MIKA 1
1
Totoraka
1:1
1 #
2 Raj. 15:32-38, 16:1-20, 18:1–20:21, 2 Taw. 27:1-7, 28:1–32:33 I Mika ungka ri sambaʼa lipu kodi Morese toʼonya. Ri tempo tana nto Yahuda mombesawa-sawani naparenta i Mokole Yota, i Ahasi pai i Sikia, i Mika mantarima nuntu i mPue kakononya Samaria pai Yerusale.
Pokukuou tila Samaria pai Yerusale
1:2-9
2Ndipedongeka ee waʼa banca!
Ndipeolemo, ee waʼa ntau bangani dunia!
I Pue Anu Ndate ri Peawanya rata
mewali sabi anu maewa komi pura-pura!
Ndipedongeka pompau-A
ungka ri Banua-A anu magali.
3Sira menaʼu ungka ri kareʼe mpearia anu magali
nepa melinja ri wawo waʼa lolo buyu ri lino.
4Waʼa buyu magonu ri ara mpajaʼa-A
da ewa panggere ri raya apu anu mareka-reka;
tananya maunju tudu ri yombo
da ewa ue anu ri pongku ntana moili tudu ri rato.
5Pura-pura setu da tepewali ua salaa nto Isaraeli, meewa ri Pue Ala. Isena anu mampapopuʼu Isaraeli mowia salaa? Ara banya Samaria indo ngkotanya? Isema anu mampapopuʼu Yahuda manyomba ri lamoa? Ara banya Yerusale ngkalionya? 6Inceʼe painaka ndatoʼo i mPue, “Yaku da mampapewali Samaria ewa buyu awu ri pada bone, pai mewali kareʼe pampomuya ntau anggoro. Waʼa ripu-ripu ngkota setu da Kupesawuka ri ngoyo, pai pondasinya da Kurongkasi. 7Waʼa nturuki lamoanya da ndagero. Waʼa aga-aga anu ndawaika waʼa mbeʼa anu motetala ri banua lamoa da ndapanowa, pai waʼa lamoanya da ndagero. Waʼa aga-aga anu mewali saro mpanyombanya ri lamoa mposalara. Seʼi-seʼi pura-pura setu da naungkulaka waʼa iwali, da napapewali panyomba mpontarima kasi ri waʼa lamoa ntau seʼe.”
8Inceʼe painaka yaku, i Mika, meʼode ua kapari ndayaku. Yaku da melinja bareʼe morengko pai bareʼe motalupa, mampatongawa ewambeʼi kaʼai ngkapari ndayaku. Yaku da moguangi ewa asu yopo pai mekiu ewa tonci onta. 9Maka waʼa mbela Samaria bareʼe da osa, pai Yahuda da napere ngkatedikanaka anu siwia. Karugi jelamo ri Yerusale, baa-baa pebete ntanoana banca-Ku.
Iwali mosusa da jela ri Yerusale
1:10-16
10Neʼe ndipetumbuka waʼa iwalita anu ri Gati kono rugi anu mampere kita; neʼe ndiwai tau seʼe da mangkita potumangita, ee waʼa ntau bangani Beta-Le-Apara, petadulimo ri awu mewali tanda kapuli mponawa-nawa! 11Komi bangani Sapiri ndipalaimo njoʼu ri pantawani ri pelambe-lambe pai ri kaea matami! Waʼa nto Saana bareʼe nataha mesuwu ungka ri kota ntau seʼe. Pekiu nto Beta-Haeseli, mampatongawaka komi njairia bareʼemo reʼe kareʼe mpetatondo. 12Rugi ungka ri Pue da jelamo ri baa-baa Yerusale! Inceʼe painaka, bareʼemo reʼe jaya ntaninya to Maroti da mampomata-mata petulungi. 13Komi bangani Lakisi, ndipatikalimo nyara ri kareta mpoʼiwali! Komi mangancue waʼa ncalaa anu nawianaka Isaraeli anu mampapopuʼu Yerusale woʼu masalaa. 14Seʼi-seʼi ee to Yahuda kota Morese-Gati da paya. Waʼa mokole nto Isaraeli bareʼemo da mangarata tundugi ungka ri kota Akasiba.
15Ee waʼa nto Moresa, i Pue da mampepombaika komi ri iwali anu da masuaki kotami. Waʼa ntadulako nto Isaraeli anu makuasa da mesambuni ri raya waʼa mbayau ri Adula. 16Ee to Yahuda, ndiowomo wuyuami mewali petondoni pongkabalusi ri waʼa anami anu ndipotowe. Ndikou wuyuami rantani dola-dola woʼomi ewa tonci to pekoni anu oso, maka waʼa anami anu ndakeni ri kareʼe pantawani.
Currently Selected:
MIKA 1: LAIPMF
Highlight
Share
Compare
Copy
Want to have your highlights saved across all your devices? Sign up or sign in
