NAHUME 3
3
1Lamba ku chihunda cha manyinga,
cha tò ni mahuza ni upite wa kupupa—
yuma ya kupunda kechi kuhasa kuyalula!
2Liji lia shikote, kunuma cha maroda;
tuvwalu kanazomboka; matemba kanatumbwoka.
3Akwa tuvwalu kanalundumuka
ni tutana kupeyima,
ni makunga kulejima.
Mbunga ya afu,
milumba ya mijimba,
mijimba ya afu ni kuyalula ka—
kakutalinga ha mijimba!
4Chino cheswe chinakatuka ku ukoi wa mwe chikoi yoze mupema;
kali ni uleza wa kushihisa.
Kakuhandukulula mavungu ni ukoi wenyi;
kakuhandukulula atu ni uleza wenyi.
5Yehova-wa-Tujita kanambe ngwenyi,
Kunalimika ni yena,
kashika mungukufukula mahina je ndo ku meso,
hanga mavungu amone uselesele we
ni mawanangana amone sonyi je.
6Mungukukuwa luchisa;
mungukusaula;
mungukupwisa chitaletale lume.
7Waze eswe makumona makususukila ngwo,
Ninive hanamwenyeka, iya mamulila?
Kulihi mungumufupila akwa kumulembejeka?
8Ena te wapema kuhiana No-Amone
yoze Watwamine ku Nilo
wa kujingilika ni meya,
yoze watengele kalunga-lwiji chipanga chenyi,
ni meya apwile lusaso wenyi, nyi?
9Etiopia yapwile tachi jenyi
ni Engitu nawa, ni songo liakuhi ku tachi.
Ni Pute ni A-Lubimi apwile yikwashi jenyi.
10Hindu yamutwala;
yaya ku ufunge.
Anenyi akepe yaahwotola ku mitwe
ku malindalinda ja matapalo eswe.
Malunga jenyi alemu yaatela chela;
malunga jenyi anene aakashile malenge.
11Ni yena nawa mukazengewa;
mukevwa chishete;
mukafupa chiswamo kuli akwa kole.
12Yihunda yenu yeswe ya kukolesa yapwa
ngwe mikuyu ya mihuko yitangu kuhia
nyi mayinyika mihuko muyiholoka mu
kanwa lia mukwa kulia.
13Tujita twenu
hapwa ngwe mapwo hakachi kenu.
Yikolo ya chifuchi chenu
yapwa yawashi kuli akwa kole jenu.
Njalo jenu hijawema ni kahia.
14Tahenu meya ha jita ya kuseleka;
kolesenu yihunda yenu ya tachi.
Yénu ku uma,
chakenu ndambo,
kwatenu ku forma ya ndope.
15Kwenako kahia mukanulalisa,
ni katana manutetaho.
Manulia ngwe makumbi.
Liokesenu ngwe makumbi;
okenu ngwe mapasu.
16Okesele akwa kutalika jenu
kuhiana matongonoshi a mwilu.
Makumbi kanatande mapulwa jo,
kanahumuka!
17Alemu jenu anapu ngwe mapasu;
akwa kusonyeka jenu ngwe malelwa ja makumbi
waze akupwila ha yipanga ha tangwa lia chishika.
Ha kuvumbuka tangwa, kakuhumuka;
niumwe manyingika kuze anayi.
18Mwanangana wa Asuria,
tufunga twe mu tulo ali;
alemu je kananongwoka.
Atu je hanamwangana ha milundu ni akwa kwakunga akuhi.
19Yikola ye kuyichi katepuluka;
mbandu ye yipi chikolo.
Waze eswe anevu lusango we
kanasakwila koshi,
mumu iya yoze katambwile chipi che chize kuchishi kahwa?
Currently Selected:
NAHUME 3: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
