ULEVI 25
25
1Yehova yamba kuli Mose ha mulundu wa Sinai ngwenyi, 2Amba kuli A-Izalele ngwe, Muze munuheta ku chifuchi chize ngunanwehe, che chifuchi Chikwete kupwa ni Sambata kuli Yehova. 3Miaka yisambano munulima minda yenu; miaka yisambano munululieka mitondo yenu ya uva, nikuheta mihuko yayo. 4Alioze ha mwaka wamuchishimbiali mukukapwa uhwimino ulemu wa Sambata ku chifuchi, Sambata kuli Yehova. Kanda milima minda yenu chipwe kululieka mitondo yenu ya uva. 5Yize yalisokela ku minda yenu kanda nuyicha. Uva yize yalisokela ku mitondo yenu kuyishi kululieka kanda nuhela. Mwaka uze muukapwa uhwimino ulemu ku chifuchi. 6Sambata ya chifuchi muyipwa ya kulia kuli yenu; kuli yenu, ni kuli ndungo ja malunga ni a mapwo, ni kuli ngamba jenu, ni kuli njize yoze watwama ni yenu, 7ni kuli yimuna jenu nawa, ni kuli tushitu aze atwama mu chifuchi chenu; mbuto jacho jeswe mujikapwa ja kulia.
8Mba munukalula Sambata shimbiali a miaka ngwami, Shimbiali ya miaka shimbiali. Sambata shimbiali ja miaka mujilumbunuka kuli yenu makumi awana a miaka ni miaka livwa. 9Mba ha tangwa liamuchikumi lia kakweji wamuchishimbiali, ha tangwa lia kufuka shili, munutuma liji lia chitavwi cha tachi ndusu chifuchi chenu cheswe. 10Mwaka wa makumi atano munuusela ku usandu, nukambujole utuswilo ndusu chifuchi cheswe kuli enyacho. Muukapwa mwaka wa uwahililo kuli yenu. Mweswe hakachi kenu mahiluka ku upite wenyi; mweswe mahiluka kuli atu jenyi. 11Mwaka wa makumi atano kumuukapwa kuli yenu mwaka wa uwahililo. Kanda nukakuwa mbuto, ni chize chalisokela kanda nukachicha. Chipwe uva ya ku mitondo yize kuyishi kululieka kanda nuyihela. 12Mumu mwaka wa uwahililo, kashika ukapwe usandu kuli yenu. Munukalia yize ya ku minda yawo.
13Ha mwaka wa uwahililo mutu mweswe mahiluka ku upite wenyi. 14Nyi mula#25.14 Efa—chisoka cha 30 kilos njisa kuli mukwenu hanji mulanda kuli iye kanda ulilaka. 15Mulanda kuli mukwenu nikulita ni miaka yize hiyapalika ku mwaka wa uwahililo. Iye malanjisa kuli yena nikulita ni miaka yasala ya kucha. 16Nyi miaka yasala yinji, muweza ku ndando. Nyi miaka yasala yikepe, mutepulula ndando mumu te miaka ya kucha unalande. 17Kanda nulilaka umwe ni mukwo, alioze pwenu ni woma wa Zambi yenu. Mumu yami Yehova Zambi yenu.
18Kashika munulinga nikulita ni yiyulo yami. Munufunga shimbi jami nikujilinga. Chocho munutwama kawape mu chifuchi. 19Chifuchi muchikema mbuto yacho ni yenu munukalia ni kukuta, mba munukatwamamo kawape. 20Nyi munwamba ngwenu, Alioze nyi kutwalimine, kutwachile ha mwaka wamuchishimbiali mba, yika mutulia? 21Yami mungutuma kunuwahisa ha mwaka wamuchisambano chocho mukukema mbuto ya miaka yitatu. 22Muze munulima ha mwaka wamuchinake munuchilia mbuto yikulu, ndo mwaka wamuchilivwa muze munucha mbuto yenu. Hindu munuchilia yikulu. 23Kanda nulanda chifuchi liakulu mumu chifuchi nichami. Enu nuli yilambala kanda ngwe njize kuli yami. 24Mu chifuchi cheswe cha chihinga munutayiza atu kukula minda yo.
