1Tes. 1
1
Salam
1 #
Pugap. 17:1
Sibara kai Paulus, Silwanus samba Timoteus masiailiake paamian Tesalonika sikuddu ka bagat Taikamanua Ukkui samba Tuhan Jesus Kristus. Kiliu baga samba aban masipaalei kam.
Puririmanua samba tonem bagada tai Tesalonika
2Riuriu le kusuraki kai Taikamanua kalulut kam sangamberimui samba kurepdep kai kam ka bagat panindogatmai. 3Aipoi sarat kurepdep le kai galajetmui ka bagat tonem baga, pusaggoatmui ka bagat nuntut baga samba om bagamui masikaroni Tuhanta Jesus Kristus ka matat Taikamanua Ukkuita. 4Kuagai poi kai sasaraina kilibet bagat Taikamanua, sipilinia le kam. 5Aipoi Katuareman Simaeru sipaarepmai ta sarat ka bagat tiboiet aitusegeake ka kam, tapoi ka bagat ron le samba ka bagat Ketsat Sipunenan samba katoneman le pubulanannia. Kirenangan anuagaian kam kipa puririmanuamai ka talagamui, kalulut kam. 6#Pugap. 17:5-9 Samba aibailiuan kam sipasiului kai samba sipasiului si Tuhan; ka bagat pugejaat baga simasane le anusilo kam tiboiet sialei angkat baga sibara ka Ketsat Sipunenan, 7pat bailiunangan kam uluiet ka sangamberi simatonem baga ka Makedonia samba Akhaya. 8Aipoi sibara ka talagamui le aipunau tiboiet Tuhan, ta sarat ka Makedonia samba Akhaya, tapoi ka senen kudduat amaarepman pagalaiat tonem bagamui ka Taikamanua; bailiu taan leu besiakenen kutiboi apa pa pagalaiat nenda. 9Siangan le poi amasinunuake pagalaiat kipa sisilomui kai samba kipa kakaddiuakemui buluat toili ka Taikamanua masipuuku Taikamanua sipuririmanua samba sibulatnia, 10samba masingenaake kaoijanan Togania sibara ka sorga, sisuruakenennia ka simamatei, ia te siarauake sita ka golu sibabara geti.
Currently Selected:
1Tes. 1: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
