3 YOANO 1
1
1Mukulwana kuli Ngayu, mukwetu wa zango, yoze ngunamuzange ni umwenemwene.
2Mukwetu wa zango, ngunalembe hanga mu yuma yeswe Ukawahe, ukahinduke ngungungu, chizechene ngwe mbunge ye kuyakuwaha. 3Mumu nawahililile chikolo muze mandumbu ejile ni muze ashindakenyene ha umwenemwene we, chizechene ngwe wakwenda mu umwenemwene. 4Uwahililo wahiana uno chishi nawo shina kwivwa hali ana jami ngwo, Kanende mu umwenemwene.
5Mukwetu wa zango, kuwakushishika ni cheswacho wakulinga kuli mandumbu ni waze anapu ngeji nawa; 6waze kakushindakenya ha zango lie kumeso ja chikungulwila: mukalinga kanawa kwashinjikila ha jila yo ngwe chinatela Zambi. 7Mumu ha jina lienyi hanatuhuka, katambwile nichimwe kuli akwa mavungu. 8Yetu kashika chatutamba kusambilila atu ngwe wano, hanga tukapwe akwa milimo-ni-akwo ha umwenemwene.
9Nasonekene chimwe ku chikungulwila, aiioze Ndiutrefwe, yoze unafwila kupwa ni muhela utangu hakachi ko, keshi kututambula. 10Kashika, kachi mungwiza, kachi mungunwiwulula yitanga yenyi yize akulinga, ni kumbambula cha kulimika ni yetu ni maliji a ungulungulu; chipwe keshi kuyuka no, chipwe iye mwene keshi kutambula mandumbu; mba waze mazanga kwatambula maakanda, maambila haze lia chikungulwila.
11Mukwetu wa zango, kanda wimbulula yipi aiioze imbulula yipema. Yoze wakulinga yipema iye wa kuli Zambi; aiioze yoze wakulinga yipi kamweneko Zambi. 12Ndemetriu kali ni Shindakenyo kuli eswe, ni ku we umwenemwene; ewa, ni yetu nawa twa-kushindakenya; nunanyingika Shindakenyo yetu yamwenemwene.
13Napwanga ni yuma yinji kusoneka kuli yena, aiioze chazangile kuyisoneka kuli yena ni ulombo ni sonekeso: 14aiioze ngunatalatala kukumona kamunomuno, mba mutukahanjika meso ni meso.
15Sambukila yikapwe kuli yena. Tusendo kanakumeneka. Meneka tusendo ha majina jo.
Currently Selected:
3 YOANO 1: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
3 YOANO 1
1
1Mukulwana kuli Ngayu, mukwetu wa zango, yoze ngunamuzange ni umwenemwene.
2Mukwetu wa zango, ngunalembe hanga mu yuma yeswe Ukawahe, ukahinduke ngungungu, chizechene ngwe mbunge ye kuyakuwaha. 3Mumu nawahililile chikolo muze mandumbu ejile ni muze ashindakenyene ha umwenemwene we, chizechene ngwe wakwenda mu umwenemwene. 4Uwahililo wahiana uno chishi nawo shina kwivwa hali ana jami ngwo, Kanende mu umwenemwene.
5Mukwetu wa zango, kuwakushishika ni cheswacho wakulinga kuli mandumbu ni waze anapu ngeji nawa; 6waze kakushindakenya ha zango lie kumeso ja chikungulwila: mukalinga kanawa kwashinjikila ha jila yo ngwe chinatela Zambi. 7Mumu ha jina lienyi hanatuhuka, katambwile nichimwe kuli akwa mavungu. 8Yetu kashika chatutamba kusambilila atu ngwe wano, hanga tukapwe akwa milimo-ni-akwo ha umwenemwene.
9Nasonekene chimwe ku chikungulwila, aiioze Ndiutrefwe, yoze unafwila kupwa ni muhela utangu hakachi ko, keshi kututambula. 10Kashika, kachi mungwiza, kachi mungunwiwulula yitanga yenyi yize akulinga, ni kumbambula cha kulimika ni yetu ni maliji a ungulungulu; chipwe keshi kuyuka no, chipwe iye mwene keshi kutambula mandumbu; mba waze mazanga kwatambula maakanda, maambila haze lia chikungulwila.
11Mukwetu wa zango, kanda wimbulula yipi aiioze imbulula yipema. Yoze wakulinga yipema iye wa kuli Zambi; aiioze yoze wakulinga yipi kamweneko Zambi. 12Ndemetriu kali ni Shindakenyo kuli eswe, ni ku we umwenemwene; ewa, ni yetu nawa twa-kushindakenya; nunanyingika Shindakenyo yetu yamwenemwene.
13Napwanga ni yuma yinji kusoneka kuli yena, aiioze chazangile kuyisoneka kuli yena ni ulombo ni sonekeso: 14aiioze ngunatalatala kukumona kamunomuno, mba mutukahanjika meso ni meso.
15Sambukila yikapwe kuli yena. Tusendo kanakumeneka. Meneka tusendo ha majina jo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.