4Mos. 7
7
Panguruatda kateteret aitupuneni Sapou Sipunenan
1Ka teteret ailepa airioake Sapou Sipunenan si Mose, puneninangannia pasamba sangamberi sibabara ka bagania, lokotakenangan tulat punen ka sangamberinia. Kisedda leu et aigalai ka kudduat pasibuluat samba sangamberi bibilet ka bagania. 2Lepa sia sikebbukat laggai Israel, iate sia sautet suku sipuuku sigalaiake pasisuranan, 3masipanguruatake enen ngambua pedati samba pulu rua ngamuneng jaui kai Tuhan: senen rua saute masipanguruatake sara padati, samba senenda sangamuneng jaui. Lepat rapanguruatakenia, 4kuanangan si Tuhan kai Mose, 5“Silo le sangamberi siakera nenda addeat masiabbiat SapouKu, kau le sangamberinia nenda ka tubudda tai Lewi siripot pupasikelananda.” 6Lepa kaunangannia si Mose sangamberi pedati samba jaui nenda ka tubudda tai Lewi. 7Kaunangan rua pedati samba epat ngamuneng jaui ka tubudda tai Gerson, 8epat pedati samba balu ngamuneng jaui ka tubudda tai Merari, siripot galajet sigalaiakenenda kapupaneneat Itamar, togat Aron. 9Tapoi tai Kehat ta arasilo pedati samba jaui sibara kai Mose, kalulut sangamberi bibilet sipunenan sibailiu puukuketda, buita rabaiarat ka ta'tara.
10Sikebbukat laggai masiabbit panguruat addeat masiabeuake enungan masigalai punen kudduat pasibuluat. Ka teteret ramaterek raabbit panguruatda lkau matat kudduat pasibuluat, 11kuanangan si Tuhan kai Mose, “Kua ka tubudda senen gogoi burunia pulu rua ngagogoi sara katalagatda saute nenda bui' ta ipanguruatake buluakenen addeat enungan masipuneni kudduat pasibuluat.”
12Sipasikakau panguruat ka gogoi siboiki iate si Nahason, togat Abinadab sibara ka muntgogat Jehuda. 13Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 14sara pulokat pulu syikal mas sanenia, ai kabagania kumanyang; 15sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 16sangamuneng kambing simanteu, pakeiet buluakenen pasiposat jo; 17samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Nahason togat Aminadab.
18Ka gogoi sikarua iate Netaneel togat Zuar, siuteake suku Isakhar, masipanguruatake panguruat. 19Sibailliu panguruatnia ipanguruatake sangapiring perak, sangotu telupulu syikal kilonia, samba sangabokor pasisubui sigalai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 20sara pulokat pulu syikal mas sanenia, ai kabagania kumanyang; 21sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 22sangamuneng kambing simanteu, pakeiet buluakenen pasiposat jo; 23samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat. Nenda panguruat Netaneel togat Zuar.
24Ka gogoi sikatelu iate: siuteake muntogat Zebulon, iate Eliab togat Helon. 25Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 26sara pulokat pulu syikal mas sanenia, ai kabagania kumanyang; 27sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 28sangamuneng kambing simanteu, pakeiet buluakenen pasiposat jo; 29samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat. Nenda panguruat Netaneel togat Zuar.
30Ka gogoi sikaepat: siuetake muntogat Ruben, iate Elizur togat Syedeur. 31Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 32sara pulokat pulu syikal mas sanenia, ai kabagania kumanyang; 33sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 34sangamuneng kambing simanteu, pakeiet buluakenen pasiposat jo; 35samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Elizur togat Syedeur.
36Ka gogoi sikalima: siuetake muntogat Simeon, iate Selumiel togat Zurisyadai. 37Panguruatnia iate sangapiring perak, sangotu telupulu syikal kilonia, samba sangabokor pasisubui sigalai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 38sara pulokat pulu syikal mas sanenia, ai kabagania kumanyang; 39sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 40sangamuneng kambing simanteu, pakeiet buluakenen pasiposat jo; 41samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Selumiel togat Zurisyadai.
42Ka gogoi sikaenem: siuateake muntogat Gad, iate Elyasaf togat Rehuel. 43Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 44sara pulokat pulu syikal mas sanenia, ai kabagania kumanyang; 45sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 46sangamuneng kambing simanteu, pakeiet buluakenen pasiposat jo; 47samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Elyasaf togat Rehuel.
48Ka gogoi sikapitu: siuteake muntogat Efraim, iate Elisama togat Amihud. 49Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 50sara pulokat pulu syikal mas sanenia, ai kabagania kumanyang; 51sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 52sangamuneng kambing simanteu, pakeiet buluakenen pasiposat jo; 53samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Elisama togat Amihud.