25Nyi mukwenu malumuka chiswale, malanjisa chihanda cha upite wenyi mba usoko wenyi meza, yoze walihata nenyi, akakule chize mukwo halanjisa. 26Kachi umwe keshi ni yoze machikula, alioze kulutwe iye mwene mapwa pichi ni mbongo ja kuchikula, 27akalule miaka haze achilanjishile, akahane mbongo jaliwezelaho kuli yoze Wachilanjile mba akahiluke ku upite wenyi. 28Alioze nyi keshi ni mbongo ja kuchikula iye mwene, chize halanjisa muchitwama kuli yoze wachilanjile ndo ku mwaka wa uwahililo. Ha mwaka wa uwahililo muchikatusuka mba iye mahiluka ku upite wenyi.
29Nyi mutu malanjisa zuwo mu chihunda muchima lia chipanga mahasa kulikula ndo mwaka wa muwundu hiwahwa chize ku tangwa alilanjishile. Ha mwaka wa muwundu mapwa ni chiyulo cha kukula.
30Nyi kalikulile ndo mwaka hiwahwa mba zuwo lize lili mu chihunda muchima lia chipanga malikolesa lia mutolo kuli yoze walilanjile, ndusu yisemuko yenyi yeswe. Kechi kalitusula ha mwaka wa uwahililo.
31Alioze mazuwo mu yihunda yikepe kuyishi yipanga ya kujingilika maalula hamuwika ni minda ya haze. O mahasa kwakula, chikwo nawa maatusula ha mwaka wa uwahililo. 32Alioze yihunda ya A-Levi, ni mazuwo a mu yihunda ya chihinga cho, A-Levi mahasa kwakula ha mwaka weswawo. 33Nyi umwe Ka-Levi kalingile nikulita ni chiyulo chenyi cha kukula, mba zuwo lize alilanjishile mu chihunda cha chihinga cho malitusula ha mwaka wa uwahililo. Mumu mazuwo a mu yihunda ya A-Levi apwa chihinga cho hakachi ka A-Izalele. 34Alioze minda ya mbunga yize yatwala ku yihunda yo keshi kuyilanjisa, mumu yapwa chihinga cho cha mutolo.
35Nyi mukwenu malumuka chiswale, kahashile kulikwasa hakachi kenu, mba yenwene munumukwasa. Matwama hakachi kenu chimuwika ngwe chilambala hanji njize. 36Kanda nutambula mbwezo kuli iye hanji kumufwetesa mbuto, alioze vwilenu woma Zambi yenu hanga mukwenu akatwame hamuwika nenu. 37Kanda numwaha mbongo ha mbwezo. Kanda numwaha kulia ha nganyu. 38Mumu yami Yehova Zambi yenu. Nanuchijile ku chifuchi cha Engitu ngukanwehe chifuchi cha Kanana, ngukapwe Zambi yenu.
39Nyi mukwenu malumuka chiswale hakachi kenu nikulilanjisa kuli yena, kanda umulingisa ngwe ndungo. 40Akapwe kuli yena ngwe ngamba wa fweto, hanji njize. Makulingila ndo mwaka wa uwahililo. 41Ha mwaka uze makafuka kuli yena, ni mwene, ni ana jenyi hamwe nenyi. Kumaya kuli akwa munyachi wenyi ni ku chihinga cha atato. 42Mumu o anapu tuvumbi twami waze nachijile ku chifuchi cha Engitu, kashika kanda nwalanda ngwe ndungo. 43Kanda numuyula ni ukalu alioze munupwa ni woma wa Zambi yenu. 44Ha kutwala ku ndungo ja malunga ni a mapwo waze nwapwa no, munuhasa kulanda ndungo ja malunga ni a mapwo ku mavungu aze ananujingilika. 45Chipwe hakachi ka njize waze atwama ni yenu, ni atu jo waze atwama ni yenu, waze asemukine mu chifuchi chenu, munuhasa kwalanda ni kwapita. 46Munuhasa kwaswanyisa kuli ana jenu kulutwe lienu akaahinge upite wa mutolo. Munuhasa kwapita ayo alioze kuli akwenu A-Izalele kanda nuyula ni ukalu umwe hali mukwo.
