AMOSE 8
8
1Chocho Mwene Yehova yangulweza, kumanyi mutonga wa mihuko ya lwiza. 2Mba yamba ngwenyi, Amose, yika unamono? Yingwamba ngwami, Mutonga wa mihuko ya lwiza. Yehova yamba kuli yami ngwenyi,
Songo hiliaheta kuli atu jami A-Izalele;
chichi kwapalika nawa nilimwe tangwa.
3Mwene Yehova kanambe ngwenyi,
Miaso ya mu tembele muyalumuka kulila mbimbi ha tangwa lize;
mijimba ya afu muyikapwa yinji makayimbila kweswe nikuhola.
4Ivwenu chino, yenu nwakuliata akwa kuhona;
nwakusulisa yiswale mu chifuchi ngwenu,
5Chiwanyino cha kakweji mwaha hali muchisulila
hanga tukalanjise mbuto?
Sambata ola yika muyipatuka,
hanga tukakulise tiliku,
tukakehese njongo ni kuweza ku ndando,
ni kwonga ni mbalansa ja mahuza,
6tukalande yiswale ni prata;
tukalande akwa kuhona ni haku jiali
nikulanjisa yiswaswa ya tiliku?
7Yehova halishinga ni ulemu wa Yakomba ngwenyi,
Pundu chichi kavulama yitanga yo niyimwe.
8Te chifuchi kuchichi kachikima ha chikuma chino?
Ni waze eswe atwamamo kechi kalishimwoka?
Cheswe te kuchichi kazunduka ngwe lwiji Nilo,
ni kupindangana ni kuhuwa nawa ngwe Nilo wa Engitu?
9Mwene Yehova kanambe ngwenyi,
Ha tangwa lize mungukanjisa tangwa ha tangwa ha muchima.
Mungulayisa hashi ha ola ya mwalwa.
10Mungukalumuna yiwanyino yenu mu kulishimwoka,
ni miaso yenu mu kulila lungungu.
Mungukajika mijimba yeswe ni yikeleyi,
mungukasa lwole ha mitwe yeswe.
Munguchipwisa ngwe kulila hali mwana wa lunga wa wika.
Songo liacho mulipwa ngwe tangwa lisasu.
11Mwene Yehova kanambe ngwenyi,
Matangwa kaneza muze mungukatuma kapunga mu chifuchi.
Hi kapunga ka mbolo ko, hanji pwila ya meya,
alioze ha kwivwa liji lia Yehova.
12Kumakendangana chize ku mbaka ndo ku mbaka,
chize ku Norte ndo ku Chivumbuko;
kumakazomboka sali ni sali nikufupa liji lia Yehova,
alioze kechi kaliwana.
13Ha tangwa lize *avirgem apema ni akweze makalezumuka ni pwila.
14Waze akulishinga ni shili ya Samaria,
nikwamba ngwo, Ni mwono wa zambi ye, Ndane;
hanji, Ni mwono wa jila ya Mbia-shipa,
o kumakalimbuka; kechi kahinduka nawa nilimwe tangwa.
Currently Selected:
AMOSE 8: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
