2 A-KORINDU 13
13
1Chisuho chino chamuchitatu mungwiza kuli yenu. Mu makanwa ja yela aali hanji atatu maliji eswe makakola. 2Nambile Shimbu-kanda, ngunambe shimbu kanda ngwiza, chizechene ngwe muze napwile hamwe ni yenu chisuho chamuchiali, chocho haliapwila, se chishiko, kuli waze hanavulumuna kunyima, ni kuli akwo eswe ngwami, Kachi mungwiza cheka nawa, kachi chichi kanuvwila keke; 3se nunafupu chinyingi cha Kristu yoze wakuhanjika muli yami; yoze kuli yenu hi mulelu ko, alioze mukwa tachi muli yenu. 4Mumu amuliachilile ha kulusu mu ulelu, hindu katwama ni mwono ku tachi ja Zambi. Mumu yetu nawa tunalele muli iye, alioze kumutukatwama ni mwono hamwe nenyi ku tachi ja Zambi kuli yenu.
5Liesekenu yenwene kachi nuli mu Ufulielo; sololenu chinyingi hali yenwene. Kuma, kunwanyingikine yenwene, Yesu Kristu mwali muli yenu shina chamwenemwene nwapwa yisáshili, nyi? 6Alioze nakutalatala nunyingike yetu hi tuli yisáshili ko. 7Achi, twakulemba kuli Zambi ngwetu, Kanda nulinga chipi nichimwe; kuchapwile ngwe tukasoloke akwa Shindakenyo, ka, alioze hanga yenu nukalinge chize Chinalulama, chipwe yetu tukapwe ngwe yisáshili. 8Mumu kutwahashile kulinga nichimwe cha kulimika ni umwenemwene, alioze ndo nikulita ni umwenemwene. 9Mumu twakuwahilila muze mutulela, ni yenu munupwa ni tachi: chino nawa twakulembela ngwetu, Nukapwe a muwundu. 10Ha chikuma chino ngunasoneka yino yuma shimbu chishiko, hanga muze mungupwa hamwe ni yenu chichi kanwambila maliji akalu, nikulita ni chiyulo chize hanangwehe Mwene mukukolesa, hi mukupuzula ko.
11Ha kusula, mandumbu, wahililenu. Pwenu angunu; lilembejekenu; pwenu ni kunyonga chimuwika; pwenu ni sambukila: ni Zambi ya zango ni sambukila kumakapwa hamwe ni yenu. 12Limenekenu umwe ni mukwo ni mukwo ni mbeju yisandu. 13Asandu eswe kananumeneka.
14Vumbi lia Mwene Yesu Kristu, ni zango lia Zambi, ni kuliendela cha Spiritu Musandu chikapwe hamwe ni yenu eswe.
Currently Selected:
2 A-KORINDU 13: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