47Nyi chilambala hanji njize malumuka pichi ni mukwenu yoze watwama hamuwika nenyi iye malumuka chiswale, malilanjisa kuli chilambala hanji njize, hanji kuli umwe mukwa munyachi wenyi, 48muze halilanjisa mahasa kumukula. Umwe hakachi ka ayayo hanji ana-akwo mahasa kumukula. 49Chipwe natu, chipwe musonyenyi mamukula, chipwe umwe usoko wenyi wa ha muchima wa ku munyachi wenyi mamukula. Chipwe iye mwene, nyi malumuka pichi mahasa kulikula. 50Akalule ni yoze wamulanjile, chize ku mwaka alalinjishile kuli iye ndo ku mwaka wa uwahililo. Mba ndando ya kumutusula muyipwa nikulita ni kwalula cha miaka. Miaka yize atwamine ni kako akayalule ngwe miaka ya ngamba wa fweto. 51Nyi kwasala miaka yinji chocho nikulita nayo mahilwisa cha ku ndando wafwikile, chikapwe cha kulikula. 52Nyi kwasala miaka yikepe ku mwaka wa uwahililo, chocho akalitese nenyi nikulita ni miaka ya milimo yamusala akahilwise mbongo ja kulikula. 53Matwama nenyi mwaka ha mwaka ngwe ngamba wa fweto. Kechi kumuyula ni ukalu kumeso jenu. 54Nyi kamukulile chocho, mba makatusuka ha mwaka wa uwahililo, ni mwene ni ana jenyi hamwe nenyi. 55Mumu A-Izalele, o tuvumbi twami. O hapwa tuvumbi twami waze nachijile ku chifuchi cha Engitu. Yami Yehova Zambi yenu.
Currently Selected:
ULEVI 25: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 25
25
1Yehova yamba kuli Mose ha mulundu wa Sinai ngwenyi, 2Amba kuli A-Izalele ngwe, Muze munuheta ku chifuchi chize ngunanwehe, che chifuchi Chikwete kupwa ni Sambata kuli Yehova. 3Miaka yisambano munulima minda yenu; miaka yisambano munululieka mitondo yenu ya uva, nikuheta mihuko yayo. 4Alioze ha mwaka wamuchishimbiali mukukapwa uhwimino ulemu wa Sambata ku chifuchi, Sambata kuli Yehova. Kanda milima minda yenu chipwe kululieka mitondo yenu ya uva. 5Yize yalisokela ku minda yenu kanda nuyicha. Uva yize yalisokela ku mitondo yenu kuyishi kululieka kanda nuhela. Mwaka uze muukapwa uhwimino ulemu ku chifuchi. 6Sambata ya chifuchi muyipwa ya kulia kuli yenu; kuli yenu, ni kuli ndungo ja malunga ni a mapwo, ni kuli ngamba jenu, ni kuli njize yoze watwama ni yenu, 7ni kuli yimuna jenu nawa, ni kuli tushitu aze atwama mu chifuchi chenu; mbuto jacho jeswe mujikapwa ja kulia.
8Mba munukalula Sambata shimbiali a miaka ngwami, Shimbiali ya miaka shimbiali. Sambata shimbiali ja miaka mujilumbunuka kuli yenu makumi awana a miaka ni miaka livwa. 9Mba ha tangwa liamuchikumi lia kakweji wamuchishimbiali, ha tangwa lia kufuka shili, munutuma liji lia chitavwi cha tachi ndusu chifuchi chenu cheswe. 10Mwaka wa makumi atano munuusela ku usandu, nukambujole utuswilo ndusu chifuchi cheswe kuli enyacho. Muukapwa mwaka wa uwahililo kuli yenu. Mweswe hakachi kenu mahiluka ku upite wenyi; mweswe mahiluka kuli atu jenyi. 11Mwaka wa makumi atano kumuukapwa kuli yenu mwaka wa uwahililo. Kanda nukakuwa mbuto, ni chize chalisokela kanda nukachicha. Chipwe uva ya ku mitondo yize kuyishi kululieka kanda nuyihela. 12Mumu mwaka wa uwahililo, kashika ukapwe usandu kuli yenu. Munukalia yize ya ku minda yawo.
