Malaki 4
4
1Konde vôna, ntyugu yi bya, yi be pya ga inu. Kale yôdu n’aṉag’aṽe waôdu wi be dwaṉa ga kum̃u y’am̃aṉi; ntyugu yi bya yi be peza waô, bulye Yeôva y’imbèli, e pa tigaṉa waô vangaṉ’ôramba ge ivari. 2Ndô gôre ṉwè yi ty’ini nyam̃ nkômbe y’ôgôre yi be kum̃aṉa, n’ijinga si be dwaṉa g’ôdôlôngô w’ampavi ma yô; aṉwè be kogwa, ko ṉwè dôgwa g’awaṉa w’inyare wi re g’ôgômba. 3N’aṉwè be jar’aṉag’aṽe, konde wi be dwaṉa ga ômbu gw’agandô m’intyôzô saṉi, gô ntyugu yi kekiza myè yô, bulye Yeôva y’imbèli.
4Yônginyaṉ’ivanga nyi Môsès, nyôngô yam̃, y’azômbyi myè yè gw’Ôrèb, gôr’Israèl waôdu, ampanga n’isômbyô. 5Vônaṉi, mi be tôm̃’Eliya, y’ôvogisi, gôre ṉwè, ntyugu yi Yeôva ṽyagaga ro, ntyugu mpôlô na y’ererya mèyoṉo. 6E be tô fwiṉiz’irèm̃a y’irerè gôr’awaṉi waô, n’irèm̃a y’awaṉa gôr’ireri saô, mi vende bya awôle ntye n’ôzavô.
Currently Selected:
Malaki 4: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
