USOLWELO 17
17
1Mba umwe wa kuli angelo shimbiali, waze apwile ni misenge shimbiali, wejile, wahanjikile ni yami, ngwenyi, Tweya kuno, mungukulweza upatwilo wa chikoi munene, yoze watwama ha meya anji eka ni eka. 2Yoze mianangana ja hashi hanalingi nenyi utanji, ni akwa hashi hanazengewa ni vinyu ya utanji wenyi. 3Iye wangumbachile muli Spiritu ku puya; mba namwene pwo kanatwama hali ngongo muchila wa tò ni majina a kushililika, kali ni mitwe shimbiali, ni kumi lia mbinga. 4Ni pwo wazalile mahina ja ufungo ni ngengu, walejimine ni oru, ni mawe alemu, ni kakanga, kali ni musenge wa oru mu kwoko lienyi unazala ni yizelwokeso, te yuma ya luchisa ya utanji wenyi. 5Ni ha huma lienyi, jina linasonewa ngwo, Chijimbikilo, Babilonia yinene, NAYE YA YIKOI NI YA YIZELWOKESO YA HASHI. 6Namwene pwo kanazengewa ni manyinga ja asandu, ni manyinga ja yela ja Yesu.
Muze namumwene, nakomokene ni kukomoka chinene. 7Ni mungelo wambile kuli yami ngwenyi, Kuchi te wakomoka? Mungukwambulwila chijimbikilo cha pwo, ni cha ngongo yoze wakumumbata ha nyima yenyi, yoze uli ni mitwe shimbiali ni kumi lia mbinga. 8Ngongo yoze hiwamona, wapwile, keshiho; himakanduka mu jondo, maya ku kwonwona. Ni akwa hashi, waze majina jo kasonewene chize ku kusela cha fundamentu ya hashi mu mukanda wa mwono, makakomoka muze mamona ngongo yoze wapwile, keshiho, makeza. 9Muno muchili kunyonga cha mana ngwo, Mitwe shimbiali, milundu shimbiali, haze hatwama pwo. 10Kwali mianangana shimbiali, atano hanalimbuka, umuwika kwali, ni mukwo kanda achiza; ni muze meza, chamutamba kusala hakepe. 11Ni ngongo yoze wapwile, keshiho, iye mwene nawa wamuchinake, ni wa kuli e shimbiali; maya ku kwonwona. 12Ni kumi lia mbinga jize hiwamona, kumi lia mianangana, waze kanda achitambula wanangana; aiioze matambula poko ngwe mianangana, hamwe ni ngongo, ha ola yimuwika. 13Wano mbunge yimuwika akwete, yahana tachi jo ni poko yo kuli ngongo. 14Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.
15Iye yamba kuli yami ngwenyi, Meya eka ni eka aze hiwamona, haze hatwama chikoi, atu ni yizavu yinji, ni mavungu ni malimi. 16Ni kumi lia mbinga jize hiwamona, ni ngongo, wano kumakapwa ni kole kuli chikoi, makamupwisa wa hululu, makamupwisa ni uselesele, makalia musunya wenyi, makamwocha ni kahia. 17Mumu Zambi wasele mu mbunge jo mukulinga upale wenyi, mukulikunda ni mbunge yimuwika, mukuhana wanangana wo kuli ngongo, ndo maliji a Zambi mamanunuka. 18Ni pwo yoze hiwamona, limbo linene lize liakuyula mianangana ja hashi.
Currently Selected:
USOLWELO 17: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