13Ha mwaka wa uwahililo mutu mweswe mahiluka ku upite wenyi. 14Nyi mula#25.14 Efa—chisoka cha 30 kilos njisa kuli mukwenu hanji mulanda kuli iye kanda ulilaka. 15Mulanda kuli mukwenu nikulita ni miaka yize hiyapalika ku mwaka wa uwahililo. Iye malanjisa kuli yena nikulita ni miaka yasala ya kucha. 16Nyi miaka yasala yinji, muweza ku ndando. Nyi miaka yasala yikepe, mutepulula ndando mumu te miaka ya kucha unalande. 17Kanda nulilaka umwe ni mukwo, alioze pwenu ni woma wa Zambi yenu. Mumu yami Yehova Zambi yenu.
18Kashika munulinga nikulita ni yiyulo yami. Munufunga shimbi jami nikujilinga. Chocho munutwama kawape mu chifuchi. 19Chifuchi muchikema mbuto yacho ni yenu munukalia ni kukuta, mba munukatwamamo kawape. 20Nyi munwamba ngwenu, Alioze nyi kutwalimine, kutwachile ha mwaka wamuchishimbiali mba, yika mutulia? 21Yami mungutuma kunuwahisa ha mwaka wamuchisambano chocho mukukema mbuto ya miaka yitatu. 22Muze munulima ha mwaka wamuchinake munuchilia mbuto yikulu, ndo mwaka wamuchilivwa muze munucha mbuto yenu. Hindu munuchilia yikulu. 23Kanda nulanda chifuchi liakulu mumu chifuchi nichami. Enu nuli yilambala kanda ngwe njize kuli yami. 24Mu chifuchi cheswe cha chihinga munutayiza atu kukula minda yo.
25Nyi mukwenu malumuka chiswale, malanjisa chihanda cha upite wenyi mba usoko wenyi meza, yoze walihata nenyi, akakule chize mukwo halanjisa. 26Kachi umwe keshi ni yoze machikula, alioze kulutwe iye mwene mapwa pichi ni mbongo ja kuchikula, 27akalule miaka haze achilanjishile, akahane mbongo jaliwezelaho kuli yoze Wachilanjile mba akahiluke ku upite wenyi. 28Alioze nyi keshi ni mbongo ja kuchikula iye mwene, chize halanjisa muchitwama kuli yoze wachilanjile ndo ku mwaka wa uwahililo. Ha mwaka wa uwahililo muchikatusuka mba iye mahiluka ku upite wenyi.
29Nyi mutu malanjisa zuwo mu chihunda muchima lia chipanga mahasa kulikula ndo mwaka wa muwundu hiwahwa chize ku tangwa alilanjishile. Ha mwaka wa muwundu mapwa ni chiyulo cha kukula.
30Nyi kalikulile ndo mwaka hiwahwa mba zuwo lize lili mu chihunda muchima lia chipanga malikolesa lia mutolo kuli yoze walilanjile, ndusu yisemuko yenyi yeswe. Kechi kalitusula ha mwaka wa uwahililo.
31Alioze mazuwo mu yihunda yikepe kuyishi yipanga ya kujingilika maalula hamuwika ni minda ya haze. O mahasa kwakula, chikwo nawa maatusula ha mwaka wa uwahililo. 32Alioze yihunda ya A-Levi, ni mazuwo a mu yihunda ya chihinga cho, A-Levi mahasa kwakula ha mwaka weswawo. 33Nyi umwe Ka-Levi kalingile nikulita ni chiyulo chenyi cha kukula, mba zuwo lize alilanjishile mu chihunda cha chihinga cho malitusula ha mwaka wa uwahililo. Mumu mazuwo a mu yihunda ya A-Levi apwa chihinga cho hakachi ka A-Izalele. 34Alioze minda ya mbunga yize yatwala ku yihunda yo keshi kuyilanjisa, mumu yapwa chihinga cho cha mutolo.
