DANIEL 7
7
1Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma. 2Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene. 3Mba ngongo anene awana atatukile mu meya, kalipwilapwila umwe kuli mukwo ni mukwo. 4Mutangu wapwile ngwe ndumba, alioze kali ni mapulwa a pupa. Shimbu munguchitala asuchile mapulwa, mba amuzundwile hashi ni kumumanyisa ha molu aali ngwe mutu. Amuhele nawa manyonga ja mutu. 5Namwene ngongo mukwo wamuchiali, ngwe ursu. Wakatukile te ha sali limuwika; kali ni pachi jitatu mu kanwa mwe mu mazo. Amwambile ngwo, Katuka ukalie yifwo yinji. 6Kulutwe natalile kumanyi mukwo ngwe changwi, kali ni mapulwa awana a kajila hanyima. Ngongo yono kali ni mitwe yiwana, yamwaha chiyulo chinene. 7Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga. 8Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.
9Shimbu munguchitala,
akolesele ngunja,
ni umwe jina lienyi Mukulu-wa-Matangwa yatwama.
Mazalo jenyi atoma ngwe neve,
ni kambu jenyi ja ha mutwe japwile ngwe wanda upema,
ngunja yenyi yapwile milengi ya kahia,
ni maroda jayo kahia ka kuyila.
10Muhwiji wa kahia wavwelwokele
ni kutuhuka kumeso jenyi.
Kanunu ka tununu amuvumbikile,
ni kumi lia tununu twa yisuho ya kumi lia tununu amanyine kumeso jenyi.
Punga ya sopi yatwama kusopa,
apakwile mikanda.
11Aho natalile mumu ha lundunjila wa maliji anene aze mbinga yinahanjika. Shimbu munguchitala, yashiha mwe ngongo; mujimba wenyi awenyekene ni kuukunjika awoche ni kahia. 12Ha kutwala kuli ngongo akwo, chiyulo cho achichijile, alioze mwono wo ausuhishile ha kangonde ni shimbu. 13Namwene ha usolwelo wa ufuku,
kumanyi hamwe ni malelwa a mwilu
kwejile umwe ngwe mwana mutu;
yakundama kuli mwe Mukulu-wa-Matangwa,
yamusolola kuli iye.
14Yamwaha chiyulo, ni uhenya, ni wanangana,
hanga akwa mavungu eswe ni minyachi yeswe,
ni malimi eswe akamulingile.
Chiyulo chenyi chiyulo cha mutolo,
kuchichi kahwa.
Wanangana wenyi uze kuuchi kanonga.
15Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma. 16Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma. 17Wano ngongo awana anene analumbunuka mianangana awana masoloka hashi. 18Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.
19Yingumuhula umwenemwene ha kutwala kuli ngongo wamuchiwana yoze walipwilile ni akwo eswe, mwe mukwa kuvwisa mwongo, kali ni mazo a utale, ni yala ya unengu; mukwa kupapulula ni kupalwola ni kuliataliata masalila ni molu jenyi. 20Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo. 21Shimbu munguchitala, mbinga yino yasa jita ni asandu, ni kwakumba, 22ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.
23Aye yamba Chichino ngwenyi,
Ha kutwala kuli ngongo wamuchiwana,
kumukukapwa hano hashi wanangana wamuchiwana
wa kulipwila ni mawanangana eswe.
Kumuukapapulula hashi
heswe nikuliataliata, nikupalwola.
24Ha kutwala ku mbinga kumi,
chinalumbunuka, ku wanangana wenyi
kumi lia mianangana makasoloka,
mba mukwo makasoloka kulutwe.
Iye makalipwila ni waze apwile kulu,
mba makakumba mianangana atatu.
25Kumakahanjika maliji anene a kulimika ni mwe Chitunda,
makapinjisa asandu ja mwe Chitunda.
Makahala kwalumuka miaka ni shimbi,
no makaakunjika kuli iye
ndo ku mwaka, ni miaka yiali, ni chihanda cha mwaka.
26Alioze punga ya sopi matwama nikusopa,
mba mamuchiza chiyulo chenyi
akachinongese ni kuchonwona ndo ku songo.
27Alioze wanangana ni chiyulo
ni unene wa mawanangana kushi lia lilu lieswe
kumakakunjika kuli atu ja asandu ja mwe Chitunda.
Wanangana wo kumuukapwa wanangana wa mutolo,
mba akwa yiyulo yeswe kumakaavumbika ni kwaononokena.
28Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.
