Ôsea 10
10
1Israèl avegagi ôgoli wi jaṉa pôlô, w’ayaṉag’ilônd’imyenge. Gw’ibuṉa s’ilôndi yè, awuṉizi yè imbôra si jirô intyagô; g’ômbyambye wi ntye yè, am̃èpizi yè ikaṉa. 2Irèm̃i yaô y’akeraṉi, wi be dènge njuke. Yeôva e be jôṉ’imbôri saô si jirô intyagô, e be jiliz’ikaṉi saô. 3Na kwè wi be bulya inè: Azw’azele n’ôga, konde azwè pa tye Yeôva; n’ôga ko jolye dend’ande gôre zwè? 4Wi kamb’agamba m’enyalè, n’irangô y’inôka, gô jeka waô njeka: yeṉo ôgôm̃a wi be pôm̃a, ga igônjw’iṽe gw’amemba m’itôve.
5Alwaṉi wi Samarya wi be dwaṉa n’itya g’ômwanja w’awônyare wi Bèt‐Avèn; iṉongo nyi be dwaṉa n’iwoga g’ômwanja w’ôgaṉa, n’imiṉisè sa wô si be tatam̃iṉa gô wô, g’ômwanja w’ivenda nya wô, nyi re ko dubwa avila gôre waô. 6Wô be twaṉô gw’Asur, gô dwaṉa ga ezom̃a zi mpagaga gôr’ôga Yarèb. Efrayim e be kôtô ne asayi, n’Israèl e be jeṉe ntyoṉi g’ômwanja w’imôndo sè. 7Samarya ajilizyô, n’ôgi wè are ga ivuṉi gw’aṉingô. 8Imbôr’indôndwi si Bèt‐Avèn, si r’Israèl janja p’ibe, si be jilizô; irèndè ni falifa si be pôm̃a gw’imbôri saô si jirô intyagô. Wi be buliny’inômba inè: Vugaṉi zwè! na gô sanômba inè: Vôswaṉi gôre zwè!
9Israèl, ô re janja p’ibe avila gw’intyugu si Gibea! w’agum̃aṉi vovo gôre, igoṽi gôr’arègo nyi re date waô gô Gibea. 10Mi be sônya waô ôgôm̃a gô ntondiṉi yam̃, n’aṉongo mi be dataṉa gô sira waô, gô be kôrô waô g’ômwanja w’ifwem̃i saô baṉi. 11Efrayim ne nyare nyantô yi re nènjô pa, na yi tonda gô jar’ilônda, ndô mi be susa pyèrè g’ômpele wè ômbya; mi be fwele mpanga gw’Efrayim, Yuda e be tumbe ntye, Yakob e be nyigyanyigy’amunga m’iroy.
12Nyènyaṉi ga nt’ar’ôgôre, reṉaṉi ga nt’are nkèngo, ko tumbaṉi ntye nyoṉa! konde r’egômbe gô bute Yeôva, kaô abya, ayir’ôgôre gôre ṉwè. 13Aṉw’are tumba pe mbe, aṉw’are teṉa p’ibe, aṉw’are nya p’ilônda y’inôka; konde w’aṽekelyi mpoṉo yo, gô ntangô y’iṽèmbi yo. 14Sambô e be nongw’edungu gôr’iṉongo nyo, n’inagô so injoli sôdu si be jilizô, ga nt’ayilizô Salman‐Bèt‐Arbèl, gô ntyugu y’igoṽi, yi re ôbôta anyigyanyigyô n’awaṉi wè. 15Yeṉo be dendô gôre ṉwè gô Betèl, g’ômwanja w’ibe saṉi sipôlômè. Gw’ijenja s’ôwenja ôga w’Israèl e be teṉô nkwe.
Currently Selected:
Ôsea 10: MYE
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.
Ôsea 10
10
1Israèl avegagi ôgoli wi jaṉa pôlô, w’ayaṉag’ilônd’imyenge. Gw’ibuṉa s’ilôndi yè, awuṉizi yè imbôra si jirô intyagô; g’ômbyambye wi ntye yè, am̃èpizi yè ikaṉa. 2Irèm̃i yaô y’akeraṉi, wi be dènge njuke. Yeôva e be jôṉ’imbôri saô si jirô intyagô, e be jiliz’ikaṉi saô. 3Na kwè wi be bulya inè: Azw’azele n’ôga, konde azwè pa tye Yeôva; n’ôga ko jolye dend’ande gôre zwè? 4Wi kamb’agamba m’enyalè, n’irangô y’inôka, gô jeka waô njeka: yeṉo ôgôm̃a wi be pôm̃a, ga igônjw’iṽe gw’amemba m’itôve.
5Alwaṉi wi Samarya wi be dwaṉa n’itya g’ômwanja w’awônyare wi Bèt‐Avèn; iṉongo nyi be dwaṉa n’iwoga g’ômwanja w’ôgaṉa, n’imiṉisè sa wô si be tatam̃iṉa gô wô, g’ômwanja w’ivenda nya wô, nyi re ko dubwa avila gôre waô. 6Wô be twaṉô gw’Asur, gô dwaṉa ga ezom̃a zi mpagaga gôr’ôga Yarèb. Efrayim e be kôtô ne asayi, n’Israèl e be jeṉe ntyoṉi g’ômwanja w’imôndo sè. 7Samarya ajilizyô, n’ôgi wè are ga ivuṉi gw’aṉingô. 8Imbôr’indôndwi si Bèt‐Avèn, si r’Israèl janja p’ibe, si be jilizô; irèndè ni falifa si be pôm̃a gw’imbôri saô si jirô intyagô. Wi be buliny’inômba inè: Vugaṉi zwè! na gô sanômba inè: Vôswaṉi gôre zwè!
9Israèl, ô re janja p’ibe avila gw’intyugu si Gibea! w’agum̃aṉi vovo gôre, igoṽi gôr’arègo nyi re date waô gô Gibea. 10Mi be sônya waô ôgôm̃a gô ntondiṉi yam̃, n’aṉongo mi be dataṉa gô sira waô, gô be kôrô waô g’ômwanja w’ifwem̃i saô baṉi. 11Efrayim ne nyare nyantô yi re nènjô pa, na yi tonda gô jar’ilônda, ndô mi be susa pyèrè g’ômpele wè ômbya; mi be fwele mpanga gw’Efrayim, Yuda e be tumbe ntye, Yakob e be nyigyanyigy’amunga m’iroy.
12Nyènyaṉi ga nt’ar’ôgôre, reṉaṉi ga nt’are nkèngo, ko tumbaṉi ntye nyoṉa! konde r’egômbe gô bute Yeôva, kaô abya, ayir’ôgôre gôre ṉwè. 13Aṉw’are tumba pe mbe, aṉw’are teṉa p’ibe, aṉw’are nya p’ilônda y’inôka; konde w’aṽekelyi mpoṉo yo, gô ntangô y’iṽèmbi yo. 14Sambô e be nongw’edungu gôr’iṉongo nyo, n’inagô so injoli sôdu si be jilizô, ga nt’ayilizô Salman‐Bèt‐Arbèl, gô ntyugu y’igoṽi, yi re ôbôta anyigyanyigyô n’awaṉi wè. 15Yeṉo be dendô gôre ṉwè gô Betèl, g’ômwanja w’ibe saṉi sipôlômè. Gw’ijenja s’ôwenja ôga w’Israèl e be teṉô nkwe.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Published by the British and Foreign Bible Society in 1927.