35Nyi mukwenu malumuka chiswale, kahashile kulikwasa hakachi kenu, mba yenwene munumukwasa. Matwama hakachi kenu chimuwika ngwe chilambala hanji njize. 36Kanda nutambula mbwezo kuli iye hanji kumufwetesa mbuto, alioze vwilenu woma Zambi yenu hanga mukwenu akatwame hamuwika nenu. 37Kanda numwaha mbongo ha mbwezo. Kanda numwaha kulia ha nganyu. 38Mumu yami Yehova Zambi yenu. Nanuchijile ku chifuchi cha Engitu ngukanwehe chifuchi cha Kanana, ngukapwe Zambi yenu.
39Nyi mukwenu malumuka chiswale hakachi kenu nikulilanjisa kuli yena, kanda umulingisa ngwe ndungo. 40Akapwe kuli yena ngwe ngamba wa fweto, hanji njize. Makulingila ndo mwaka wa uwahililo. 41Ha mwaka uze makafuka kuli yena, ni mwene, ni ana jenyi hamwe nenyi. Kumaya kuli akwa munyachi wenyi ni ku chihinga cha atato. 42Mumu o anapu tuvumbi twami waze nachijile ku chifuchi cha Engitu, kashika kanda nwalanda ngwe ndungo. 43Kanda numuyula ni ukalu alioze munupwa ni woma wa Zambi yenu. 44Ha kutwala ku ndungo ja malunga ni a mapwo waze nwapwa no, munuhasa kulanda ndungo ja malunga ni a mapwo ku mavungu aze ananujingilika. 45Chipwe hakachi ka njize waze atwama ni yenu, ni atu jo waze atwama ni yenu, waze asemukine mu chifuchi chenu, munuhasa kwalanda ni kwapita. 46Munuhasa kwaswanyisa kuli ana jenu kulutwe lienu akaahinge upite wa mutolo. Munuhasa kwapita ayo alioze kuli akwenu A-Izalele kanda nuyula ni ukalu umwe hali mukwo.
47Nyi chilambala hanji njize malumuka pichi ni mukwenu yoze watwama hamuwika nenyi iye malumuka chiswale, malilanjisa kuli chilambala hanji njize, hanji kuli umwe mukwa munyachi wenyi, 48muze halilanjisa mahasa kumukula. Umwe hakachi ka ayayo hanji ana-akwo mahasa kumukula. 49Chipwe natu, chipwe musonyenyi mamukula, chipwe umwe usoko wenyi wa ha muchima wa ku munyachi wenyi mamukula. Chipwe iye mwene, nyi malumuka pichi mahasa kulikula. 50Akalule ni yoze wamulanjile, chize ku mwaka alalinjishile kuli iye ndo ku mwaka wa uwahililo. Mba ndando ya kumutusula muyipwa nikulita ni kwalula cha miaka. Miaka yize atwamine ni kako akayalule ngwe miaka ya ngamba wa fweto. 51Nyi kwasala miaka yinji chocho nikulita nayo mahilwisa cha ku ndando wafwikile, chikapwe cha kulikula. 52Nyi kwasala miaka yikepe ku mwaka wa uwahililo, chocho akalitese nenyi nikulita ni miaka ya milimo yamusala akahilwise mbongo ja kulikula. 53Matwama nenyi mwaka ha mwaka ngwe ngamba wa fweto. Kechi kumuyula ni ukalu kumeso jenu. 54Nyi kamukulile chocho, mba makatusuka ha mwaka wa uwahililo, ni mwene ni ana jenyi hamwe nenyi. 55Mumu A-Izalele, o tuvumbi twami. O hapwa tuvumbi twami waze nachijile ku chifuchi cha Engitu. Yami Yehova Zambi yenu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.