ULEVI 24
24
1Yehova yamba kuli Mose ngwenyi, 2Ambila A-Izalele akakunehene maji apema a kusohola a azeite a lutemo hanga ndeya yikatemuke ufuku ni mwalwa. 3Haze lia chikalakala cha Shindakenyo, mu mbalaka ya chikungulwila Arone makayilulika ufuku ni mwalwa kumeso ja Yehova. Chino muchikapwa chiyulo cha mutolo ndusu yisemuko yenu yeswe. 4Akafunge ndeya ja kululika ha chikwachilo cha ndeya cha oru ya kusayisa kumeso ja Yehova ufuku ni mwalwa.
5Chikwo nawa munwanda wunga wafufunuka nukalinge nawo kumi lia mbolo ni mbolo jiali. Mbolo yeswe muyipwa ya yihanda yiali ya ku kumi lia yihanda ya njongo ya efa.#24.5 Efa—chisoka cha 30 kilos 6Munukajilonga mu mikala yiali, jisambano mu mukala, jisambano mu mukala ha mesa ya oru ya kusayisa. 7Munukasa libano yipema ha mikala yeswe yiali, jikapwe mbolo ja Chiwulwiso, mulambu wa kahia kuli Yehova. 8Sambata ha Sambata Arone makajilonga kumeso ja Yehova hali A-Izalele. Usendo wa mutolo kashika kanda ahona. 9Mujipwa ja mbala ja Arone ni anenyi a malunga. Majilia kumwe kuma kusandu mumu kuli iye mujipwa chihanda chisandu chahiana hakachi ka milambu ya kahia kuli Yehova. Yino chiyulo cha mutolo.
10Tangwa limwe mwana wa lunga wa umwe pwo Ka-Izalele, alioze tato Ka-Engitu, wendele hakachi ka A-Izalele. Mwe mwana wa Ka-Izalele wazwelele ni tunwe Ka-Izalele mu chilombo. 11Mwana wa lunga wa pwo Ka-Izalele yashililika lie Jina, ha kutukana. Yamutwala kuli Mose. Jina lia naye Shelomite, mwana wa Ndibri, wa ku vungu lia Ndane. 12Yamufunga ndo Zambi masolola upale wenyi.
13Yehova yamba kuli Mose ngwenyi, 14Mukwa kutuka numunehe haze lia chilombo, waze eswe amuvwile kutukana akase moko jo ha mutwe wenyi, mba akwa chikungulwila eswe akamwase mawe. 15Amba nawa kuli A-Izalele ngwe, Mweswe matuka Zambi yenyi akambate mulonga wenyi. 16Yoze mashililika jina lia Yehova akamushihe. Akwa chikungulwila eswe akamwase mawe. Apwe njize, apwe mwenyembo, muze mashililika lie Jina, akamushihe. 17Yoze mashiha mutu, neye akamushihe, 18Yoze mashiha chimuna mamufweta, mwono ha mwono. 19Muze umwe mapihisa mukwo, chizechene ngwe halinga, neye chocho akamulinge. 20Chifwaha cha kumakuna ha chifwaha cha kumakuna. Liso ha liso. Lizo ha lizo. Chizechene ngwe hapihisa mutu neye chocho akamupihise. 21Yoze mashiha chimuna mamufweta. Yoze mashiha mutu kumafwa. 22Munupwa ni shimbi yimuwika kuli njize ni kuli mwenyembo, mumu yami Yehova Zambi yenu. 23Chocho Mose yámbila A-Izalele mba yatwala yoze watukanyine haze lia chilombo. Yamwasa mawe. Chocho A-Izalele yalinga chize Yehova hatuma Mose.
Currently Selected:
ULEVI 24: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
ULEVI 24
24
1Yehova yamba kuli Mose ngwenyi, 2Ambila A-Izalele akakunehene maji apema a kusohola a azeite a lutemo hanga ndeya yikatemuke ufuku ni mwalwa. 3Haze lia chikalakala cha Shindakenyo, mu mbalaka ya chikungulwila Arone makayilulika ufuku ni mwalwa kumeso ja Yehova. Chino muchikapwa chiyulo cha mutolo ndusu yisemuko yenu yeswe. 4Akafunge ndeya ja kululika ha chikwachilo cha ndeya cha oru ya kusayisa kumeso ja Yehova ufuku ni mwalwa.
5Chikwo nawa munwanda wunga wafufunuka nukalinge nawo kumi lia mbolo ni mbolo jiali. Mbolo yeswe muyipwa ya yihanda yiali ya ku kumi lia yihanda ya njongo ya efa.#24.5 Efa—chisoka cha 30 kilos 6Munukajilonga mu mikala yiali, jisambano mu mukala, jisambano mu mukala ha mesa ya oru ya kusayisa. 7Munukasa libano yipema ha mikala yeswe yiali, jikapwe mbolo ja Chiwulwiso, mulambu wa kahia kuli Yehova. 8Sambata ha Sambata Arone makajilonga kumeso ja Yehova hali A-Izalele. Usendo wa mutolo kashika kanda ahona. 9Mujipwa ja mbala ja Arone ni anenyi a malunga. Majilia kumwe kuma kusandu mumu kuli iye mujipwa chihanda chisandu chahiana hakachi ka milambu ya kahia kuli Yehova. Yino chiyulo cha mutolo.
10Tangwa limwe mwana wa lunga wa umwe pwo Ka-Izalele, alioze tato Ka-Engitu, wendele hakachi ka A-Izalele. Mwe mwana wa Ka-Izalele wazwelele ni tunwe Ka-Izalele mu chilombo. 11Mwana wa lunga wa pwo Ka-Izalele yashililika lie Jina, ha kutukana. Yamutwala kuli Mose. Jina lia naye Shelomite, mwana wa Ndibri, wa ku vungu lia Ndane. 12Yamufunga ndo Zambi masolola upale wenyi.
13Yehova yamba kuli Mose ngwenyi, 14Mukwa kutuka numunehe haze lia chilombo, waze eswe amuvwile kutukana akase moko jo ha mutwe wenyi, mba akwa chikungulwila eswe akamwase mawe. 15Amba nawa kuli A-Izalele ngwe, Mweswe matuka Zambi yenyi akambate mulonga wenyi. 16Yoze mashililika jina lia Yehova akamushihe. Akwa chikungulwila eswe akamwase mawe. Apwe njize, apwe mwenyembo, muze mashililika lie Jina, akamushihe. 17Yoze mashiha mutu, neye akamushihe, 18Yoze mashiha chimuna mamufweta, mwono ha mwono. 19Muze umwe mapihisa mukwo, chizechene ngwe halinga, neye chocho akamulinge. 20Chifwaha cha kumakuna ha chifwaha cha kumakuna. Liso ha liso. Lizo ha lizo. Chizechene ngwe hapihisa mutu neye chocho akamupihise. 21Yoze mashiha chimuna mamufweta. Yoze mashiha mutu kumafwa. 22Munupwa ni shimbi yimuwika kuli njize ni kuli mwenyembo, mumu yami Yehova Zambi yenu. 23Chocho Mose yámbila A-Izalele mba yatwala yoze watukanyine haze lia chilombo. Yamwasa mawe. Chocho A-Izalele yalinga chize Yehova hatuma Mose.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.