2Taw. 3
3
Salomo masigalai Uman Tuhan
1 #
1Mos. 22:22
Iageti taddaakenangan si Salomo masigalai Uman Tuhan ka Jerusalem ka leleu Moria, ka kudduat aipatoila tubunia si Tuhan katubut David, ukkuinia, ka kudduat siripot siteuakenen David, iate ka pasigulunan bakkat Ornan, tai Jebus. 2Aitaddaake masigalai uma nenda iate ka laggo sikarua, ka rura sikaepat puparentaatnia. 3Nene te kirekat aipakei si Salomo kabagat masigalai Uman Taikamanua: Nanta enem pulu eto siripot kirekat eto siburu, lio rua pulu eto. 4Nantat bilik rubeiat ka matat Uman Tuhan nenda iate rua pulu eto, buaknia sangotu rua puluh eto, karubeiat kabagat bilik nenda tulakkeki mas simaeru. 5Bilik sabeu nenda rupinia loina sanobar, loina nenda tulakkeki mas siburu. Ka lakkekat mas nenda ai tularat loina korma samba tularat palenggui ka uddutnia. 6Rimata masipalainge uma nenda pasamba bukku simakeppu saki samba mas sibara ka laggai Parwaim. 7Kaunangan leu mas nenda lakket rupit Uman Tuhan, ariginia, taggat matatbaliu rupi samba matatbaliunia. Sangamberi rupinia tutularani tularat malaika. 8#2Mos. 26:33-34 Iageti galainangan leu sara bilik bulat Sipunenan; nantania rua pulu eto, siripot liot uma nenda, samba lionia rua pulu eto leu et. Lepa lakkekinangannia mas siburu, sanenia rua pulu ngaton; 9samba lima ngotu pitu pulu gram mas galajet patta. Sangamberi bilik ka rubeiat ka pata leu tulakkeki mas.
10 #
2Mos. 25:18-20
Galainangan rua tularat kappo malaika sipae ka bilik bulat Sipunenan samba lakkekinangannia mas. 11Tularat kappo nenda sangamberinia rua pulu eto nantania; sangasila kappot malaika nantania lima eto samba bongnangannia rupit bilik, sangasila minca nantania lima eto, samba masibong tularat kappot malaika bagei. 12Kisedda leu et tularat kappo malaika sikarua nantania lima eto ibong leu rupit bilik nenda, samba leu tularat kappo malaika sangasila nantania lima eto samba aipasasappo tularat kappo siboiki. 13Oto karua tularat kappo malaika nenda tunganga' nanatania rua pulu eto, karua tularat kappo malaika nenda murio samba masimatai bilik bulat Sipunenan. 14#2Mos. 26:31 Iageti galainangan komak sibailiu kekret bilik, komak simasuat laiket, komak simabonan samba komak juto. Komak nenda tukau pulaingeannia tularat kappo malaika.
Pulaingean Uman Tuhan sibara ka logam
(1Rim. 7:15-22)
15Galainangan leu si Salomo rua arigi ka matat uma nenda, buaknia telu pulu lima eto. Senen arigi nenda ai utenia buaknia lima eto. 16Lepa galainangan leu palenggui sitikai kaunen sibailiu inu ka utet arigi nenda, samba galainangan leu sangotu ngambua delima kaunen ka palenggui sitikai. 17Karua arigi nenda rioakenangannia saigit kai katciu samba kai kattoet gugurukat Uman Tuhan. Arigi kai kattoet, kaunangan oninia Jakhin, samba kai katsiu oniakenangannia Boas.
Currently Selected:
2Taw. 3: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
