉwè pa tanguṉa ni mori gw’irèndo inè, idô ny’aṽikyô n’iṉôgisi, nyô mèmô ny’atweṉi gw’ewônjô zi ntulungu; ndaga yiṉo yi pila gôre Rerè, yi re kè ndaga yi mamô gw’antyo mazô? 43Yeṉo mi bulinya ṉwè inè, iṉongo ny’Anyambyè nyi be bongiṉô ṉwè, ko nyô pô gôr’aṉaga wi be jaṉ’ilônda ya nyô. 44Ôm’edu e be pôswa gw’idô nyiṉo e be nyigyanyigya gô nyô, ndô ôm’edu e be pôsunyô ne nyô, nyi be kilè ga ntyèngè.
45Na gw’ayogyô imiṉisè impôlô n’ifarisi inkôgô sè w’agôtizi nè, Yesu e kamba g’ômwanji waô, n’awuti waô gô kôtè; 46ndô w’aryeṉ’aṉaga, konde w’awongi yè g’ôvogisi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.