HOZEA 6
6
1Tatuyenu tukahiluke kuli Yehova,
mumu iye hatupapulula, mba iye matuwuka.
Iye hatulamba, mba iye matukasakasa.
2Kulutwe lia matangwa aali matuhuzulula;
ha tangwa liamuchitatu matuhindwisa,
hanga tukende kumeso jenyi.
3Tunyingike, tuyenu kulutwe tunyingike Yehova.
Kutuhuka chenyi cha pundu, ngwe kuvumbuka cha tangwa.
Iye meza kuli yetu ngwe vula wa chehu;
ngwe vula musazu yoze wakutuchikisa hashi.
4Ngulinge yika ni yena Eframe?
Ngulinge yika ni yena Yunda?
Zango lie Hapwa ngwe lelwa lia chimene;
ngwe mume uze wakuya washiwashi.
5Kashika hinaateta ni aprofeta;
hinaashiha ni maliji a mu kanwa liami.
Upatwilo wami unatuhuka ngwe pangu.
6Mumu nakuzanga utu wa zango, chafupile yitapo;
ngunafupu yinyingi ya Zambi, hi milambu ya kulumba ko.
7O hanatangula usendo chizechene ngwe Alama;
hanalingi ni mafwefwe kuli yami.
8Ngiliate yapwa chihunda cha akwa kulinga yipi,
yinapiha ni manyinga.
9Asasendote halikata hamuwika
ngwe yingumba waze akujikinyina mutu.
Kakushiha mu jila ya kuya ku Shekeme;
ewa kakulinga ungulungulu.
10Mu munyachi wa Izalele hinamona chuma cha lwaji.
Ukoi wa Eframe ulimo. Izalele halipihisa.
11Ni yena Yunda kucha che hanakufunjikilacho.
Currently Selected:
HOZEA 6: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
