MUKANDA Asonekene YUNDASE 1
1
1Yami Yundase, ndungo ya Yesu Kristu, kanda mwanakwo wa Tiangu,
Kuli waze hanaatambika, kanaazange muli Zambi mwe Tata, kanaafungu hali Yesu Kristu:
2Keke ni sambukila ni zango yikalumbame kanji kuli yenu.
3Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu. 4Mumu amwe atu aliombele nikunjila ku tenga, waze ku shakulu aavulukile Shimbu-kanda ha uhiso uno, yitanganyanyi, waze akwalumuna vumbi lia Zambi ujila, kakulikata Mwata wetu umuwika, kanda Mwene wetu Yesu Kristu.
5Achi, ngunazange kunwiwulula, chipwe nunanyingika yuma yeswe kamuwika kunahu, Mwene se walamwinyine amwe atu ku Engitu, kulutwe lia chize wonwene waze kafulielele. 6Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene. 7Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.
8Hindu chizechene ni wano nawa, ha kulota cho kakuchisa musunya, kakulelesa yiyulo, kakutuka e alemu. 9Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile. 10Alioze wano kakutuka yuma yeswayo kayinyingikine: ni chize ananyingika ku chisemewa, ngwe tushitu yipama, mu yino yuma kakulilumbula. 11Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora. 12Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka; 13mikanya ya kupupula ya ku kukalunga-lwiji, kanatutumuna sonyi jo ene; matongonoshi a kupianguka, hali ayo hanafungu kulá cha milima pwi ndo ku miaka ya mutolo.
14Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi, 15mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi. 16Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.
17Alioze yenu, akwetu a zango, iwulukenu maliji aze ahanjikile kushi ku makanwa ja apostolo ja Mwene wetu Yesu Kristu; 18ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi. 19Wano kakuhandunwona, akwa musunya, keshi Spiritu. 20Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu. 21Lifungenu mu zango lia Zambi, nikutalatala keke ya Mwene wetu Yesu Kristu ndo ku mwono wa mutolo. 22Mba amwe avwilenu keke, shimbu anayambashana; 23ni akwo alamwinenu nikwachangumuna ku kahia; ni akwo avwilenu keke ni woma; mazalo a luchisa wa musunya nukaavwile kupiha.
24Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia. 25Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.
Currently Selected:
MUKANDA Asonekene YUNDASE 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
MUKANDA Asonekene YUNDASE 1
1
1Yami Yundase, ndungo ya Yesu Kristu, kanda mwanakwo wa Tiangu,
Kuli waze hanaatambika, kanaazange muli Zambi mwe Tata, kanaafungu hali Yesu Kristu:
2Keke ni sambukila ni zango yikalumbame kanji kuli yenu.
3Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu. 4Mumu amwe atu aliombele nikunjila ku tenga, waze ku shakulu aavulukile Shimbu-kanda ha uhiso uno, yitanganyanyi, waze akwalumuna vumbi lia Zambi ujila, kakulikata Mwata wetu umuwika, kanda Mwene wetu Yesu Kristu.
5Achi, ngunazange kunwiwulula, chipwe nunanyingika yuma yeswe kamuwika kunahu, Mwene se walamwinyine amwe atu ku Engitu, kulutwe lia chize wonwene waze kafulielele. 6Ni angelo waze kafungile chiyulo cho ene chitangu, aiioze ehukile chihela cho ene, hanaafungu mu makana ja mutolo kushi lia milima pwi ndo ku upatwilo wa lie tangwa linene. 7Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.
8Hindu chizechene ni wano nawa, ha kulota cho kakuchisa musunya, kakulelesa yiyulo, kakutuka e alemu. 9Alioze Mikele mungelo mukwa lutwe, muze ahangulwile ni Ndiapu, wahamikine ha kutwala ku mujimba wa Mose, kahamukine kumukumika ni maliji a kutuka, aiioze wambile ngwenyi, Mwene akwámbile. 10Alioze wano kakutuka yuma yeswayo kayinyingikine: ni chize ananyingika ku chisemewa, ngwe tushitu yipama, mu yino yuma kakulilumbula. 11Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora. 12Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka; 13mikanya ya kupupula ya ku kukalunga-lwiji, kanatutumuna sonyi jo ene; matongonoshi a kupianguka, hali ayo hanafungu kulá cha milima pwi ndo ku miaka ya mutolo.
14Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi, 15mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi. 16Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.
17Alioze yenu, akwetu a zango, iwulukenu maliji aze ahanjikile kushi ku makanwa ja apostolo ja Mwene wetu Yesu Kristu; 18ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi. 19Wano kakuhandunwona, akwa musunya, keshi Spiritu. 20Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu. 21Lifungenu mu zango lia Zambi, nikutalatala keke ya Mwene wetu Yesu Kristu ndo ku mwono wa mutolo. 22Mba amwe avwilenu keke, shimbu anayambashana; 23ni akwo alamwinenu nikwachangumuna ku kahia; ni akwo avwilenu keke ni woma; mazalo a luchisa wa musunya nukaavwile kupiha.
24Haliapwila kuli yoze mahasa kunufunga hanga kunuchi kutalinga, ni kunumanyisa kulutwe lia uhenya wenyi ni kulikwiza kunushi kapalia. 25Kuli Zambi umuwika, Chilamwina chetu, mu jina lia Yesu Kristu Mwene wetu, uhenya, ni ulamba, ni ndundo, ni yiyulo, yikapwe kushi ku miaka ya mutolo, ni haliapwila, ni ndo ku miaka ya mutolo. Amene.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.