1Tim. 2
2
Panindogat paamian
1Bulat siboiki kunganturuake: Bule nugalaiake masitiddou, manindou, masitiddouake samba pusurakat siaili sangamberi sirimanua; 2punu tubuda tai rimata samba sangamberi siabeu tiboi tubu, bule imarokdang samba imaeru puririmanuanta ka bagat topit samba lelek tubu. 3Nene poi simaeru, sipasesese ka matat Taikamanua Sipaarau sita, 4sibesiake bule sangamberi sirimanua tuarauake samba masisese puaagai pagalaiat pubulanan. 5Sara le poi Taikamanua, sara leu sipatalaga ka Taikamanua samba sirimanua, ia te sirimanua Kristus Jesus, 6sibuluake tubunia panebuira sangamberi sirimanua, ia te munengakenen ka tetere sinetereakenen. 7#2Tim. 1:11 Masimunengake nenda te aiturioake aku bailiu sipungangantoman samba apostel masigelaiake bangsa ta Jahudi ka pagalaiat tonem baga samba pubulanan. Sikuaku nene sibulatnia, ta bokoku.
8Oto kalulut nene kiddiet bagaku bule kaipa kaipa ka senen kudduat taimanteu manindou masitinoake kabei simalina, si ta golu samba si ta pajoggolat. 9#1Ptr. 3:3 Kisedda leu et tainanalep, bule rapalainge tubuda simateu, simasuru samba sipasesese, alai bui sinikai, bui masipakei mas ele inu ele leppei simakeppu saki. 10Tapoi kau le ipalainge tubunia ka pasigagalai galajet simaeru, siripot simateu ka tainanalep simasuru ka Taikamanua. 11Tainanalep buita masigelai mumengmeng samba muepe paatuat. 12Ta kuoobaake tainanalep masigelaiake ele masipaneinei taimanteu; buita mumengmeng le sia. 13#1Mos. 2:7, 2:21, 22 Aipoi si Adam le boiki atubaraake, lepa si Eba. 14#1Mos. 3:1-6 Samba ta si Adam atupataju, sinanalep le atupataju, bailiu masipasabau parentat Taikamanua. 15Tapoi tuaarauake leu sinanalep kalulut masitutuake matat toga, ke mariuriu nia ka bagat tonem baga, nuntut baga, pususuru ka bagat epet paatuat.
Currently Selected:
1Tim. 2: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
