ROMA 7
7
Ndapaporapaka ada mporongo
7:1-6
1Waʼa ngkasangkompoku! Komi pura-pura ndiincanimo padika. Mewali, kuasa mpadika ri sambaʼa tau podo ri sindara tuwupa siʼa. 2Rapanya sambaʼa weʼa anu molangkai, siʼa nasoʼo ada mporongo ri langkainya sindara ntongo tuwupa langkainya. Ane matemo langkainya lapamo siʼa ungka ri ada mporongo anu masoʼo siʼa pai langkainya. 3Ane weʼa setu mowongo-wongo pai tuama ntaninya sindara tuwupa langkainya, siʼa teimba mosalara. Paikanya ane matemo langkainya, weʼa setu bareʼemo nasoʼo ada. Pai ane molangkai woʼu siʼa pai tuama ntaninya siʼa banyamo mosalara. 4Da ewanceʼe seʼe komi waʼa ngkasangkompoku, ri waʼa mpadika agama nto Yahudi komi matemo, maka komi ndapasambaʼa-mbaʼamo pai koro i ngKerisitu pai Siramo tumpunya, Sira anu ndapatuwumo muni ungka ri kapate. Sira ndapatuwu muni ungka ri kapate da naka reʼe yowe ngkatuwuta ri Pue Ala. 5Maka i owi kita malulu engko ngkatolinota. Ri tempo setu waʼa ngkasawoyo ndaya anu masalaa anu mebete ua waʼa mpadika agama, moparenta ri korota. Inceʼe puʼunya painaka kita mawianaka tetala anu mangkeni kapate. 6Paikanya wawaseʼi kita bareʼemo tesoʼo ri waʼa mpadika agama nto Yahudi, kita matemo ungka ri waʼa mpadika anu iowi mamparenta kita. Kita bareʼemo medonge ewa iowi, malulu waʼa uki mpadika. Wawaseʼi kita medonge malulu popanini Inosa mPue Ala ri kita.
Waʼa mpadika pai salaa
7:7-13
7 #
Pa. 20:17, Paw. 5:21 Ane ewanceʼe nunjaamo anu da takoto mantoʼo? Ara waʼa mpadika nto Yahudi setu jaʼa? Manoto bareʼe kojo! Paikanya waʼa mpadika setu anu mampaguruka yaku salaa. Bareʼe da kuincani posoki mpau mangoa, ane banya waʼa mpadika setu anu mantoʼo, “Neʼe mangoa!” 8Ua kareʼenya waʼa mpadika agama, mampareʼe tempo mampapebete mpengaya-ngaya waʼa ngkasawoyo ndaya ri rayaku; maka ane bereʼe waʼa mpadika agama, waʼa ncalaa woʼu da mate. 9I owi katuwuku bereʼe waʼa mpadika agama. Paikanya jabutu jela waʼa mpadika agama, tuwumo woʼu salaa, 10pai mate yaku. Lawi tinako ndayaku waʼa mpadika setu da mampareʼeka yaku katuwu, paikanya jamampareʼeka yaku kapate. 11#Pal. 3:13 Maka mampoliu waʼa mpadika agama setu, salaa woʼu reʼemo kasoanya mambambasi pai mampepate yaku.
12Waʼa mpadika agama mopuʼu ungka ri Pue Ala, pai waʼa ncongka mpadika setu ungka ri Pue Ala, mewali mayoa pai madago. 13Ara da mewali ane anu monco setu mampareʼeka yaku kapate? Manoto bareʼe! Salaa anu mampareʼeka yaku kapate. Kupangampake anu madago, salaa anu mampareʼeka yaku kapate, da naka tongawa kojo waʼa ngkasalaa. Mampoliu waʼa ncongka mPue Ala, tongawamo ewambeʼi kajaʼanya salaa.
Pombeewa ri raya ntolino
7:14-25
14Taincanimo waʼa mpadika agama nto Yahudi mopuʼu ungka ri Inosa mPue Ala, paikanya yaku seʼi tolino anu malente. Yaku tepobalumo mewali watua ri ara ngkuasa ncalaa. 15#Gal. 5:17 Maka yaku ngkalioku bareʼe kurata ndaya nunjaa anu kupowia; waʼa anu kupobanciika jaʼinceʼemo anu kuwianaka. 16Mewali, ane yaku mawianaka anu mombeewa pai pepokono ndayaku, inceʼe posokinya kuʼaku kamonco waʼa mpadika agama nto Yahudi. 17Mewali, kamonconya banyamo yaku anu mawianaka setu paikanya salaa anu mamparenta yaku. 18Kuincani kojo kabareʼenya reʼe mau sakodi anu madago ri koroku; inceʼe ri engkoku ewa sambaʼa tolino. Maka reʼe tangara ndayaku da mampowia anu madago, paikanya bareʼe kukoto mawianaka. 19Bareʼe kupowia anu madago anu da rayaku mampowia; paikanya jaanu majaʼa kupowia, anu kamonconya bareʼe kupokono mampowia. 20Ane yaku mampowia waʼa anu kamonconya bareʼe kupokono mampowia inceʼe posokinya banyamo yaku anu mawianaka waʼa mpowia setu paikanya salaa anu mamparentamo yaku.
21Mewali, kurata kamonconya padika anu makuasa, maka ane da rayaku mowia anu madago, jaʼanu majaʼa mebete ri rayaku. 22Pantoʼo ndayaku kupokono padika mPue Ala, 23paikanya kurata ndaya ri woto ngkoroku reʼe padika ntaninya anu moncongka ri rayaku inceʼemo padika anu mombeewa pai padika anu naʼaku nawa-nawaku. Inceʼe puʼunya painaka yaku tesoʼo ri kuasa mpadika ncalaa anu makuasa ri woto ngkoroku. 24-26Io, ewanceʼimo katedikanakaku: Yaku mepoʼinaya ri padika mPue Ala sangkani pai kanoto ndayaku, paikanya ua engko ngkatolinoku, yaku meʼuru ri salaa. Ara marugisa yaku seʼi! Isema anu da malapasaka yaku ungka ri koro seʼi anu mangkeni yaku ri kapate? Peunde ri Pue Ala! Sira malapasaka yaku ua i Yesu Kerisitu.
Currently Selected:
ROMA 7: LAIPMF
Highlight
Copy
Compare
Share
Want to have your highlights saved across all your devices? Sign up or sign in