Jes. 2
2
Sion sibailiu kudduat purimataat paabanan
1Tiboiet sipoiliat katubut Jesaya togat Amos pagalaiat Jehuda samba Jerusalem.
2Muaaili te ka kalepakat gogoi
leleu kudduat uman Tuhan
muririo te geti ka tirit paleleuleleu
samba musumbulat ka patinambutinambu;
senen sirimanua moi le sia geti simakere,
3samba maigi te sirimanua siei sedda, kuarangan:
“Sita, manatra ka leleu Tuhan,
ka uman Taikamanuan Jakob,
bule igelaiake sita pagalaiat enunganNia
samba bule tapuenung taenunginia,
kalulut sibara ka Sion bebela te nganturat
samba tiboiet Tuhan sibara ka Jerusalem.”
4 #
Jol. 3:10
Bailiunangan te getiNia sipasiukum katalagat sangamberi laggai,
samba sipasiteteuake ka sirimanua simigi;
paddairangan geti lanjaura ibailiu sasabik
samba simuine bakkat bailiu balatu pasisapu;
taan raoppat lanjau sirimanua ka sirimanua,
samba taan masigegelai sia pasaggak.
5Ale, muntogat Jakob,
sita kam muenung
kabagat patot Tuhan!
Ukuman Tuhan ka sangamberi sirimanua sibuakake patuatnia
6Bulatnia, anuribbaiakean paamianNu,
iate muntogat Jakob,
kalulut ka senen kudduat ragalaiake kerei kele simaturere ragalaiake sia sirimanua ka isit sikalaut
samba putatawa kele tai Filistin,
samba sirimanua siooiake katalagatda makope igi.
7Laggaira sun le mas samba perak,
samba pukaioatda bulat maigi;
laggainia sun le kuro
samba kereta pasaggak bulat maigi.
8Laggainia sun le sabulungan
murekkuk le sia manindou ka sigalai kabeira
samba ka sigalai kabeira.
9Bailiu sirimanua tupaloloi
samba sirimanua tuepeake –
bui' nuaappeake sia ale Tuhan.
10 #
2Tes. 1:9; Pamoil. 6:15 Guruake kam ka oilak leleu bukku
samba pulipput kam kabagat ngaliu polak
kalulut kopet golut Tuhan
samba kalulut laingen pulatsananNia.
11Sirimanua simabuak patuat tuepeake,
samba sirimanua simaukkat tupaloloi;
samba sarat Tuhan le siabeu
ka gogoi nenda.
12Kalulut Tuhan Sebaot masiteuake sara gogoi
masiukum sangamberi simabuak patuat samba simaukkat
samba leu masiukum sangamberi simaoddoi, bule ituepeake;
13ituukumake sangamberi loina pinilok ka Libanon
sipututu'tu simabuak samba simariuriu musumbulat,
samba masiukum sangamberi loina sokut ka Basan;
14masiukum sangamberi leleu simabuak
samba sangamberi tinambu sipusumbulat ka pata;
15masiukum sangamberi kudduat pujagoat simabuak
samba sangamberi irip simaron'
16masiukum sangamberi kapa'ra tai Tarsis
samba sangamberi kapa' bulat simalainge.
17Sirimanua simabuak patuat tuepeake le geti
ka gogoi nenda.
18Oto sabulungan geti
mapepe le.
19Guruake kam ka ngaliu leleu bukku
samba pulipput kam kabagat lobok polak
kalulut kopet golut Tuhan
samba kalulut laingen pulatsananNia,
kateteret ioi ipalotoki polak.
20Ka gogoi nenda sabulungan perak samba sabulungan mas
sigalai kabei sirimanua bule rapurekkuk manindou katubunia
turibbaiake le geti ka birut samba ka leituak,
21samba tuguru le getinia ka polou leleu bukku
samba ka paoggangan tinambu simabukku
kalulut kopet golut Tuhan
samba kalulut pulaingean pulatsananNia,
kateteret ioi ipalotoki polak.
22Bui' nupukaronan ka sirimanua,
kalulut ta abelenia kele enga siulupakenen,
samba taanai katukaunannia.
@LAI 2015