HABAKUKE 2
2
1Mungukwata ku ulayilo wami
nikumana ha kaposhi kami,
nikutala kanawa ngukamone chize mangwamba
ni chize mungukumbulula ha kutwala ku kulinyenga chami.
2Mba Yehova yangukumbulula ngwenyi,
Soneka usolwelo;
lumbununa ha mikanda
hanga chipwe mukwa kutanga azomboke.
3Mumu usolwelo unachitwaminyina mwaka wawo.
Kuunatambuka ku songo liawo—kuushi mahuza.
Chipwe mumona ngwe unashimbula shimbu hindu twaminyina.
Muwiza kupwa; kuuchi kahona.
4Mbunge yenyi yinalifuzu;
kuyalulamine muli iye.
Alioze mukwa ululi kumenda ku Ufulielo wenyi.
5Chikwo nawa vinyu kuyakuhandukulula.
Mukwa kulizata kechi kalinduluka.
Solo lienyi Hatoha ngwe Shiole.
Kapwa ngwe kufwa; kechi kukuta.
Kakulikungila mavungu eswe,
ni kutenga atu eswe ngwe ninyenyi.
6Wano eswe kechi kuputuka kumuchoka, nikumulenya nikumuchimbunguna ngwo,
Lamba kuli yoze malilumbikila yuma
kuyapwile niyenyi; nikwokesa yifungo.
Ndo mwiji muka?
7Te akwa mikuli ye kechi kukatuka susumuku?
Kechi kukasumuka waze makuchikimisa?
Mba yena muopwa upite wa kupunda kuli ayo.
8Mumu yena hiwapupa mavungu anji,
kashika waze analisalaho ku mavungu kumakakupupa,
mumu ha manyinga ja atu ni upupilo wa hashi,
ku yihunda ni waze eswe atwamamo.
9Lamba kuli yoze wakutambula munyachi wenyi ni uhenge,
akase chaswa chenyi kwilu
akalilamwine ku yipi.
10Hiwataka sonyi ha munyachi wa yena mwene ha kusutula mavungu anji.
Hiwatokesa mwono we.
11Mumu liwe mulikatambika mu parede,
ni mukambo wa kukwachisa mitondo umukumbulula.
12Lamba kuli yoze matungila chihunda ni manyinga;
yoze makolesa limbo ni uhenge!
13Yehova-wa-Tujita hanachifunjika,
minyachi ahondangane ha kahia wika
ni mavungu alikatalise mokomoko.
14Mumu hashi muhazala ni
chinyingi cha uhenya wa Yehova
chizechene ngwe meya akufuka kalunga-lwiji.
15Lamba kuli yoze manwisa enyembo jenyi
ku musenge wenyi wa ufwatulo,
nikumuzengewesa hanga atale sonyi jenyi.
16Makuzalisa ni sau, hi uhenya ko.
Nwako yena mwene ukapwe ngwe chilima!
Musenge wa ku kwoko lia chindume lia Yehova muukuheta
mba sonyi mujikafuka uhenya we.
17Upupilo uze walingilile Lebano muukulundumukina,
kwonwona cha tushitu muchikukolesa woma
mumu ha manyinga ja atu ni upupilo wa hashi,
ku yihunda ni waze eswe atwamamo.
18Hamba kuchi mahasa kukwasa
muze tangi yenyi hamweseka,
se aye kaponya wa kuzuzulula; longeshi wa mahuza?
Mumu chilangaji kanafuliela chuma cha kutanga iye mwene,
muze malinga tumama twa mahamba.
19Lamba kuli yoze akwamba ku chuma cha mutondo ngwenyi, Laula!
Hanji mamba ku liwe kulishi kuhanjika ngwenyi, Katuka!
Ayo muyimulongesa chimwe?
Kumanyi cha kulamikaho oru ni prata;
mwiku wakuhimo niumwe.
20Alioze Yehova mwali mu tembele yenyi yisandu.
Akwa hashi eswe akahole kumeso jenyi.
Currently Selected:
HABAKUKE 2: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
