DANIEL 6
6
1Chapemenene Dariu kusa ku chiyulo cha wanangana kulakaji lia yilolo ni makumi aali a yilolo akapwe kweswe ha wanangana. 2Helu lio hapwile akwa lutwe atatu hanga yilolo akakumbulule kuli ayo hanga yuma ya mwanangana yikende kanawa ni kutokesa chakuhi. Daniel wapwile hakachi ka wano atatu. 3Mba yono Daniel walumukine wa lufuma helu lia akwa lutwe akwo ni yilolo mumu Spiritu mupema Wahiana Watwamine muli iye; mba mwanangana wazangile kumusa helu lia wanangana weswe. 4Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye. 5Kashika wano malunga yamba ngwo, Kutuchi kuwana chitela hali yono Daniel shina mutuchiwana ha kutwala ku shimbi ja Zambi yenyi.
6Kashika akwa lutwe ni yilolo yalitesa, yeza kuli mwanangana ngwo, Vulie mwanangana Dariu. 7Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba. 8Kashika mwanangana, senu ye koki, senu jina ku mukanda, mba kuyichi kuhasa kwalumuka nikulita ni shimbi ja A-Media ni A-Persia jize kechi kuhasa kujishiha. 9Kashika mwanangana Dariu yasa jina lienyi ha mukanda, he ha shimbi ya koki.
10Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu. 11Kashika wano malunga, se halitesa kulu, yeza yawana Daniel kanalembe ni kuliumba kumeso ja Zambi yenyi. 12Mba yakundama ni kwamba kumeso ja mwanangana ha kutwala ku shimbi yize ya koki ngwo, Mwanangana, kunwasonekene jina lienu ha shimbi yimwe ya koki ngwenu, Mutu mweswe malemba kuli umwe zambi hanji umwe mutu ha makumi atatu a matangwa shina kuli yenu mwanangana, amunyase mu wina wa ndumba? Mwanangana yakumbulula ngwenyi, Chuma chinakolo nikulita ni shimbi ja A-Media ni A-Persia jize kechi kuhasa kujishiha. 13O yamba kumeso ja mwanangana ngwo, Auze Daniel wa kuli njize a ku Yunda kanupanjikile, chipwe enu mwanangana, chipwe shimbi yize ya koki nwasonekene jina, alioze kakulemba katatu ha tangwa.
14Mwanangana ha kwivwa maliji wano walifwichile chikolo mu mbunge. Wasele manyonga jenyi kupulula Daniel, ni kuhondangana ndo kunjila cha tangwa akamulamwine. 15Henaho wano malunga yalitesa yeza kuli mwanangana ngwo, Nyingikenu mwanangana, shimbi ya A-Media ni A-Persia ngwetu, Shimbi yimwe ya koki, hanji chiyulo cha mwanangana, kechi kahasa kuchalumuna.
16Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe. 17O yaneha luliwe, yalusa ha wina. Mwanangana yasaho Chijikilo chenyi mwene ni Chijikilo cha alemu jenyi hanga nichimwe chuma akachalumune ha kutwala kuli Daniel. 18Mba mwanangana yaya ku zuwo lienyi, yapalikisa ufuku weswe ni kulitwamina kulia; kamunehenene yisaji ya miaso; tulo kaamwene.
19Ha kuvumbuka cha tangwa, mwanangana yakatuka, yaya kapupushi ku wina wa ndumba. 20Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba? 21Daniel yamba kuli mwanangana ngwenyi, Vulie mwanangana. 22Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe. 23Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi. 24Mwanangana yatuma, mba waze asumine Daniel, yaaneha, yaanyasa mu wina wa ndumba—ayo, ni ana jo, ni mapwo jo. Shimbu kanda achiheta ha mashima a wina ndumba yaakwata ni kupalwola yifwaha yo tuyipinji.
25Mba mwanangana Dariu yatuma mulanda kuli akwa mavungu eswe, ni minyachi yeswe, ni malimi eswe aze atwama hano hashi ngwenyi, Sambukila yikalumbame kuli yenu. 26Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel,
mumu iye Zambi ya mwono,
katwama wa mutolo.
Wanangana wenyi kechi kahasa kuwonwona;
chiyulo chenyi kuchichi kasula.
27Kakupulula, kakulamwina,
kakulinga yilayi ni yikomokeso
mwilu ni hashi,
yono mwene hanalamwina Daniel,
ku tachi ja ndumba.
28Chocho yono Daniel yawaha ni milimo yenyi mu wanangana wa Dariu, ni mu wanangana wa Ka-Persia Siru.
Currently Selected:
DANIEL 6: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
DANIEL 6
6
1Chapemenene Dariu kusa ku chiyulo cha wanangana kulakaji lia yilolo ni makumi aali a yilolo akapwe kweswe ha wanangana. 2Helu lio hapwile akwa lutwe atatu hanga yilolo akakumbulule kuli ayo hanga yuma ya mwanangana yikende kanawa ni kutokesa chakuhi. Daniel wapwile hakachi ka wano atatu. 3Mba yono Daniel walumukine wa lufuma helu lia akwa lutwe akwo ni yilolo mumu Spiritu mupema Wahiana Watwamine muli iye; mba mwanangana wazangile kumusa helu lia wanangana weswe. 4Kashika akwa lutwe ni yilolo afupile chitela cha kusuma nacho Daniel ha kutwala ku wanangana. Alioze kawanyine chitela, hanji kapalia, mumu aye mukwa jika; kawanyine kulweza hanji kapalia muli iye. 5Kashika wano malunga yamba ngwo, Kutuchi kuwana chitela hali yono Daniel shina mutuchiwana ha kutwala ku shimbi ja Zambi yenyi.
