4Mos. 26
26
Pangandeat sikarua
1 #
4Mos. 1:1-46
Lepat aitukapplu pugejaat baga nenda, kuanangan si Tuhan kai Mose samba kai Eleazar, togat Imam Aron, 2“Buita nubaraake kam pangandeat igit sirimanua ka sangamberi paamian Israel senen muntogat. Sangamberi taimanteu sipurura rua pulu ngarura kapata sioi ibailiu saladdu, buita nusuratnake kam.” 3Si Mose samba si Eleazar masigalaiake parenta nenda. 4Sogairangan sangamberi taimanteu sipurura rua pulu ngarura kapata samba ruruakerangan sia ka polak simagaktuk ka Moab, ka silat bagat oinan Jordan, ka be'bet laggai Jerikho.
Nene te oninda tai Israel sibebela sibara ka Misir:
5Sibara ka suku Ruben, togat Jakob sikebbukat: muntogat Henokh, Palu, 6Hezron samba Karmi. 7Taimanteu ka bagat sangamberi muntogat nenda igitdra epat pulutelu ngaribu pitungotu telupulu sia. 8Togat Palu iate si Eliab, 9samba tatogat Eliab, iate Nemuel, Datan samba si Abiram. Si Datan samba si Abiram nenda arapilingan sia sapaamian, tapoi apatadde le sia pasamba sangamberi sipasitutut si Korah masiaggangi si Mose samba si Aron samba masisaggangi si Tuhan. 10Lepa tubukanangan polak samba guknangan sia bailiu matei sia pasamba si Korah samba sipasitututnia ka teteret obengan masisubuake rua ngotulima pulu sia taimanteu. Pagalaiat nenda ibailiu repdemen ka bangsa Israel. 11Tapoi tatogat Korah ta amatei sia.
12Sibara ka suku Simeon: Muntogat Nemuel, Jamin, Jakhin, 13Zerah samba Saul. 14Igitdra taimanteu ka muntogat nenda iate rua puluruangaribu ruangotu sia.
15Sibara ka suku Gad: Muntogat Zefon, Hagi, Syuni, 16Ozni, Eri, 17Arod samba Areli. 18Igitda taimanteu ka suku nenda iate epat pulungaribu limangotu sia.
19Rua togat Jehuda: iate si Er samba Onan, amateian sia ka laggai Kanaan. 20Sibara ka suku Jehuda: Kaum Syela muntogatdra tai Syela, barania kai Peres samba kai Zerah muntogatdra tai Zerah. 21Peres, Zerah, Hezron samba Hamul. 22Igitdra taimanteu ka muntogat nenda iate pitu puluenem ngaribu limangotu sia.
23Sibara ka suku Isakhar: Muntogat Tola, Pua, 24Jasub samba Simron. 25Igitdra taimanteu ka suku nenda iate enem puluepat ngaribu telungotu sia.
26Sibara ka suku Zebulon: Muntogat Seret, Elon samba Jahleel. 27Igitdra taimanteu ka suku nenda iate enem pulungaribu limangotu sia.
28Sibara ka suku Josep, sibara rua tatoga taimanteu: suku Manasye samba suku Efraim.
29Suku Manasye: Makhir, tohat Manasye, iate ukkui Gilead, samba sangamberi muntogat nene: 30Muntogat Iezer, Helek, 31Asriel, Sekhem, 32Semida samba Hefer. 33Zelafehad togat Hefer ta anai tatogania simanteu, sarat tainanalep le. Onindra iate Mahla, Noa, Hogla, Milka samba Tirza. 34Igitdra taimanteu ka suku nenda iate lima puluruangaribu pitungotu sia.
35Sibara ka suku Efraim: muntogat Sutelah, Bekher, samba Tahan. 36Muntogat Eran iate paninikat Sutelah. 37Igitdra taimanteu ka suku nenda iate telu puluruangaribu limangotu sia. Iate sangamberi muntogat painikat Josep.
38Sibara suku Benjamin: muntogat Bela, Asybel, Ahiram, 39Sefufam samba Hufam. 40Muntogat Ared samba Naaman iate paninikat Bela. 41Igitdra taimanteu ka bagat muntogat nene iate epat pululimangaribu enemngotu sia.
42Sibara ka suku Dan: muntogat Suham. 43Igitdra taimanteu ka bagat muntogat nene iate enem puluepatngaribu epatngotu sia.
44Sibara ka suku Asyer: muntogat Jimna, Jiswi samba Beria. 45Muntogat Heber samba Malkiel iate paninikat Beria. 46Si Asyer ai togania sinanalep sipuoni Serah. 47Igitdra taimanteu ka bagat muntogat nene iate lima pulutelungaribu epatngotu sia.
48Sibara ka suku Naftali: muntogat Jahzeel, Guni, 49Jezer samba Syilem. 50Igitdra taimanteu ka bagat suku nene iate epat pululimangaribu epatngotu sia.
51Tadde'ra taimanteu sibara ka tai Israel enem ngotusarangaribu pitungotu telupulu sia.
52 #
4Mos. 34:13; Jos. 14:1-2 Kuanangan si Tuhan, kai Mose, 53“Rubeiake polak nenda ka sangamberi suku bangsa Israel siripot beunan senen sukutdra. 54Ka tubudra suku sabeu buita nukau rubeiatdra sabeu, samba ka suku sigoiso, rubeiat sigoiso.”
55Galaiake pasirubeiat polak nenda ka enungan pauktuk. 56Kipa siripot siteuakenen pauktungan nenda buita nurubeiake sibailiu ikepmakenen senen suku, ka talagat sabeu samba sigoiso igitdra.”
57Kaum Suku Lewi siate muntogat Gerson, Kehat samba Merari. 58Ka bagat paninikatdra ai leu muntogat Libni, Hebron, Mahli, Musi samba Korah. Si Kehat iate ukkui Amran. 59Si Amran masitalimouake si Jokhebed, togat Lewi. Aiputu'tu matania si Jokhebed ka Misir. Si Amran samba si Jokhebed ai rua tatogatdra taimanteu: si Aron samba si Mose, samba sara sinanalep, si Miryam. 60#4Mos. 3:2 Si Aron ai epat tatogania taimanteu: si Nadab, Abihu, Eleazar samba Itamar. 61#3Mos. 10:1-2; 4Mos. 3:4 Si Nadab samba si Abihu matei sia ka teteret arapanguruatnake obengan sitaiobaket bagat Taikamanua. 62Taimanteu sibara ka suku Lewi sipururura kapatat sangalaggo igitdra iate rua pulu telungaribu sia. Atusaraake le ka sia surat oninda sibara ka sabangsadra, kalulut ta anai ikepmakenendra polak ka Israel.
63Nenda te surat oininda sigalai Mose samba Imam Eleazar pagalaiat sangamberi muntogat Israel ka teteret arabaraake pasisuranan oni ka polak simagaktuk ka Moab ka silat bagat oinan Jordan ka bebet Jerikho. 64Ka talagat sangamberi sirimanua siboiki sinuratnakenen Mose samba si Aron ka simangetau ka Sinai, ta anai beri sia sara sipuririmanua. 65Aikuangan si Tuhan mamatei le sia sangamberidra ka simatangeu. Samba kirenangan amatei sia sangamberidra, sarat si Kaleb togat Jefune samba si Josua togat Nun le amulegei sipuririmanua.
@LAI 2015