A-ROMA 14
14
1Alioze yoze unalele ku Ufulielo nukamutambule, hindu hi ha kuhangujola ko yuma yize anayambashana. 2Umwe Ufulielo ali nawo wa kulia yuma yeswe; alioze mukwo mulelu, kakulia yilimalima. 3Yoze wakuli a, kanda alelesa yoze keshi kulia; ni yoze keshi kulia kanda apatwila yoze wakulia, mumu Zambi hanamutambula. 4Yena iya, wakupatwila ngamba ya mbala? Kuli Mwene wenyi mamana, hanji malimbuka. Iye mamumanyisa; mumu Mwene mahasa kumumanyisa.
5Umwe malemesa tangwa limwe chinji, tangwa likwo chikepe: mukwo malemesa matangwa eswe chimuwika. Mweswe akalisele chinyingi liakulu mu mbunge yenyi mwene. 6Yoze malemesa tangwa, malilemesa kuli mwe Mwene; ni yoze malia, malia kuli mwe Mwene, mumu masakwila kuli Zambi; ni yoze keshi kulia, kuli mwe Mwene keshi kulia, masakwila kuli Zambi. 7Mumu niumwe wa kuli yetu mapwa ni mwono kuli iye mwene, mba niumwe mafwa kuli iye mwene. 8Mumu chipwe kachi mutupwa ni mwono, kuli Mwene mutupwa ni mwono; chipwe kachi mutufwa, kuli Mwene mutufwa: kashika chipwe mutupwa ni mwono, chipwe mutufwa, tuli a mbala a Mwene. 9Mumu ha chino Kristu yafwa, yahinduka, yatwama ni mwono cheka nawa, hanga akapwe Mwene wa eswe aali, ni wa afu ni wa a mwono.
10Alioze yena, ika te wakupatwila ndumbwe? Hanji ika te wakulelesa ndumbwe? Mumu yetu eswe kumutukamana kulutwe lia chitwamo cha upatwilo wa Zambi. 11Mumu chinasonewa ngwo,
Mwene kanambe ngwenyi, Ni mwono wami makungunwa eswe kumakaliumba kuli yami,
malimi eswe kumakahalisa Zambi.
12Chocho kevwe mutu ni mutu wa kuli yetu kumakalumbununa ha kutwala kuli iye mwene kuli Zambi.
13Kashika kanda tulipatwila nawa umwe ni mukwo ni mukwo: alioze tupatulenu chino Shinaho, ngwetu niumwe kanda asa chihukanyiso hanji chitalingiso mu jila ya ndumbwenyi. 14Ngunanyingika; ngunakunuka muli Mwene Yesu ngwami, Chuma nichimwe chapwa cha luchisa chene: shina kuli yoze machishinginyeka kupwa cha luchisa, kuli yoze hichapwa cha luchisa. 15Mumu kachi ha mukunda wa kulia ndumbwe mevwa kupiha, yena kwendele nawa mu zango. Kanda ulumbula ni kulia che yoze amufwilile Kristu. 16Mba kanda ahanjika yipi ha yipema yenu: 17mumu wanangana wa Zambi hi kulia ko, hi kunwa ko, alioze ululi, ni sambukila, ni uwahililo muli Spiritu Musandu. 18Mumu yoze malingila Kristu ni yino yuma mapemena chikolo kuli Zambi, mamusela Shindakenyo yipema kuli atu. 19Chocho tukaulenu yuma yize yatwala ku sambukila, ni yuma yize mutuhasa kulikolesa nayo umwe ni mukwo ni mukwo. 20Kanda nukonwona chitanga cha Zambi mumu ha kulia. Yuma yeswe chamwenemwene yipema; alioze muyipwa yipi kuli mutu yoze malia ni chihukanyiso. 21Chinawaha kulitwamina kulia yifwo, chipwe kunwa vinyu, chipwe kulinga chuma chimwe chize mahukanyisa nacho ndumbwe, hanji matalinga, hanji malela. 22Ufulielo uze uli nawo, pwako nawo kuli yena mwene kumeso ja Zambi. Kawaha yoze keshi kulipatwila ha chize matayiza. 23Alioze yoze mayambashana, mahia kachi malia, mumu keshi kulia cha ku Ufulielo; ni cheswacho kuchapwile cha Ufulielo, hi shili.
Currently Selected:
A-ROMA 14: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
