Pamoil. 8
8
Toggaiat sikapitu
1Kele aibuka Togat Biribiri toggaiat sikapitu, matangeunangan ka sorga sitenga jam burunia. 2Lepa itcokungan sipitu malaika sipuririo ka matat Taikamanua, samba rakau ka tubuda pitu pipiau.
3 #
2Mos. 30:1, 3; Ams. 9:1 Ia geti oi sara malaika bagei, purionangan ka bebet kudduat pasibuluat aiuukkaake pasilabokat kumanyang mas. Kaurangan ka tubunia maigi kumanyang, bule ibuluake nia pasamba panindogatda sipunenan ka uddut kudduat pasibuluat mas ka matat uddenan purimataat. 4Pangarainangan leu kujuk kumanyang pasamba panindogatda sipunenan sibara ka kabei malaika ka matat Taikamanua. 5#2Mos. 19:16; 3Mos. 16:12; Jehz. 10:2; Pamoil. 11:19, 16:18 Lepa alanangan pasilabokat kumanyang malaika, kaunangan ka bagania api sibara ka kudduat pasibuluat, ribbaiakenangan nia ka polak. Pugululuunangan leu leleggu, pagalu bila samba ngeungeu polak.
Pipiau
6Ia geti patarekrangan tubuda sipitu malaika sipasiuukka pitu pipiau bule ranauake pipiaura.
7 #
2Mos. 9:23-25; Jehz. 38:22 Piaunangan pipiaunia malaika siboiki, bara ibara urat es, samba api pagalu logau; sangamberinia bele ka polak. Malabonangan sapartelu polak samba sapartelu paloinaloina samba sangamberi sese simalibbut labo.
8Lepa piaunangan pipiaunia malaika sikarua, ai sara kele leleu sabeu, sipujujuluu turibbaiake ka koat. Samba sapartelu koat bailiu logau, 9mateinangan sapartelu sipungongoingoi ka koat samba sapartelu ka sangamberi kapal katai.
10 #
Jes. 14:12
Lepa piaunangan pipiaunia malaika sikatelu, bele ibele barania ka manua sara panyanyat sabeu, sipujujuluu kele oong, saksaknangan sapartelu bagat oinan samba bubuakat. 11#Jer. 9:15 Onin panyanyat nenda Apsintus (pongit). Bailiu sapartelu ka sangamberi oinan pongit samba maigi sirimanua matei kalulut oinan nenda, aipoi amapongitnan.
12 #
Jes. 13:10; Jehz. 32:7; Jol. 2:10, 31, 3:15 Lepa piaunangan pipiaunia malaika sikaepat, bobo itubobo sapartelu matat sulu samba sapartelu laggo samba sapartelu panyanyat, bailiu sapartelunia magepgep samba sapartelu tago taan matoro, kisedda leu et sinoibo.
13Lepa lelekngakekungan nia, arepkungan sara manyang tuburut ka tengan manua, kuanangan sabeu nganga, “Paan te, paan te, paan te ka sia sikuddu ka polak kalulut nau pipiaura samalaika sitelu bagei, sipasipipiau pei le pipiaura!”
Currently Selected:
Pamoil. 8: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
