मरकुस 16

ईसु जियो रिमेनायू

(मत्ती 28:1-8; लूका 24:1-12; एहुन्‍ना 20:1-10)

1जब सब्द राः दिन बितो एना, तहाँ मगदलीनी रेनिय मरियोम अवुर एकूब इंगत मरियोम अवुर सलोमी नेकू सोंओंः हेना चीज सेनकोःते लास रेकू लगोवे लगड कू तिला तेडा। 2हपता राः सुरू दिन अखीर ञींदाते बेर उगोः तोलोग, हेंकू मरघटी रेकू सेनेना, 3अवुर अनाकू अनाकू कहनी ओड़ेंग दोहो एनु, “अबू लगड मरघटी दुवर राः दिरी ईया गुंदड़ी अड़ी वबुआ?” 4हेना वरी हेंकू ञेंलतेड दो दिरी गुंदड़ी अड़ी तना; अवुर हेना दिरी बेस बडेआ दोहो एना। 5हेंकू मरघटी भीतर कू बोलो एना, तहाँ मियाँहोड़ पुँडिआ कपड़ा तुसींञ तडय, जोम गतर रेय दुड़ूब तन तोलोग कू ञेंल ञँमतेडिया, अवुर हेंकू अखीर कू बोरो तेडा। 6तहाँ हेंय कहनी वडकू, “अलोपे बो-रू, कुरूस रे रकब तेडिया, नसरेत रेनिय ईसु पे छपा यडा, हेंय जियो रिमकेनायू, ना रे कोवाया; ञें-लेपे, नआँ हेंय कू दोहो तेडा हे-ना जघा हवे। 7#मत्ती 26:32; मरकुस 14:28लेकिन अपे चलोः पे, अवुर अपे हेंय रेनकू चेलाकू अवुर पतरस थरे पे कहनियूँ कि अपे वरी मड़ंग ते हेंय गलील रेय सेनुआ। जेयसे हेंय अपे थरेय कहनी तेडा, अपे हेंय हें-डेपे ञेंलेया।” 8अवुर हेंकू मरघटी वरी उडूंग केनतेकू ञींरियानु; कहेकि हेंकू एखलाःकू अवुर हेंकू अकबको यनकू; अवुर हेंकू कनय थरे कनर मेनते मेने कू कहनी गडा, कहेकि हेंकू बोर दोहो एनकू।

ईसु मगदलीनी रेनिय मरियोम थरेय देखर एना

(मत्ती 28:9-10; एहुन्‍ना 20:11-18; लूका 24:13-35)

9हपता राः सुरू दिन अखीर ञींदाते ईसु जियो रिमकेन ते सींड़कू वरी मड़ंग ते मगदलीनी रेनिय मरियोम थरेय देखर एना, ने-नी कोड़ीहोन वरी ईसु सात गोटंग भूतकुय उडूंग तेडा। 10ईसु रेनकू गतिकू सोच फिकीर रेकू दोहो एना, अवुर कू ईयाम दोहो एनु, हेंकू थरे सेनकेन ते खभेरिय लाय तेडा। 11तहाँ हेंकू जीवत गिअय अवुरिय ञेंलवाडिया मेनाः टेबोः कू अँजोम तेडा। लेकिन हेंकू मेने कू बिसवास गडा।

12हेना वरी हेंय एटाः रूप ते हेंकू मेंडे रे बा होड़ थरे गाँव हनते चलोः तोलोगिय देखर एना। 13हेना वरी हेंकींञ हो मिड़ाः सेनकेन ते एटाः कुकींञ लाय वडा, तहाँ हेंकू होड़कू हो हेंकींञ राः टेबोः रे मेने कू बिसवास गडा।

ग्यारहो झन चेलाकू थरे ईसु देखर एना

(मत्ती 28:16-20; लूका 24:36-49; एहुन्‍ना 20:19-23; परेरित 1:6-8)

14तयोम ते ग्यारह झन चेलाकू जोमुः कू दुड़ूब तना, हेंकू थरे होय देखर एना। अवुर मेने कू बिसवास गड लगड अवुर हेंकू मन तकुकू कठोर तेडा तेय केटेज अहा वडकू दोहो एनु, कहेकि जे जे जियो रिमकेन राः बाद रेकू ञेंलवाडिया, हेंकू राः टेबोः रे मेने कू बिसवास गडा। 15#परेरित 1:8अवुर ईसु हेंकू थरेय कहनी तेडा, “गोटा दुनिया रे सेनकोःते अपे गोटा संसार रेनकू थरे बढ़ियाँः खभेर पे लायू। 16लेकिन जे बिसवासेआ अवुर बतिस्माय तिलाआ, हे-नी बंचोआ। अवुर जे होड़ मेनेय बिसवासेआ, हेंय सजा हुकूमिय ञाँमा। 17अवुर बिसवासेः हेंकू थरे नआँ घियाआ चिन्ह होयाआ कि हेंकू इंञ ञुमू ते भूत कुकू उडूंग, अवुर नवाँ नवाँः टेबोः कू टेबोआ, 18बींञ कुकू रीमा, अवुर हेंकू गोगोज हेना चीज कू ञूँ रेहो, कनर एरो कू ची एना। हेंकू रोगिया कुकू छुयोआँ, अवुर हेंकू चीकानुआँकू।”

ईसु सरग हनतेय चलो एना

(लूका 24:50-53; परेरित 1:9-11)

19 # परेरित 1:9-11 परभु ईसु हेंकू सुदा टेबोः केन राः बाद रे सरग हनते भगवान रिम गोःतेडिया, अवुर भगवान वरी जोम गतर रेय दुड़ूब एना। 20अवुर चेलाकू सेनकेन ते सींड़ जघा रेकू परचार तेडा। अवुर परभु हेंकुय सहेता वकू दोहो एनु, अवुर संगे अंगे ते चमत्कार राः दोवारा ते अनेज राः टेबोईय पक्‍का तेडा। आमेन।

Currently Selected:

मरकुस 16: ksz

Highlight

Copy

Compare