Currently Selected:
DANIEL 7: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
DANIEL 7
7
1Ha mwaka utangu wa Beleshazare mwanangana wa Babilonia, Daniel watetele chilota ni usolwelo wa mu mutwe wenyi shimbu te kanapombo ha muhela wenyi. Henaho wasonekene chilota chenyi ni kwambulula ulumbunwiso wa chikuma. 2Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene. 3Mba ngongo anene awana atatukile mu meya, kalipwilapwila umwe kuli mukwo ni mukwo. 4Mutangu wapwile ngwe ndumba, alioze kali ni mapulwa a pupa. Shimbu munguchitala asuchile mapulwa, mba amuzundwile hashi ni kumumanyisa ha molu aali ngwe mutu. Amuhele nawa manyonga ja mutu. 5Namwene ngongo mukwo wamuchiali, ngwe ursu. Wakatukile te ha sali limuwika; kali ni pachi jitatu mu kanwa mwe mu mazo. Amwambile ngwo, Katuka ukalie yifwo yinji. 6Kulutwe natalile kumanyi mukwo ngwe changwi, kali ni mapulwa awana a kajila hanyima. Ngongo yono kali ni mitwe yiwana, yamwaha chiyulo chinene. 7Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga. 8Nazewile mbinga, mba kwasokele hakachi kajo mbinga yikwo, yikepe tuhu, alioze kumeso jayo mbinga jitatu jize jitangu jatukukile. Kumanyi mbinga yino yili ni meso ngwe mutu, ni kanwa lia kuhanjika yuma yinene.
9Shimbu munguchitala,
akolesele ngunja,
ni umwe jina lienyi Mukulu-wa-Matangwa yatwama.
Mazalo jenyi atoma ngwe neve,
ni kambu jenyi ja ha mutwe japwile ngwe wanda upema,
ngunja yenyi yapwile milengi ya kahia,
ni maroda jayo kahia ka kuyila.
10Muhwiji wa kahia wavwelwokele
ni kutuhuka kumeso jenyi.
Kanunu ka tununu amuvumbikile,
ni kumi lia tununu twa yisuho ya kumi lia tununu amanyine kumeso jenyi.
Punga ya sopi yatwama kusopa,
apakwile mikanda.
11Aho natalile mumu ha lundunjila wa maliji anene aze mbinga yinahanjika. Shimbu munguchitala, yashiha mwe ngongo; mujimba wenyi awenyekene ni kuukunjika awoche ni kahia. 12Ha kutwala kuli ngongo akwo, chiyulo cho achichijile, alioze mwono wo ausuhishile ha kangonde ni shimbu. 13Namwene ha usolwelo wa ufuku,
kumanyi hamwe ni malelwa a mwilu
kwejile umwe ngwe mwana mutu;
yakundama kuli mwe Mukulu-wa-Matangwa,
yamusolola kuli iye.
14Yamwaha chiyulo, ni uhenya, ni wanangana,
hanga akwa mavungu eswe ni minyachi yeswe,
ni malimi eswe akamulingile.
Chiyulo chenyi chiyulo cha mutolo,
kuchichi kahwa.
Wanangana wenyi uze kuuchi kanonga.
15Ha kutwala kuli yami Daniel, Spiritu yami muchima yalifwita, ni usolwelo wa mutwe wami wanguvwishile woma. 16Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma. 17Wano ngongo awana anene analumbunuka mianangana awana masoloka hashi. 18Alioze asandu ja mwe Chitunda makatambula we wanangana, ni kuzuka we wanangana ndo ku miaka, ni miaka ya mutolo.
19Yingumuhula umwenemwene ha kutwala kuli ngongo wamuchiwana yoze walipwilile ni akwo eswe, mwe mukwa kuvwisa mwongo, kali ni mazo a utale, ni yala ya unengu; mukwa kupapulula ni kupalwola ni kuliataliata masalila ni molu jenyi. 20Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo. 21Shimbu munguchitala, mbinga yino yasa jita ni asandu, ni kwakumba, 22ndo ku kwiza cha mwe Mukulu-wa-Matangwa, muze ahanyine chiyulo kuli asandu ja mwe Chitunda, mwaka hiwaheta muze asandu matambula wanangana.
23Aye yamba Chichino ngwenyi,
Ha kutwala kuli ngongo wamuchiwana,
kumukukapwa hano hashi wanangana wamuchiwana
wa kulipwila ni mawanangana eswe.
Kumuukapapulula hashi
heswe nikuliataliata, nikupalwola.
24Ha kutwala ku mbinga kumi,
chinalumbunuka, ku wanangana wenyi
kumi lia mianangana makasoloka,
mba mukwo makasoloka kulutwe.
Iye makalipwila ni waze apwile kulu,
mba makakumba mianangana atatu.
25Kumakahanjika maliji anene a kulimika ni mwe Chitunda,
makapinjisa asandu ja mwe Chitunda.
Makahala kwalumuka miaka ni shimbi,
no makaakunjika kuli iye
ndo ku mwaka, ni miaka yiali, ni chihanda cha mwaka.
26Alioze punga ya sopi matwama nikusopa,
mba mamuchiza chiyulo chenyi
akachinongese ni kuchonwona ndo ku songo.
27Alioze wanangana ni chiyulo
ni unene wa mawanangana kushi lia lilu lieswe
kumakakunjika kuli atu ja asandu ja mwe Chitunda.
Wanangana wo kumuukapwa wanangana wa mutolo,
mba akwa yiyulo yeswe kumakaavumbika ni kwaononokena.
28Kuno kwasula che chikuma, alioze ha kutwala kuli yami Daniel, manyonga jami anguvwishile woma wunji, ni ku meso jami kwalumukine, alioze nafungile chikuma mu mbunge yami.
Chokwe Bible © Bible Society in Angola, 1975.