Jol. 3
3
Taikamanua masiukum sangamberi saggak
1Kuananan si Tuhan, “Kateteret nenda, Jerusalem samba Jehuda Kutotoiliake minca erut puririmanuanda. 2Sangamberi bangsa kururuake, samba Kuambit le sia ka Peleu Pasiukuman. Lepa Kuukum le sia siripot jodra sigaliara katubut sangamberi bangsaKu, aipoi araparubeian polak Israel, samba raribbaiake bangsaKu ka laggai sirimanua. 3Galairangan surat pauktungan, bule ioi rateuake, kasei masibakkati sangamberi sitangsiakenen. Rasakiake siokko samba silainge, rabailiuake sia pagugulet sahaya. Bulagatda rapakeinia paelet samba sakit lora anggur. 4#Jes. 14:29-31, 23:1-18; Jer. 47:1-7; Jehz. 25:15–28:26, Ams. 1:6-10; Zep. 2:4-7; Zakh. 9:1-7; Mat. 11:21-22; Luk. 10:13-14Aponia kaumui Aku nene, ale Tirus, Sidon samba sangamberimui ka tobbou Filistin? Aileu nurerepdep masisiliake lagat bagam katubukKu? oto silo le pasisiliatKu ioi simaruei. 5Mas samba perakKu anuraurauan, samba pukaioatKu simakeppu saki anuabbitnan ka umam. 6Sipulalaggai ka Jehuda samba ka Jerusalem anuambitnan tuareu ka laggaira; lepa sakiakenungan sia ka bangsa Junani. 7Kineneiget kuambit le sia rabela ka kudduat anusakiake sia, samba kusisiliake le jom sigalainu katubudda. 8Togam simanteu samba sinanalep Kusakiake geti katubutda tai Jehuda, lepa geti sakiakerangan sia minca katubutda tai Syeba, ka laggai simakope reunan. Aku, Tuhan amasikua.
9Paagaiake nene katubutda tai bangsa; patarek kam tubumui pasaggak samba masisibo tubu! koiniake saladdu samba sipasaggak; ruruake sangamberi tai saladdu samba riuriuake kam!
10 #
Jes. 2:4; Mik. 4:3 Paddai kam papakkrumui bailiu lanjau, sasabi' bailiu sosoat. Sirimanua sitaioitubu leuet masikua, ‘Momoi aku pasaggak kele saladdutda.’ 11Kawan konan kam simaruei, ale tai bangsa sibara kasenen kudduat! paruru kam kalembah sedda.”
Oi, Tuhan, koiniake saladdum rasaggangi sia! 12Kuanangan minca si Tuhan, “Kam tai bangsa patarek kam tubumui, samba kenan kam ka peleu pasiukuman. Sedda te Kuukum tai bangsa pabebeakendra tai bangsaKu. 13#Pamoil. 14:15, 19-20, 19:15Bulat makatai le sia, pasagriji le sia kele gandum simara ka mone. Paperakinungan sia kele anggur kabagat pamerakat, simasun pat mapilinangan. 14Sipuriribu sia ka su'sut Pasiukuman. Aipoi sedda te iooi geti gogoi kaoijanan Tuhan.
15Matat sulu samba laggo, ibailiu magepgep samba panyanyat taan matoro.
Taikamanua masisukatake paamianNia
16 #
Ams. 1:2
Si Tuhan murou barania ka Sion, ka leleuNia
barania ka Jerusalem mugok ngangaNia,
manua samba polak mungeungeu kalulutNia.
Tapoi si Tuhan masipakolou,
samba masisakkeri Israel, bangsaNia.
17“Ale Israel, kineneiget te nuagainia,
Aku te' Tuhan Taikamanuam.
KudduatKu ka Sion, ka leleuKu sipunenan,
sirimanua siooiake taan momoi ragurukinia minca.
18Kateterenia nenda,
sangamberi monen anggur, tarimeu mukom parou
ka tinambu simagabru,
bagat oinan ka Jehuda taan sasapru oinannia.
Ai sara bagat oinan muguruk barania ka uman Tuhan,
samba masisuaiji su'sut Akasia,
pasamba oinan simalina.
19Misir ibailiu simatangeu,
samba Edom ibailiu simagarak,
taan sia sirimanua sikudduijinia,
aipoi arasaggangingan tai Jehuda,
samba mateiakerangan sirimanua,
sipulalaggai sitaanai jo.
20Tapoi Jehuda maririru le tukudduiji teret buruburu
samba Jerusalen teret mupaniikat.
21Kululumunake le geti logaura sitapei akulumnake,
Tuhan mukuddu le ka Sion simariuriu.
Currently Selected:
Jol. 3: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
