2 A-KORINDU 12
12
1Changutamba kulisamba wate, chipwe kuchatele; alioze mungwiza ku yimona ni usolwelo wa Mwene. 2Ngunanyingika mutu muli Kristu, kumi lia miaka ni miaka yiwana kunyima, (shina mu mujimba Chanyingikine: shina haze lia mujimba Chanyingikine, Zambi kananyingika), umwe ngwe yono amupindumwine ndo mwilu mwamuchitatu. 3Ngunanyingika mutu umwe (shina mu mujimba shina keshi mujimba Chanyingikine, Zambi kananyingika), 4ngwe chize amupindumwine mwilu mu Paraisu, kuze evwile maliji aze kahashile kwahanjika atu, eno katayijile kuli atu kwahanjika. 5Hali umwe ngwe yono mungulisamba; alioze hali yami mwene chichi kalisamba, shina ha ulelu wami. 6Mumu kachi munguzanga kulisamba, chichi kapwa Chizuzuke; mumu ngunahanjika umwenemwene; alioze ngunalihumikiza kuchina umwe mangushinginyeka kupwa kuhiana chize mangumona kupwa, hanji chize mangwivwa kupwa. 7Ni ha mukunda wa unene wahiana wa usolwelo, kuchina mungulinangamisa kuhiana naye, anguhele mutuwi mu mujimba, kanganda ka Satana, hanga akangumbufule, kuchina mungulinangamisa kuhiana naye. 8Ha chuma chino naliumbile kuli Mwene katatu, hanga chikatuke kuli yami. 9Iye wambile kuli yami ngwenyi, Vumbi liami linate hali yena; mumu tachi jami kakujipwisa jingunu mu ulelu. Ni kuwaha chahiana kashika mungulisamba Shinaho ha ulelu wami, hanga tachi ja Kristu jikatwame hali yami. 10Kashika nakuwaha ni ulelu, ni sau, ni huli, ni yihungumiona, ni kupinda, mumu hali Kristu: mumu muze mungulela, hohene mungupwa ni tachi.
11Ngunapu Chizuzuke, nyi? Yenu nwachilinga; mumu chatamba kachi yenu munungusangalisa: mumu chasalile kunyima lia waze apostolo ahiana, nichimwe, chipwe nguli wamokomoko. 12Chamwenemwene twalingile yilayi ya upostolo hakachi kenu, ni utunu weswe, ni yilayi, ni yipekesa, ni yipupu. 13Mumu neka nunasala kunyima yikungulwila yikwo, shina mu chino, yami chanulemenene? Ngukonekenenu kama chipi chino.
14Talenu, chino chisuho chamuchitatu ngunalulika kwiza kuli yenu; chichi kanulemena: mumu chishi kufupa niyenu, alioze yenwene ngunafupu: mumu kuchatambile ana kutulikila hali yisemi jo, alioze chatamba yisemi kutulikila hali ana. 15Ni kuwaha chahiana mungwecha yuma yami, ewa munguliecha yami mwene hali yenu. Kachi mungunuzanga kuhiana nawa, kachi mununguzanga chikepe nawa, nyi? 16Alioze chikapwe chocho, chanulemenene, alioze nikupwa ni kalimbavuli ngwo, Nanukwachile ni kalimbalimba. 17Nanwongele kuli umwe wa waze naatumine kuli yenu, nyi? 18Naliumbile kuli Titu; natumine ndumbu hamwe nenyi. Titu wanwongele chimwe, nyi? Kutwendeleko ni spiritu yimuwika, nyi? Kutwendeleko mu ngano jimuwika, nyi?
19Nunashinginyeka shimbu lino lieswe ngwe tunalisambisa kuli yenu, nyi? Tunahanjika kumeso ja Zambi muli Kristu: alioze yuma yeswe tunalingi kuli yenu, akwetu a Zango, tunayilingi hanga tukanukolese. 20Mumu ngunevu woma kuchina hanji muze mungwiza mungunuwana ngwe chize chazangile, ni yami mwene mununguwana ngwe chize yenu kunwazangile; kuchina hanji mukukapwa vunda, ni ukwa, ni ufwatulo, ni kulimanangana, ni kakowelo, ni kalundanganyishi, ni kulifuza ni yizungozungo. 21Kuchina cheka nawa muze mungwiza, Zambi yami mangulelesa kumeso jenu, mungunenganyana hali anji a kuli waze hanavulumuna kunyima, ngwe kalikonyekeneko ha luchisa ni utanji ni upangala uze alingile.
Currently Selected:
2 A-KORINDU 12: Csa
Highlight
Copy
Compare
Share
Want to have your highlights saved across all your devices? Sign up or sign in
Chokwe Bible © Bible Society in Angola, 1975.
