Jak. 5
5
Repdemenda simakayo
1Arep kam, kam simakayo, pusou kam samba pugeri kam ka pagalaiat pugejaat baga sipuaaili ka tubumui! 2#Mat. 6:19 Pukayoatmui amabutean, samba bibiletmui aikoman tabbubulut. 3Mas samba perakmui amakaopman; samba kaopnia ia te bailiu pasimuneng ka kam samba ikom akkulamui kele api. Anururuakean kam pukayoat ka teteret gogoi kalepakat. 4#5Mos. 24:14, 15 Amaarepman gerei sabeu, kalulut taikakaumui upada sipugagalai masigetai ka monemui, samba huihuira sipasigegetai beramui asegean ka piu Tuhan Sipulugege. 5Aisaliuan ektek samba pusasanangmui murimanua ka polak nene; numomoake kam tubumui samba le kele ka gogoi panajakat. 6Nuukum kam samba numateiake kam sirimanua simaroipo; ta ralawan kam.
Muom baga ka gejat baga samba manindou
7Oto kau imaom bagamui, sasaraina, teret oi si Tuhan. Itco le kam om bagat sipumomone ingena bua simakeppu saki ka polaknia samba iomake teret ibele urat rura sigoiso samba rura sabeu. 8Kam leu, kau imaom bagamui, paron kam paatuatmui, aipoi kaoijanan Tuhan amalegerengan.
9Sasaraina, bui nupangungu kam pasasambamui, bui ituukum kam! Amurioan te nia ka matatbaliu Sipasiukum. 10Sasaraina, ului le kam pangoringan samba puoman bagada tai nabi sipaninibo ka onin Tuhan. 11#Job 1:21-22, 2:10; Psalm. 103:8 Bulatnia takua sia simauktuk sipuoom baga. Anuarepman kam pagalaiat om bagat Job samba anuagaian kam apa pinatarek Tuhan ka tubunia ka kalepakatnia, aipoi sipulukatet baga le si Tuhan samba simasun nuntut baga.
12 #
Mat. 5:34-37
Tapoi bulat siboiki sasarainangku, bui nupusuppa kam, ele ka onin manua ele ka onin polak ele ka onin apa pa bagei. Ke oo, kua kam oo, ke taa, kua kam taa, bui iorak kam ukum.
13Ai bai ka talagamui siorak gejat baga, kau ipanindou! Ke ai bai simaangka baga, kau ipuurai. 14#Mrk. 6:13 Ai bai ka talagamui simabesi, kau isogai tai baja gareja ratiddouake nia samba raposaake tula ka tubunia ka onin Tuhan. 15Samba panindogat sibara ka tonem baga, iaaleake simabesi samba isusuruake nia si Tuhan; samba ke ai aigalai jo, appeakenangan jonia. 16Oto kau nuseseake kam jomui ka pasasambamui samba nupatiddouake kam pasasambamui, bule numale kam. Bulat matulu panindogat simaroipo baga, ke ka tonem baga ipanindou. 17#1Rim. 17:1, 18:1 Si Elia, sirimanua le nia kele sita; panindounangan sipulelelek bui ibele urat, taibelenangan leu urat ka polak telu ngarura enem ngalaggo. 18#1Rim. 18:42-45 Lepa panindounangan minca, beleakenangan leu urat manua, belaakenangan buania ka sia polak.
19Ale sasarainangku, ai bai ka talagamui simapepepe ka pubulanan, samba ai sipasitotoiliake nia, 20#Pangt. 10:12; 1Ptr. 4:8 repdep kam: Sipasitotoiliake sijo ka pupepeatnia, iaarauakean te ketsat sijo nenda ka pulangokat samba itabbo maigi jo.
Currently Selected:
Jak. 5: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