54Ka gogoi sikabalu: siuteake muntogat Manasye, iate Gamaliel togat Pedazur. 55Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 56sara pulokat pulu syikal mas sanenia, ai kabagania kumanyang; 57sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 58sangamuneng kambing simanteu, pakeiet buluakenen pasiposat jo; 59samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda panguruat Gamaliel togat Pedazur.
60Ka gogoi sikasiba: siuteake muntogat Benjamin, iate Abidan togat Gideoni. 61Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 62sara pulokat pulu syikal mas sanenia, ai kabagania kumanyang; 63sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 64sangamuneng kambing simanteu, pakeiet buluakenen pasiposat jo; 65samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Abidan togat Gideoni.
66Ka gogoi sikapulu: siuteake muntogat Dan, iate Ahiezer togat Amisyadai. 67Panguruatnia iate sangapiring perak, sangotu telupulu syikal kilonia, samba sangabokor pasisubui sigalai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 68sara pulokat pulu syikal mas sanenia, ai kabagania kumanyang; 69sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 70sangamuneng kambing simanteu, pakeiet buluakenen pasiposat jo; 71samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Ahiezer togat Amisyadaika.
72Ka gogoi sikapulusara: siuteake muntogat Asyer, iate Pagiel togat Okhran. 73Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 74sara pulokat pulu syikal mas sanenia, ai kabagania kumanyang; 75sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 76sangamuneng kambing simanteu, pakeiet buluakenen pasiposat jo; 77samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Pagiel togat Okhran.
78Ka gogoi sikapulurua: siuteake muntogat Naftali, iate Ahira togat Enan. 79Panguruatnia iate sangapiring perak, sangotu telupulu syikal kilonia, samba sangabokor pasisubui sigalaai sibara ka perak pitupulu syikal sanenia, tukilo siripot syikal sipunenan, ruania ai kabagania tapung bulat simaeru, tugalai pasamba tula, pakeiet buluakenen komen sitarekakenen; 80sara pulokat pulu syikal mas sanenia, ai kabagania kumanyang; 81sangamuneng jaui simanteu sibau tubu, sangamuneng biribiri simanteu sangamuneng biribiri sipurura sangarura, pakeiet buluakenen silabo; 82sangamuneng kambing simanteu, pakeiet buluakenen pasiposat jo; 83samba buluakenen pasiaraugat rua ngamuneng jaui, lima ngamuneng biribiri simanteu, lima ngamuneng kambing simanteu samba lima ngamuneng biribiri sipurura sangarura. Nenda te panguruat Ahira togat Enan.
84Nenda te panguruat ka punen aitutulaiji kudduat pasibuluat ka gogoi aitutulaiji kudduat pasibuluat nenda, sibara ka rubeiat siuteake Israel, iate pulurua ngapiring perak, pulurua ngabokor pasisubui sigalai ka perak, pulurua pulokat mas. 85Sanenia senen piring iate sangotu telu pulu syikal perak, samba sanen bokor pasisubui iate pulu syikal; sangamberi pugalai sibara ka mas nenda ai rua ngaribu epatngotu syikal sanenia, tukilo siripot syikal sipunenan. 86Iageti pulurua pulokat mas sibara kabaga kumanyang, senen pulokat pulu syikal sanenia, tukilo siripot syikal sipunenan; sangamberi pulokat mas nenda ai sangotu ruapuluh syikal sanenia. 87Sangamberi tarimeu buluakenen silabo nenda iate pulu rua ngamuneng jaui simanteu, pulurua ngamuneng biribiri simanteu, pulurua ngamuneng biribiri sipurura sangarura, pasamba buluakenen komen sitarekakenen; samba pulurua ngamuneng kambing simanteu buluakenen pasiposat jo. 88Sangamberi tarimeu buluaknen puaraugat nenda iate rua puluepat ngamuneng jaui simanteu, enam pulu ngamuneng biribiri simanteu, enam pulu ngamuneng kambing simanteu, enam pulu ngamuneng biribiri sipurura sangarura. Nenda panguruat punen kudduat pasibuluat, ka lepat aitutulaiji kudduat pasibuuat nenda.
89Ke tuguru si Mose kabagat Sapou Paailiat bule ipatiboakeNia, arepnangan leu nganga sipasikua katubunia sibara ka uddut tabbot pasiabanan, ka uddut petit surukat Taikamanua, katalagat rua kappo nenda; kisedda te ipanibo katubunia.
@LAI 2015