6Kashika akwa lutwe ni yilolo yalitesa, yeza kuli mwanangana ngwo, Vulie mwanangana Dariu. 7Akwa lutwe eswe a mu wanangana, ni tupitau, ni yilolo, ni tuliamanga, ni anguvulu, hitwanyonga hamuwika ngwetu, Chatamba yenu mwanangana kusa shimbi ni kukolesa koki ya kwamba ngwenu, Mweswe malemba kuli umwe zambi hanji kuli umwe mutu ha shimbu lia makumi atatu a matangwa, shina kuli yenu mwanangana, amunyase mu wina wa ndumba. 8Kashika mwanangana, senu ye koki, senu jina ku mukanda, mba kuyichi kuhasa kwalumuka nikulita ni shimbi ja A-Media ni A-Persia jize kechi kuhasa kujishiha. 9Kashika mwanangana Dariu yasa jina lienyi ha mukanda, he ha shimbi ya koki.
10Daniel muze hanyingika ngwenyi, Hasa jina ku mukanda uze, yaya ku zuwo lienyi kuze te kali ni njanela mu chipatulo cha mwilu ya washi ya kutalikisa ku Yerusaleme. Yazondama ha makungunwa jenyi ni kulemba ni kusakwila kuli Zambi yenyi katatu ha tangwa chizechene ngwe wapwile nikulinga kulu. 11Kashika wano malunga, se halitesa kulu, yeza yawana Daniel kanalembe ni kuliumba kumeso ja Zambi yenyi. 12Mba yakundama ni kwamba kumeso ja mwanangana ha kutwala ku shimbi yize ya koki ngwo, Mwanangana, kunwasonekene jina lienu ha shimbi yimwe ya koki ngwenu, Mutu mweswe malemba kuli umwe zambi hanji umwe mutu ha makumi atatu a matangwa shina kuli yenu mwanangana, amunyase mu wina wa ndumba? Mwanangana yakumbulula ngwenyi, Chuma chinakolo nikulita ni shimbi ja A-Media ni A-Persia jize kechi kuhasa kujishiha. 13O yamba kumeso ja mwanangana ngwo, Auze Daniel wa kuli njize a ku Yunda kanupanjikile, chipwe enu mwanangana, chipwe shimbi yize ya koki nwasonekene jina, alioze kakulemba katatu ha tangwa.
14Mwanangana ha kwivwa maliji wano walifwichile chikolo mu mbunge. Wasele manyonga jenyi kupulula Daniel, ni kuhondangana ndo kunjila cha tangwa akamulamwine. 15Henaho wano malunga yalitesa yeza kuli mwanangana ngwo, Nyingikenu mwanangana, shimbi ya A-Media ni A-Persia ngwetu, Shimbi yimwe ya koki, hanji chiyulo cha mwanangana, kechi kahasa kuchalumuna.
16Kashika mwanangana yahana liji, yaneha Daniel, yamunyasa mu wina wa ndumba. Mwanangana yamba kuli Daniel ngwenyi, Zambi ye akufunge, yoze wakumuvumbika matangwa eswe. 17O yaneha luliwe, yalusa ha wina. Mwanangana yasaho Chijikilo chenyi mwene ni Chijikilo cha alemu jenyi hanga nichimwe chuma akachalumune ha kutwala kuli Daniel. 18Mba mwanangana yaya ku zuwo lienyi, yapalikisa ufuku weswe ni kulitwamina kulia; kamunehenene yisaji ya miaso; tulo kaamwene.
19Ha kuvumbuka cha tangwa, mwanangana yakatuka, yaya kapupushi ku wina wa ndumba. 20Ha kukundama ku wina muze mwatwama Daniel, yatambika ni liji lia kupinda kuli Daniel ngwenyi, Daniel, kavumbi ka Zambi ya mwono, Zambi ye yoze wakumuvumbika matangwa eswe hahasa kukupulula kuli ndumba? 21Daniel yamba kuli mwanangana ngwenyi, Vulie mwanangana. 22Zambi yami watumanga mungelo wenyi kuyika makanwa ja ndumba. Kangulemekene mumu hanguwana chishi kapalia kumeso jenyi. Chipwe kumeso ja yenu mwanangana chalingile chipi nichimwe. 23Mba mwanangana wawahililile chikolo, yahana liji achize Daniel mu wina. Chocho yachiza Daniel mu wina, nikamwe kachilonda kakawanyine hali iye mumu hafuliela Zambi yenyi. 24Mwanangana yatuma, mba waze asumine Daniel, yaaneha, yaanyasa mu wina wa ndumba—ayo, ni ana jo, ni mapwo jo. Shimbu kanda achiheta ha mashima a wina ndumba yaakwata ni kupalwola yifwaha yo tuyipinji.
25Mba mwanangana Dariu yatuma mulanda kuli akwa mavungu eswe, ni minyachi yeswe, ni malimi eswe aze atwama hano hashi ngwenyi, Sambukila yikalumbame kuli yenu. 26Ngunase shimbi ngwami, Mu yifuchi yeswe ya wanangana wami atu eswe akachikime ni woma kumeso ja Zambi ya Daniel,
mumu iye Zambi ya mwono,
katwama wa mutolo.
Wanangana wenyi kechi kahasa kuwonwona;
chiyulo chenyi kuchichi kasula.
27Kakupulula, kakulamwina,
kakulinga yilayi ni yikomokeso
mwilu ni hashi,
yono mwene hanalamwina Daniel,
ku tachi ja ndumba.
28Chocho yono Daniel yawaha ni milimo yenyi mu wanangana wa Dariu, ni mu wanangana wa Ka-Persia Siru.
Chokwe Bible © Bible Society in Angola, 1975.