Plp. 4
4
1Kalulut nene sasaraina kilibet bagaku samba repdemenku, puangkakat bagaku samba kiritku, kau nupurio kam simaron ka bagat Tuhan, ale sasaraina kilibet bagaku.
Nganturat pasilepa
2Kunana si Euodia samba kunana si Sintikhe, bule sikere paatuat ka bagat Tuhan. 3Samba kutiddou leu kekeu Sunsugos, aleiku simatopit bule nuromake sia. Aipoi arapaaleian aku ka bagat pasaggangan masipaarep Katuareman Simaeru, samba si Klement leu samba sabagei aleiku mugalai, sitususurat oni ka buko purimanuaiat.
4Puangka kam baga simariuriu ka bagat Tuhan. Kuoleake minca masikua: Puangka kam baga! 5Kau raagai nia sangamberi sirimanua erut bagamui. Amalegerengan si Tuhan! 6Bui nupukarani kam baga pagalaiat apa pa, ka bagat sangamberi besiakenenmui ka Taikamanua le segeake kam nia ka bagat panindogat samba pasititiddou samba pusurakat. 7Aban Taikamanua sisaliu sangamberi sikut paatuat masipasikeli enga samba paatuatmui ka bagat Kristus Jesus.
8Pasilepania ale sasaraina, apa sibulatnia, apa simalatsat, apa simaroipo, apa simalina, apa simalainge, apa simaeru tuarep, apa oniakenen putopinan samba simateu tuumun, ia te nupaatu kam. 9Samba apa sigelaimui, apa sinilomui, apa siarepmui samba apa siitcomui kaku, ia te nugagalaiake kam. Ia geti Taikamanua bakkat paabanan masipaalei kam.
Pusurakat kalulut panguruat paamian
10Bulat maangka bagaku ka bagat Tuhan, kalulut aipututu minca paatuatmui masipaatu aku. Kirenangan mariuriu le nupaatu kam aku, tapoi oggakmui ta anai. 11Ta kalulut gulainia kaku kukukua nene, aipoi akugelaian masipusanangake kipa teret sibabara. 12Kuagai pugugulai, kuagai pulelegei. Ka senen sibabara samba ka bagat sangamberinia, maektek ele malaje, mulegei ele magulai, amatukelengan kaku. 13Sangamberinia momoi kubairat, kalulut Kristus siparon aku.
14Tapoi bulat maeru le sigalaiakenenmui masiromake aku ka pugejaat bagaku. 15#2Kor. 11:9Anuagaian leu kam, tai Pilippi, ka panandaat akupaarep Katuareman Simaeru, ka teteret akutuitui ka Makedonia, ta anai beri sara paamian bagei siromake aku masigalai pasiaddeat bulagat situguguru samba sibebela, sarat kam le. 16#Pugap. 17:1 Beri ai pei le aku ka Tesalonika, ta sangaminca, rua ngaminca anuake kam paromanmui kaku. 17Tapoi ta panguruat kugagaba, bua le, siurau beunan puuktunganmui. 18#2Mos. 29:18 Kineneiget akusiloan sangamberinia sibara ka kam, bulat amulegeian. Asutnan kaku kalulut akusilo sikoiniakenenmui siambit Epaproditus, ia te beu simasingin, buluakenen siloket samba obaket Taikamanua. 19Taikamanuangku le geti masisusutnake sangamberi besiakenenmui siripot kayo samba pulatsanannia ka bagat Kristus Jesus. 20Tulatsatnake le Taikamanua Ukkuita, teret buruburu! Amen.
Salam
21Segeake kam salamku ka senen sirimanua sipunenan ka bagat Kristus Jesus. Salam ka kam sibara ka sasaraina sipaalei aku. 22Salam ka kam sibara ka sangamberi sipunenan, sara pei sia sikuddu ka lalep kaisar.
23Kiliu bagat Tuhan Jesus Kristus masipaalei ketsatmui!
Currently Selected:
Plp. 4: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
