HOZEA 12
12
1Eframe kakulia fuji yamokomoko;
kakukaula fuji ya ku Chivumbuko tangwa lieswe.
Kakwokesa mahuza ni upupilo;
kakulikata ni Asuria;
kakutwala maji ku Engitu.
2Yehova kanasumu Yunda,
kumakalamba Yakomba kastigu ya kulita ni ndako jenyi.
Kumakamufwetesa nikulita ni yitanga yenyi.
3Mwe mu jimo yakwata yayo ku kashijino,
muze hapwa lunga yalitachika ni Zambi.
4Yalinwa ni mungelo, yakumba;
yalila, yafupa vumbi lienyi.
Yatakana ni Zambi ku Mbetele;
kwenako Zambi yahanjika nenyi—
5Yehova Zambi-ya-Tujita,
mwe Yehova jina lienyi ngwenyi,
6Chocho yena, ku tachi ja Zambi ye, hiluka,
lalaminya ku zango ni upatwilo wa kulita;
mba matangwa eswe twaminyina Zambi ye.
7Aye kapwa mukwa kusepa wa mbalansa ja kwonga,
kakuzanga kupinjisa.
8Eframe hanambe ngwenyi, Ewa, alioze nguli pichi,
hinapita yuma yinji ya yami mwene.
Alioze upite wenyi weswe kuuchi kuhasa kufwika uhie wenyi nilimwe tangwa.
9Ami nguli Yehova Zambi yenu
chize ku chifuchi cha Engitu.
Mungukanutwamisa cheka nawa mu mbalaka
ngwe ha matangwa a yiwanyino ya kufunjika.
10Yami nahanjikile kuli aprofeta;
yami nokesele usolwelo,
nikuhana yishima ku makanwa ja aprofeta.
11Nyi uhenge muuli mu Ngiliate
kumakalumuka amokomoko.
Nyi malambula kuji a ngombe mu Ngilingali
makapwisa yilumbilo yo ngwe milumba ya mawe
ha mihanga mu minda.
12(Yakomba yachinyina ku chifuchi cha Arame;
kwenako Izalele yalingila milimo hali pwo,
yafunga mapanga akazuke pwo.)
13Kuli profeta Yehova wachijile A-Izalele ku Engitu,
ni kuli profeta waafungile.
14Alioze Eframe hehia chikolo
kashika Mwene wenyi mamuhichika
ni mulonga wenyi wa manyinga hali iye.
Mahilwisa hali iye nawa sau lienyi.
Currently Selected:
HOZEA 12: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
