1Kor. 5
5
Jo ka bagat paamian
1 #
5Mos. 22:30
Bulat amaarepman kababarat puumunan ka talagamui; beringan ka sipuarat sabulungan ta anai atusese puumunan kele nene, ia te ai sipuumunake sinanalep ukkuinia. 2Kenanen kisedda, mabuak le paatuatmui. Ta siripokatnia marereureu le bagamui samba nuareuake kam ka talagamui sirimanua sigalaiake kele nene? 3Aipoi aku, kenanen tubuku ta anai ka talagamui, ka bagat ketsat geti ai aku ka talagamui, samba kele ai aku ka talagamui akutakkiakean ukuman ka sia sigalaiake kele nene. 4Ke paruru sita ka bagat ketsat, kam samba aku, ka geget Jesus Tuhanta, 5buita tusegeake sirimanua nenda ka Sanitu ka onin Tuhan Jesus imatei tubunia, bule ipuarau ketsatnia ka gogoi kaoijanan Tuhan.
6 #
Gal. 5:9
Ta maeru nuumunake kam tubumui. Ta nuagai kam, goiso le sioman, bailiu mugoo sangatatappa tapung. 7#2Mos. 12:5 Ribbaiake kam sioman siburu, bule ibailiu kam tapung sibau, kirenangan poi ta sisiomi kam. Aipoi Togat Biribiri Paskata atubuluakean, ia te Kristus. 8#2Mos. 13:7; 5Mos. 16:3 Oto kauan tapupunen kam, bui ka sipusioman siburu, bui leu ka sioman pukataikat samba pujojo, tapoi ka roti sitasioman le, ia te pulinakat samba pubulanan.
9Ka suratku akusuratnakean ka kam, bui nupaaleiake kam sia sirimanua sipuuumun. 10Ta sangamberi sipuuumun ka polak nene kukukua, ele sangamberi simaalau baga, ele sipatataju ele sipanindogi buluat. Kisedda bai nia, buita belangan le kam ka polak nene. 11Nene le akukua ka kam ka surat, bui nupaaleiake kam sia kenanen raoniake tubuda Kristen, tapoi sipuuumun le, simaalau baga, sipanindogi buluat, simaasa, sipupupuineng ele sipatataju; sirimanua kele nene bulat bui nupakomake kam sia.
12 #
5Mos. 13:5, 17:7 Aipoi apananku kuukum sia sikuddu ka bebe? Ta sia saladdou paamian le ukumakenenmui? 13Sia sikuddu ka bebe geti Taikamanua le iuukum sia. Areuake kam sia ka talagamui sigalai jo.
Currently Selected:
1Kor. 5: MWV
Highlight
Copy
Compare
Share
Want to have your highlights saved across all your devices? Sign up or sign in
@LAI 2015
