2Kor. 6
6
1Kalulut alei pagalaiakenen Taikamanua le kai, kupanganturu kai kam, bui nupasibbu kam kiliu bagat Taikamanua sinilomui. 2#Jes. 49:8 Aikuangan poi Taikamanua,
“Ka tetere siobat bagaku, akuarepingan ekeu,
samba ka gogoi pasiaragatku, akuromakean ekeu.”
Bulatnia, kineneigetnan te tetere puobakat baga; bulatnia kineneigetnan te gogoi pasiaragat.
3Ta anai akubaraake kai katusoksonganda kasei pa, bui tupaloloi galajetmai. 4Tapoi ka bagat sangamberinia kupakoinong kai pagugulet Taikamanua le kai ia te: ka bagat om baga masiorik paoreat, gejat baga samba puokkiman, 5#Pugap. 16:23 ka bagat masiorik bobobo, ka bagat penjara, ka bagat pugaugapat, ka bagat pusaggoat, ka bagat pumamata, ka bagat pupupuaso; 6ka bagat pulilinat paatuat, puaagai, puoom baga samba pueerut baga, ka bagat Ketsat Sipunenan, samba nuntut baga si ta patajuat; 7ka bagat masipaarep pubulanan samba geget Taikamanua; ka bagat masipakei pamatei puroipoat masisaggangi ele masijago tubu; 8rasuru kai, tapoi rapaloloi leu et; rapakuaiji samba raumun; raaddeake kai sipatataju, tapoi katonemiet; 9kele sirimanua taiaagaiet, oto raagai kai sirimanua; kele sirimanua simalegere matei, tapoi ai le muririmanua; kele sirimanua oreiet, tapoi ta mamatei; 10kele sipurereureu baga, tapoi sarat muangka baga le; kele simageba, tapoi masipakayo maigi sirimanua; kele si ta anai apa pa, tapoi sangamberinia le kubakkati kai.
11Ale tai Korintus! Akubelaakean kai tiboietmai simakolou ka kam; paatuatmai atungangaan. 12Ta maokkip kam ka bagat paatuatmai, kai le maokkip ka bagat paatuatmui. 13Oto kineneiget, bule imakere, buka leu kam simalio paatuatmui ka kai! (Kele ka tatogakungan le kupaninibo.)
Nganturat masijago tubu ka pulolinan arat sabulungan
14Bui ibailiu kam aleira sitaimatonem baga. Aipoi aponia pakerekat puroipoat ka pukataikat? Ele aponia paakkuman pato ka gepgep? 15Aponia pakerekat Kristus ka Belial? Ele pakerekatnia rubeiatda simatonem baga ka sitaimatonem baga? 16#3Mos. 26:12; Jehz. 37:27; 1Kor. 3:16, 6:19 Apa patabbarat Uman Taikamanua ka buluat? Aipoi sita te uman Taikamanua sipuririmanua, siripot sikuat Taikamanua nene,
“Ka talagada le geti kukukuddu samba murimanua,
samba bailiu aku Taikamanuanda,
samba sia bailiu bangsaku.
17 #
Jes. 52:11
Ianenda: Belaake kam tubumai ka talagada,
samba areuake kam tubumui ka tubuda,” ngangan Tuhan,
“samba bui nurape kam simalolit,
bule kusilo kam.
18 #
2Sam. 7:14; 1Taw. 17:13; Jes. 43:6; Jer. 31:9 Bailiunangan aku Ukkuimui,
samba kam bailiu tatogaku simanteu samba
tatogaku sinanalep,”
kisedda te ngangan Tuhan Sipulugege.
Currently Selected:
2Kor. 6: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
